Dan. 8:3 - Ebaibul

³ Ani aŋoleŋolekini ayoŋ, abu eŋolik emesek ewoi alodiyete aŋolol, ayakar emesek ŋol ŋamomwar ŋaarei, aoyak ŋamomwar ŋun daadaŋ, nai aoi apei akilo ŋinace, nai abu ekaku tooyaar nooi akilo ŋinace.

Dan. 8:3 Iomraidhean Croise

1 Ŋakiro a ŋirwa 21:16

Kiŋoliya Daudi kidiama, kiŋolik emalaika ke Ekapolon ewoi alokidiŋ nakuj ka akwap, etiŋit ekileŋ ŋolo alemunitae anakuraro aarya ŋituŋa a Yerusalem. Apotu nai Daudi ka ŋikasikou tonapa ŋilowi ŋulukigworyet, toramakinos kwap, kijuuroto.

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Esir 4:5

ido apotu ikes kiluŋuluŋa ŋikapolokinitok a ŋituŋa ka akwap a Perisia, ikotere nyecamakis ŋituŋa a ekabila a Yuda edukete nabo Akai ka Akuj. Torubakis ikes itiyaete ŋun ŋirwa daadaŋ ŋulu epukator Kirus akitodol apaki ŋina aruworor Darius ekepukan a Perisia.

Esta 1:3

Ani edoli ekaru ŋolo a ŋiuni ipukat, kitemok iŋes ŋasuban aŋuna a daadaŋ a ŋulu epukato ka iŋes ka ŋiketiyak keŋ. Ayakasi nen ŋikyain ŋulu a Perisia, Media ka ŋapolon ta ŋirwosi a ŋakiboisyo ka akwap keŋ.

Isa. 13:17

Kiirasi, ewuakini ayoŋ ekibure neni a Ŋimedes toremo Babilon, nyemisito Ŋimedes esilipa, nyiitanito ikes aryamun egolid.

Isa. 21:2

Adau Ekapolon akisileerekin ayoŋ ŋakiro nu anakiruja: Elukini ekalukinon, inyasuni ekenyasunan. Okoe ŋituŋa a Elam, kitipeiyosi toremo, ŋasigarya a Media, kirikautu ŋitaunio, etadauni ayoŋ akiyaloloŋ daadaŋ ŋina eteryamunito ŋituŋa a Babilon ŋuluce.

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Dan. 10:5

abu ayoŋ ereo kidiama, eŋolik ekile ŋolo anapit ŋilowi ŋulu amilimilak, tonapite anacir akoroba ŋina etiyaunitae a egolid a ŋolo alo Upas.

Dan. 2:39

Ekaku kon, eyakaun ekepukan ece ŋolo epalag anapolou keŋ akilo iyoŋ, ekaku a ekepukan a ŋol eyakaun ece ŋolo epalag nooi akilo ŋolo a ŋiarei, ido iŋes ipukae akwap daadaŋ.

Dan. 5:31

ido abu Darius ŋolo arae ŋolo alo Medes toruwor ekepukan akwap a ŋin, arae ŋikaru keŋ ŋatomonikanikapei ka ŋiarei.

Dan. 6:28

Aŋun, aponi Daniel torubakinae itopoloonoritae alorwa a ŋulu epukator Darius ka alorwa a ŋulu epukator Cirus Eperisianait.

Dan. 7:5

Totakanu nabo etyaŋ ece ŋolo a ŋiarei ŋolo ekwaan ka etyaŋ ŋolo adedeŋan, aponi etyaŋ kitonyounoe ke epeiwae, ayakar etyaŋ ŋol ŋikyal ŋiuni ŋulu apolok nakituk keŋ ŋina aya ŋikyal ŋuluce ka aponi tolimokinae ebe, ‘Tonyou tonyam ŋawat ŋuna alalak.’

Dan. 8:2

Anakisileerekinet a ŋina ete ayoŋ anakiruja, abu ayoŋ eŋolik ayai Susa lotaun ŋolo apolon ŋolo ayai Elam natyakatait a akwap a Babilon, awoi ayoŋ alodiyete aŋolol ŋina enyaritae Ulai.

Dan. 8:20

Ani eruwor emesek ŋolo ibu iyoŋ kiŋolik eyakar ŋamomwar ŋaarei, itoodiunito ŋamomwar keŋ ŋirwosi ŋiarei, ŋolo a Media ka ŋolo a Perisia.

Sakar 1:18

Abu nai ayoŋ eŋoliya kidiama, eŋolik alokiŋaren kaŋ ŋamomwar ŋaomwon.

Sakar 2:1

Ani eŋoliyari ayoŋ kidiama, abu eŋolik ekile ŋolo ayakar akipimet.

Sakar 5:1

Abu nabo ayoŋ eŋoliya kidiama, eŋolik ekitaabo ŋolo ayai kidiama lokuwuam.

Sakar 5:5

Abu nai emalaika ŋolo ikirworo ka ayoŋ bu neni kaŋ tema, “Kiŋoliya kidiama kiŋolik ibore ŋin ŋini ebunit.”

Sakar 5:9

Ani eŋoliyari ayoŋ kidiama, abu eŋolik ŋaberu ŋaarei eporete a ŋabebenuk a ŋuna ikiwuakarete, ido aponito ŋaberu ŋun neni kaŋ. Ayakatar ikes ŋabebenuk ŋuna ikwaan ka ŋuna a acolikokot, apotu ikes kikyaasi ebukit topororyata.

Sakar 6:1

Abu nabo ayoŋ eŋoliya kidiama, eŋolik alokiŋaren kaŋ ŋagaari ŋaomwon ŋuna eritae a ŋaŋolei, eponito alokidiŋ ŋimoru ŋiarei. Arae ŋimoru ŋul ŋulu a ŋasuwa a ŋuna enyaritae eburonis.

Ekim. 24:2

Abu Balaam kiŋolik Ŋisirael etukonoro a ŋikabilae, ido abu etau ŋolo ka Akuj bu neni keŋ,

Yos. 5:13

Apaki apei eyai Yosua diyete Yeriko, abu iŋes kikeu ereet keŋ kiŋolik ekile ewoi alokiŋaren keŋ etiŋit ekileŋ. Tolot Yosua neni ayai iŋes kiŋit tema, “Irae iyoŋ epei a alokidiŋ kosi, kori irae emoit?”

Akis. 13:11

Abu oanyuwa etyaŋ ece elomuni alotooma akwap. Ayakar iŋes ŋamomwar ŋaarei ŋuna ekwaan ka ŋuna a imesek ka erworo ikwa epiu.

Akis. 5:6

Abu ayoŋ eŋolik Imesek ewuoi alokidiŋ ekicoloŋ irikaunito ŋisubuna ŋuluomwon ka ŋikatukok. Atakani Imesek esibit earitae. Ayakar iŋes ŋamomwar ŋakanikaarei ka ŋakonyen ŋakanikaarei, ŋulu erae ŋitai ŋulukanikaarei ŋulu ka Akuj ŋulu iyakiyaritae nakwap daadaŋ.