Dan. 9:12 - Ebaibul

¹² Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Dan. 9:12 Iomraidhean Croise

1 Ŋirw. 3:9

Aŋun inakinae ayoŋ eketiyan kon ŋatameta ŋuna eyenete ŋakiro ŋuna ka akipuka ŋituŋa kon, ikotere oyenunia ŋuna ajokak ka ŋuna aronok; anerae ŋae epedori akipuka ŋituŋa kon lu ŋulu alalak?”

2 Ŋirw. 22:16

atemar ebala Ekapolon, kire jik, esicani ayoŋ akibois na ka ŋituŋa keŋ, lopite ŋolo igiritere lokitaabo ŋakiro daadaŋ ŋuna adau erwosit a Yudaya akisyom.

Yob 12:17

Elemari aosou aneni a ŋulu iŋarakinito ekepukan akipuka ejok, ituruwonori ŋikatubok ŋakiro ŋibaŋaanotin.

Ŋikiru. 148:11

Kipuro Ekapolon iyes ŋirwosi ŋulu ka akwap ka ŋituŋa daadaŋ, iyes ŋikapolok ka ŋikepukak daadaŋ,

Ŋikiru. 2:10

Aŋun nai tokona, iyes ŋirwosi toosokyoto; iyes ŋikepukak ŋulu ka akwap, tocoikisi ŋakiro ŋun.

Ŋakit. 8:16

Erae aŋuna kaŋ ipukatotor ŋikepukak, erae aŋuna kaŋ ipukatotor ŋikapolok daadaŋ anakiyookino.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Yer. 30:7

Ekaŋ iyes! Ebunit akoloŋit ŋina apolon nooi, mam akoloŋit ace ikwaanatar, erae apaki ŋina ka akiyaloloŋ a ŋiletok a Yakob; nai eiunio ikes alocan a ŋul.”

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Yer. 39:16

“Tolot, tolimok Ebed-Melek Esiopiait ebe, ‘Ebala Ekapolon ŋolo a ŋajoresyo, Akuj a Ŋisirael, alosi ayoŋ akisiyookin ŋakiro kaŋ aŋuna ke etaun a lo aŋuna ka aronis keŋ meere aŋuna ka ajokis keŋ, iyookin ŋakiro ŋun akoloŋit ŋin toyai iyoŋ.

Yer. 44:23

Etiyakin ŋican ŋul neni kus aŋuna iponiata iyes kicunya ŋainakineta ka aŋuna iponiata iyes toseca aneni ke Ekapolon, nyiwuapa ŋakiro keŋ, kori kiwuapa ŋikisila keŋ ka ŋakiro ŋuna atubunit iŋes ta ŋuna elimunit iŋes.”

Aum. 1:12

Ebasi ŋituŋa a Yerusalem, “Erae mono ŋican lu ŋikoŋinae aneni kus iyes ŋituŋa daadaŋ ŋulu itoreneneete Yerusalem a? Kiŋolikisi mono iyes ŋakwapin ŋunace, eyakasi ŋican ŋulu eryamunito ikes ŋulu ikote ŋulu eryamunitae isua a? Eyakasi mono nakwapin ŋican ŋulu ikote ŋulu eyaunit Ekapolon neni kosi anapaki a ŋina ka aŋoit keŋ nooi a?

Aum. 2:13

Okoe ŋituŋa a Yerusalem, anukiro tokona alimuni ayoŋ aŋuna kus? Nyo ekesikwaanikinia ayoŋ iyes? Ŋae tokona ekesikwaanikinia ayoŋ iyes ikotere ayoŋ ekesirworiuni iyes? Mam ekisal a ŋican kus, ikwaan ka neni emamukar esal ŋolo ka anam; mam ituŋanan epedori akiteyar iyes nabo.

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Aum. 4:6

Esicani ŋituŋa kaŋ nooi, elo akisicanio kec tari ŋina a ŋituŋa a Sodoma; a etaun a ŋolo abu Akuj tomunya ŋituŋa keŋ atipei todaun ikaiunan.

Esek. 13:6

Erae ŋakitoodyanakineta kec ŋuna ka alyokonu ka erae ŋuna edwarete ikes amodiyo. Ebasi ikes, ‘Alimu Ekapolon ŋakiro nu,’ nai nyiyakiyara Ekapolon ikes, ido idarito ikes kisiyookinoe ŋakiro kec.

Esek. 5:9

Aŋuna ka asiilyo a daadaŋ a ŋina itiyaete iyes, etiyae ayoŋ neni kus ŋuna nyetiyakina ŋinapei, ido nyetiyakini nabo ayoŋ ŋuna ikote ŋun.

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Sakar 1:8

Abu Sakariya tema, “Abu ayoŋ anakiruja nakwaare eŋolik ekile emyat aŋole ŋina areŋan. Awoi ekile ŋol alokidiŋ ŋikito ŋulu ikwaan ka ŋikamurya, toyai nakadipaalat. Ayakasi kaku keŋ ŋaŋolei ŋuna areŋak, ŋuna oŋora areŋak ka ŋuna akwaŋak.”

Sakar 7:12

Apotu kitogogoŋo ŋakyes kec ikwa ŋatabab, todaun epite ŋolo iiraryata ŋikisila kori ŋakiro ŋuna abu Ekapolon ŋolo Etiron kiyakiu alotooma Etau keŋ alorwori a ŋikadwarak a ŋulu esyaunak. Aŋun, abu Ekapolon ŋolo Etiron toŋo nooi.

Mat. 24:21

Anerae alorwa a ŋul, eyakaunosi ŋakisicaneta ŋuna nyetakanuna ŋinapei kesubia Akuj akwap tari tokona, kori nyepote nabo jik ŋican ŋul.

Mat. 5:18

Akalimokini ayoŋ iyes kire atemar, mati kesalu nakuj ka akwap, emam enyukuta kori akirot adio cici ŋina ikisaryo a Lokisila, mati kirikakin ŋakiro daadaŋ.

Mar. 13:19

Anerae alorwa a ŋul, eyakaunosi ŋakisicaneta ŋuna nyetakanuna ŋinapei koloŋ kesubia Akuj ŋiboro daadaŋ anakwap tari tokona; kori nyepote nabo jik ŋican ŋulu ikote ŋul.

Luk. 21:22

Anerae erae ŋul ŋirwa ŋulu ka anyaŋan, kiyookinotor ŋuna igiritae Nakigireta daadaŋ.

Ŋirom. 15:8

Anerae akalimokini ayoŋ iyes atemar abu Kristo toruwor eketiyanakinan aneni a Ŋiyudayan kitoodiunia atemar erae ŋakiro ŋuna ka Akuj ŋuna a kire, isiyoonokini iŋes ŋakiikineta keŋ neni atapapaa.