Dan. 8:22 - Ebaibul

²² Ani eruwor amomwara ŋina aponi topokoroe ŋina apotu ŋace ŋaomwon kilunyokinos neni sek ayai iŋes, eyakaun ŋapukasinei ŋaomwon nakwap a erwosit a ŋolo a ekiŋaren, nai nyegogoŋioto ŋapukasinei ŋun akilo ŋina ke erwosit a ŋolo a ekiŋaren.

Dan. 8:22 Iomraidhean Croise

Dan. 11:4

Ani eriŋa iŋes ipukat ka iyata apolou keŋ, etyak apukan keŋ, ace Kuju, ace Kwap ka ace Kide ta ace To. Nyeruwor ŋipapae keŋ ipukaete anapukasinei a ŋun, tari ŋulu ipukaete nyepedorete akipuka lopite ŋolo epukator erwosit ŋolo arae ekajion ŋol, anerae edemaryo iŋes apukan keŋ inakinae neni a ŋice akilo ŋipapae keŋ.

Dan. 7:6

Ekaku a ŋol eriŋa ayoŋ ete iŋes, abu ece totakanu ŋolo ekwaan ka eris, ayakar etyaŋ ŋol kaku keŋ ŋabebenuk ŋuna ikwaan ka ŋuna a ikyeny ka eyakar etyaŋ ŋol ŋakyes ŋaomwon, aponi inakinae iŋes apedor ŋinakipukaet.

Dan. 7:7

Kedaun ŋun, abu nabo eŋolik anakisileerekinet a ŋina abu ayoŋ eŋolik nakwaare etyaŋ ŋolo a ŋiomwon, arae etyaŋ ŋol ŋolo ikiteryaŋakini ŋolo ikitubuli ka arae ŋolo agogoŋon nooi, ayakar etyaŋ ŋol ŋikyal ŋulu aburok ŋulu arae ŋasuwa, anyami iŋes ibore apaki ŋin ka anyilinyili icakit ŋanyile. Agelaana etyaŋ ŋol alotooma ŋityaŋ daadaŋ ŋulu a ekiŋaren ka ayakar ŋamomwar ŋatomon.

Dan. 8:21

Tosodi etoodiunit ekoroe erwosit a Yapan, erae amomwara ŋina alokidiŋ ŋakonyen a ekoroe, erwosit ŋolo a ekiŋaren.

Dan. 8:23

Ani eapuuni adaun ŋapukasinei a ŋirwosi a ŋul, apaki ŋina eruworotor ikes ŋulu ebilito ŋikisila nooi, eyakaun erwosit ŋolo anyunyuran, ŋolo epiiryana anayere aruruma.

Dan. 8:3

Ani aŋoleŋolekini ayoŋ, abu eŋolik emesek ewoi alodiyete aŋolol, ayakar emesek ŋol ŋamomwar ŋaarei, aoyak ŋamomwar ŋun daadaŋ, nai aoi apei akilo ŋinace, nai abu ekaku tooyaar nooi akilo ŋinace.

Dan. 8:8

Abu nai ekoroe togogoŋior, kiyatakin apedor keŋ nooi. Nai ani egogoŋior iŋes nooi, abu amomwara keŋ ŋina agogoŋon nooi ŋin tobilar, ido apotu ŋace ŋaomwon ŋuna eleereete tolomut aneni sek ayai amomwara ŋin, eteorito ŋamomwar ŋun lowaetin ŋuluomwon ŋulu ka akwap, ŋinamomwara lowae epei.

Sakar 6:1

Abu nabo ayoŋ eŋoliya kidiama, eŋolik alokiŋaren kaŋ ŋagaari ŋaomwon ŋuna eritae a ŋaŋolei, eponito alokidiŋ ŋimoru ŋiarei. Arae ŋimoru ŋul ŋulu a ŋasuwa a ŋuna enyaritae eburonis.