Dan. 8:21 - Ebaibul

²¹ Tosodi etoodiunit ekoroe erwosit a Yapan, erae amomwara ŋina alokidiŋ ŋakonyen a ekoroe, erwosit ŋolo a ekiŋaren.

Dan. 8:21 Iomraidhean Croise

Dan. 10:20

Tema nai emalaika neni kaŋ, “Iyeni iyoŋ ŋakiro ŋuna abunitor ayoŋ neni kon a? Emaikina tokona ayoŋ oboŋo akitijiore emalaika ŋolo epolokinit apukan ŋina a Perisia, ani elouni ayoŋ iŋes, ebuni emalaika ŋolo epolokinit akwap ŋina ka Akaia.

Dan. 11:2

“Akalimokini tokona ayoŋ iyoŋ ŋakiro ŋuna a kire. Eyakaunosi ŋirwosi ŋice ŋiuni Perisia, ebuni ŋolo a ŋiomwon ŋolo ebarit akilo ŋirwosi ŋulu esyaunak ŋuluuni daadaŋ. Kedau iŋes agogoŋior aŋuna ka abaru keŋ, ecunakini iŋes ŋituŋa daadaŋ akitijikin ekepukan ka Akaia.

Dan. 11:3

Ekaku keŋ eyakaun erwosit ŋolo erae ekajion, ŋolo ipukae ka apedor a ŋina apolon ka itiyae ŋuna ecamit iŋes.

Dan. 2:39

Ekaku kon, eyakaun ekepukan ece ŋolo epalag anapolou keŋ akilo iyoŋ, ekaku a ekepukan a ŋol eyakaun ece ŋolo epalag nooi akilo ŋolo a ŋiarei, ido iŋes ipukae akwap daadaŋ.

Dan. 7:6

Ekaku a ŋol eriŋa ayoŋ ete iŋes, abu ece totakanu ŋolo ekwaan ka eris, ayakar etyaŋ ŋol kaku keŋ ŋabebenuk ŋuna ikwaan ka ŋuna a ikyeny ka eyakar etyaŋ ŋol ŋakyes ŋaomwon, aponi inakinae iŋes apedor ŋinakipukaet.

Dan. 8:20

Ani eruwor emesek ŋolo ibu iyoŋ kiŋolik eyakar ŋamomwar ŋaarei, itoodiunito ŋamomwar keŋ ŋirwosi ŋiarei, ŋolo a Media ka ŋolo a Perisia.

Dan. 8:22

Ani eruwor amomwara ŋina aponi topokoroe ŋina apotu ŋace ŋaomwon kilunyokinos neni sek ayai iŋes, eyakaun ŋapukasinei ŋaomwon nakwap a erwosit a ŋolo a ekiŋaren, nai nyegogoŋioto ŋapukasinei ŋun akilo ŋina ke erwosit a ŋolo a ekiŋaren.

Sakar 9:13

Esitiyae ayoŋ Isirael ikwapei isitiyaa ekajion ŋikaleŋeleŋe. Esitiyae ayoŋ ŋikilyok ŋulu eya Sion ikwapei isitiyaa ekajion ŋileŋia, kitojioto ŋikilyok ŋulu ka Akaia.