Dan. 9:14 - Ebaibul

¹⁴ Aŋun, abu Ekapolon nyerubak ite ŋuna itiyao isua, abu yau neni kosi ŋican, anerae iyookino Ekapolon Akuj kosi alotooma daadaŋ ŋuna etiya iŋes, ido nyiwuapa isua ŋakiro ŋuna irworo iŋes.

Dan. 9:14 Iomraidhean Croise

2 Ŋakiro a ŋirwa 12:6

Apotu nai ŋikarikok a Ŋisirael ka erwosit kitiditeunos make temasi, “Iyookino ŋuna itiyae Ekapolon.”

Esir 9:15

Okoe Ekapolon, Akuj a Isirael, iyookino iyoŋ, nai ikideun isua ikirae ŋipiya, lopite ŋolo eyakatar ŋakiro tokona. Ikiya isua kiŋaren kon ikiyakar ekaile, anerae mam ituŋanan epedori akiwo alokiŋaren kon aŋuna a ŋakiro aŋun.”

Neem. 9:33

Iyookino iyoŋ anakiro a daadaŋ a ŋuna apotu neni kosi, anerae itiya iyoŋ ikinyoma, nai etiyae isua erono,

Ŋikiru. 111:7

Erimaana ka iyookino iŋes alotooma ŋiticisyo keŋ daadaŋ. Erae ŋakiciketa keŋ daadaŋ ŋuna ikinyoma.

Ŋikiru. 116:5

Ejok Ekapolon ka iyookino; isyoniono Akuj yok.

Ŋikiru. 119:137

Okoe Ekapolon, irae iyoŋ ŋolo iyookino, iyookino ŋatubonokineta kon.

Ŋikiru. 51:14

Okoe Akuj, akaiunan kaŋ nyikimyek ayoŋ oruwor ekaaran, okoe Akuj ŋina irae aiuno kaŋ, aeikini ayoŋ ŋuna ka akiyookino kon.

Awos. 9:27

Tonyarau nai Parao Moses ka Aron, tema neni kec, “Adau ayoŋ apaki na akisec; iyookinit Ekapolon, ido ikidyakarit ayoŋ kaapei ka ŋituŋa kaŋ.

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 31:28

Lopite ŋolo abunio ayoŋ olemarya, omunaarya, elounia, enyasunia ka oyau aronis neni kec, aŋun eyoki ayoŋ ikes, ido adukokini ka adupakini ikes nabo.

Yer. 4:17

Irikaunete ikes Yerusalem lopite ŋolo irikaunitotor ŋiketeok emanikor, anerae akaŋero ayoŋ ŋituŋa a Yerusalem.

Yer. 44:27

Alosi ayoŋ akitere iyes aŋuna ka awania, meere aŋuna ka ajokis, ŋituŋa daadaŋ ŋulu a Yudaya ŋulu eyakasi Ijipit earyo a ekileŋ ka eron tari ŋina emamukaunor tari ipei daŋ ŋini idoŋi.

Aum. 1:5

Aruwor ŋimoe a Sion ŋikapolok keŋ, aruwor ŋikelounak, anerae emyek Ekapolon Sion toryamu ŋican aŋuna a ŋasecisya keŋ a ŋuna alalak nooi; alot ŋituŋa a Sion nakwapin, aruwor ŋirikon a ŋimoe a kec.

Esek. 16:43

Aŋuna pa ibunio iyoŋ totamunia ŋirwa ŋulu ka asoroko kon ŋulu akatiŋitor ayoŋ iyoŋ ejok, a ŋun ikitoŋo iyoŋ ayoŋ anakiro a daadaŋ a ŋuna itiya iyoŋ, ŋakiro ŋun nai eketoboŋokinio ayoŋ iyoŋ ŋiticisyo kon pei ikisicanere iyoŋ. “‘Kaanukiro ibunio iyoŋ kiatakinia amalao nakiro ŋuna aronok ŋuna sek itiyae iyoŋ?

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Dan. 9:7

“Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.