Dan. 9:13 - Ebaibul

¹³ Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

Dan. 9:13 Iomraidhean Croise

2 Ŋirw. 22:16

atemar ebala Ekapolon, kire jik, esicani ayoŋ akibois na ka ŋituŋa keŋ, lopite ŋolo igiritere lokitaabo ŋakiro daadaŋ ŋuna adau erwosit a Yudaya akisyom.

Yob 36:13

“Erubakinete ŋulu nyikinyomito Akuj alotai kec eyakatar aŋoit, nyigworonokinete ikes Akuj kiŋarak ikes apaki ŋina itukya Akuj ikes.

Ŋikiru. 119:18

Toŋaa ŋatameta kaŋ, ikotere ayoŋ ayenuni ŋakiro ŋuna ka aumokin ŋuna a ŋikisila kon.

Ŋikiru. 119:27

Kimyekinae ayoŋ oyenu ŋuna ebasi ŋikisila kon, ikotere nai otamatama ŋaumonokineta ŋuna itiya iyoŋ.

Ŋikiru. 119:73

Iyoŋ ikisubuni ka ikiyeuni ayoŋ; inakinae ayoŋ aosou oyenunia ŋakiciketa kon.

Ŋikiru. 85:4

Torimakinae isua, okoe Akuj ŋina irae akaiunan kosi; tojoŋo aŋoikinit isua.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 42:9

Kiirasi, alunyarosi ŋakiro ŋuna ŋorok, erworo tokona ayoŋ ŋakiro ŋunakitet; ani eriŋa ŋakiro ŋun nyetakanuna, akalimokini ayoŋ iyes ikes.”

Isa. 43:22

“Kikote neni daŋ, okoe ŋiletok a Yakob, ipotu iyes nyikinyarata ayoŋ; nai okoe ŋiletok a Isirael, abu ikiup iyes akiwuapit ŋakiro kaŋ.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Isa. 64:7

Mam ituŋanan enyarit ekiro kon, kori ikatakini arubakin eyai neni kon, anerae iwua iyoŋ ereet kon aneni kosi ka ikimyek iyoŋ isua ikilounete ŋasecisya kosi.

Isa. 9:13

Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 30:14

Imuryakinosi iyes aneni a ŋulu ikiminasi iyes nyeriŋa ikes ikimisito iyes, anerae ekesican ayoŋ iyes lopite ŋolo isicanere emoit, ekesican ayoŋ iyes lopite ŋolo isicanere emoit ŋolo nyisyoniono anerae epol nooi aronis kus ka elalak nooi ŋasecisya kus.

Yer. 31:18

Kire adau ayoŋ akiirar adyekitoi a ŋituŋa a Epuraim ebasi, ‘Ibu iyoŋ ikida isua ka aponi isua tocamunae akida kon, ikikwaan isua ka itaok ŋini nyisisatae aenit. Kinyakunae isua, kimyekinae isua toboŋunoe, anerae irae iyoŋ Ekapolon Akuj kosi.

Yer. 44:23

Etiyakin ŋican ŋul neni kus aŋuna iponiata iyes kicunya ŋainakineta ka aŋuna iponiata iyes toseca aneni ke Ekapolon, nyiwuapa ŋakiro keŋ, kori kiwuapa ŋikisila keŋ ka ŋakiro ŋuna atubunit iŋes ta ŋuna elimunit iŋes.”

Yer. 44:27

Alosi ayoŋ akitere iyes aŋuna ka awania, meere aŋuna ka ajokis, ŋituŋa daadaŋ ŋulu a Yudaya ŋulu eyakasi Ijipit earyo a ekileŋ ka eron tari ŋina emamukaunor tari ipei daŋ ŋini idoŋi.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Aum. 5:21

Kinyakunae isua neni kon okoe Ekapolon, ikotere isua ikiboŋuni neni kon. Inakinae isua ekiboiye ŋolo ajokan ŋolo ikwaan ka ŋolo paaran a ekiŋaren.

Esek. 16:43

Aŋuna pa ibunio iyoŋ totamunia ŋirwa ŋulu ka asoroko kon ŋulu akatiŋitor ayoŋ iyoŋ ejok, a ŋun ikitoŋo iyoŋ ayoŋ anakiro a daadaŋ a ŋuna itiya iyoŋ, ŋakiro ŋun nai eketoboŋokinio ayoŋ iyoŋ ŋiticisyo kon pei ikisicanere iyoŋ. “‘Kaanukiro ibunio iyoŋ kiatakinia amalao nakiro ŋuna aronok ŋuna sek itiyae iyoŋ?

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Osea 7:10

Elimorit akituro a ŋituŋa a Isirael ŋuna etubokinere ikes, nai nyemisito ikes aboŋun neni ke Ekapolon Akuj kec, kori daŋ nyiwarito ikes Ekapolon aŋuna a ŋakiro a ŋun a daadaŋ.

Osea 7:14

Nyekegworokinete ikes ayoŋ a ŋitai kec, nai iwololoete alokitaadae kec, ecunakin ikes iitanito ŋikinyom ka epiini, akaŋero ikes ayoŋ.

Osea 7:7

Emwaka ikes daadaŋ lopite ŋolo emwania ekeno, amunyasi ikes ŋikepukak kec. Aari ŋirwosi kec daadaŋ, nai mam ituŋanan ebuni akilip neni kaŋ aŋuna ka akiŋarakino.

Luk. 24:45

Toŋaaros ŋatameta kec toyenut ŋuna igiritae Nakigireta.

Yoa. 10:35

(Ikiyeni atemar iyookino Ŋakigireta kire;) ido abu Akuj tonyara ŋituŋa ŋulu alimokinio ŋakiro keŋ, ŋakujo.

Yoa. 6:45

Igirit ekadwaran epei ebe, ‘Ebuni Akuj akitatam ŋituŋa daadaŋ.’ Ŋulu iirarete Papa, toyenut aneni kaŋ, epote neni kaŋ.

Yoa. 8:32

Iyenunete ŋuna a kire ka ikilacakinete iyes ŋuna a kire.”

Ŋiep. 4:21

Ipotu iyes kire kiirasi ŋakiro keŋ ikwapei ŋikewuapak keŋ, aponi ikitatami iyes ŋakiro ŋuna a kire ŋuna ka akimorikina ka Yesu.

Ŋikis. 29:4

Nai akitodol nakoloŋit na eriŋa Ekapolon nyeinakina iyes aosou ka ŋatameta ŋunayenunet ŋakiro, kori ŋakonyen ŋuna kiŋolikinet ŋakiro ŋuna itiyakin, kori ŋaki ŋuna kiiraret ŋakiro ŋuna adaut akitiyakin nakiyar kus.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.