Dan. 8:25 - Ebaibul

²⁵ Alotooma epali keŋ, ituruwori iŋes amodiyo ibore ŋini erubakini elosi kiŋaren anapedor keŋ, itopoloor iŋes nooi anatameta keŋ. Emunyari iŋes ŋikalalak pa elimokinit atemar edyakarito ka itijikini iŋes tari erwosit ŋolo epol akilo ŋirwosi daadaŋ, inyasunio iŋes, nai meere ka apedor a ituŋanan.

Dan. 8:25 Iomraidhean Croise

Yob 34:20

Epedorete ŋikabarak ka ŋikulyakanotin atwakare atipei, epedoryo ŋituŋa akitamaranikin nakwaare, ido totwaka, epedori Akuj alemar ŋikadedeŋak pa itijikinit.

Yer. 48:26

“Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Aum. 4:6

Esicani ŋituŋa kaŋ nooi, elo akisicanio kec tari ŋina a ŋituŋa a Sodoma; a etaun a ŋolo abu Akuj tomunya ŋituŋa keŋ atipei todaun ikaiunan.

Dan. 11:12

Kedau iŋes akikamar ŋasigarya ŋuna alalak ŋun, iturokin erwosit ŋolo alowae a ŋolo alo Kwap nooi, tosodi toar ŋasigarya ŋalipyo ŋuna alalak, nai nyerubakini iŋes erae ŋolo elounan.

Dan. 11:45

Edukokini iŋes ŋiemae keŋ ŋulu ka apukan kidiŋ anam ka emukura ŋolo ebusan ka ŋolo asegan. Nai etwani iŋes, emam ituŋanan ebuni akiŋarakin iŋes.

Dan. 7:26

Nai eyakaun eikiiko ŋolo etubere ŋakiro, tosodi elemaryo apukan aneni keŋ ka emunaaryo apukan keŋ jik.

Dan. 7:8

Ani eriŋa ayoŋ ete ŋamomwar a etyaŋ a ŋol, abu ayoŋ eŋolik amomwara ace ŋina adit alokidiŋ ŋamomwar ŋunatomon. Abu amomwara ŋin kilunyokin neni a ŋamomwar a ŋauni a ŋuna aponi toditarae anakou a etyaŋ. Aya daŋ namomwara ŋin ŋakonyen ŋuna ekwaan ka ŋuna a ituŋanan, ayakar daŋ etyaŋ ŋol akituk ŋina erworo ŋakiro ŋuna ka akituro.”

Dan. 8:11

Abu amomwara ŋin kitiya ŋuna ka akituro neni a Ekapolon a ŋolo a ŋimalaikan, abu tojoŋo ainanakin ŋainakineta ŋuna epeyo a ŋinakoloŋit aŋuna a Ekapolon ka abu kikama akibois ŋina ayai Akai ŋina ka Akuj.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.

2 Ŋites. 2:3

Nyikimodik iyes idiotuŋanan alopite a edio daŋ, anerae nyebuni Akoloŋit ŋin, mati kedol mono apaki ŋina eŋeryoto ŋituŋa ŋulu alalak Akuj, ido totakanu nai Eketepegan ŋolo ka Akuj, ŋolo emaikina tocakakinae nakim ŋina nyeduŋe.

2 Ŋites. 2:8

Kisileereunoe nai Eketepegan Akuj; nai ani ebuni Ekapolon Yesu, eari Eketepegan ŋol a ekuwuam a ŋolo ka akituk keŋ ka inyasuni Yesu iŋes ka akica a ŋina enwakinwaki a ŋina ebunio iŋes.

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”