Dan. 8:24 - Ebaibul

²⁴ Eyakaunor iŋes apedor ŋina apolon, eyaununi ŋinyas ŋulu etubulok ka mam ŋakiro ipiyorete iŋes akitiyakin, emunyari iŋes ŋulu ajiok nooi, emunyari tari ŋituŋa ŋulu ka Akuj.

Dan. 8:24 Iomraidhean Croise

Ŋikiru. 37:35

Adau ayoŋ akiŋolikin ŋulu aronok etiŋito ŋuluce erono, ka ebutur ikwa ŋikito a Cedar alo Lebanon.

Dan. 11:23

Ani kedau iŋes acamun ka ŋituŋa a ŋakwapin, itiyae iŋes neni a ŋuluce ka amodiyo, aŋun eruwor iŋes ŋolo agogoŋon ŋolo eyakar ŋituŋa ŋidikudyo.

Dan. 12:7

Abu nai ekile ŋolo anapit ŋilowi ŋulu amilimilak, ŋolo awoi alokidiama ŋakipi kikyaa ŋakan keŋ kidiama, ido abu ayoŋ eira iŋes ikoŋi alokiro a Akuj a ŋina eyari ŋikaru ka ŋikaru ebala, “Erae ŋakiro nu ŋuna a ŋikaru a ŋiuni ka atutubet. Ani edaun apedor a ŋituŋa a Akuj, itiyakinio ŋakiro nu daadaŋ.”

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Dan. 8:10

Abu amomwara ŋin tooyaar nooi todol kidiama neni a ŋimalaikan ka ŋikacer, tocaku ŋimalaikan ka ŋikacer ŋice kwap, kipuda ikes alokwap.

Dan. 8:11

Abu amomwara ŋin kitiya ŋuna ka akituro neni a Ekapolon a ŋolo a ŋimalaikan, abu tojoŋo ainanakin ŋainakineta ŋuna epeyo a ŋinakoloŋit aŋuna a Ekapolon ka abu kikama akibois ŋina ayai Akai ŋina ka Akuj.

Dan. 8:12

Aŋuna ka aronis kec, aponi ŋituŋa ŋulu ka Akuj kaapei ka ŋainakineta kec ŋuna epeyo kipotokinoe neni a amomwara, ido abu amomwara kirwor alyokonu, kiteesik ŋituŋa ŋakiro ŋuna a kire ŋuna ka Akuj ka abu amomwara kitiya ejok ibore daadaŋ ŋini etiyae iŋes.

Dan. 8:23

Ani eapuuni adaun ŋapukasinei a ŋirwosi a ŋul, apaki ŋina eruworotor ikes ŋulu ebilito ŋikisila nooi, eyakaun erwosit ŋolo anyunyuran, ŋolo epiiryana anayere aruruma.

Akis. 16:6

Apotu ikes tobukonosi ŋaokot ŋuna a ŋituŋa ka Akuj ka ŋuna a ŋikadwarak, aŋun, itamat iyoŋ ikes ŋaokot. Aryamut ikes ŋuna itemokino ikes toryamut.”

Akis. 17:17

Anerae adau Akuj akiwuakin lotai kec akitiya acamit keŋ, ŋina erae akimorikina kaapei, inakis etyaŋ apedor kec akipukaa akitodol ŋina iyookinotor ŋakiro ŋuna ka Akuj.

Akis. 17:6

Abu oanyuwa aberu ŋin emerete ŋaokot ŋuna a ŋituŋa a ŋulu ka Akuj ka ŋuna a ŋulu kearyo aŋuna kenupitotor Yesu. Ani eŋolikini ayoŋ iŋes, abu okobul nooi.

Akis. 19:2

Erae kire ka iyookino ŋatubokineta ŋuna ka Akuj! Atuboki iŋes amalaat ŋina enyasunit akwap aŋuna ka amalao keŋ. Enyaŋarya Akuj iŋes, anerae abu iŋes toar ŋiketiyak ŋulu ka Akuj.”