Dan. 8:19 - Ebaibul

¹⁹ Okolimok nai iŋes ayoŋ tema, “Topupok, akalimokini ayoŋ iyoŋ ŋakiro ŋuna itiyakin moi anapakio a ŋuna ka anyunyura, anerae erae ŋakiro akisileerekinet ŋuna ka apaki a ŋina esalunia akwap.

Dan. 8:19 Iomraidhean Croise

Ŋikiru. 102:13

Ibuni iyoŋ, ido kisyoni Sion, anerae adolu apaki ŋina isyonio iyoŋ iŋes. Adolu apaki ŋina etemokinitoe,

Dan. 11:27

Iboikinosi iwapei ŋirwosi ŋuluarei ŋul ŋulu iwuakinito ŋuna aronok natameta kec, ido kirworo emodyanakin make. Nai mam ibore itiyakin anakiro a ŋuna eyeete ikes, anerae ebuni asalunet anapaki a ŋina itemokinitoe.

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Dan. 8:23

Ani eapuuni adaun ŋapukasinei a ŋirwosi a ŋul, apaki ŋina eruworotor ikes ŋulu ebilito ŋikisila nooi, eyakaun erwosit ŋolo anyunyuran, ŋolo epiiryana anayere aruruma.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Luk. 21:23

Erokyarosi nooi ŋirwa ŋulu anaberu a ŋuna epotiyete ka ŋuna itanakete! Anerae eyakaun ŋican ŋulu apolok nakwap na, nabo emini anyunyura ŋina ka Akuj lotuŋa ŋul!

Akis. 1:1

Erae ekitaabo lo ŋolo igiritae ŋakiro ŋuna abu Yesu Kristo kisileereu. Abu Akuj inak iŋes akiseleerekinet na, ikotere iseleerekinio ŋiketiyak keŋ ŋuna itemokino totakanut atipei. Abu Kristo kiyakiya emalaika keŋ neni a Yoana ke eketiyan keŋ akiteyenikin iŋes ŋakiro nu.

Akis. 10:7

Nai, ani ekutakini emalaika ŋolo a ŋikanikaarei arupepe keŋ, irikakini Akuj ŋakiro ŋuna ka akimunono ŋuna elosikinit iŋes akitiya, ikwaŋinapei alimokinitor ŋikadwarak ŋulu erae ŋiketiyak keŋ.

Akis. 11:18

Apotu ŋituŋa ŋulu nyenupito Akuj tonyunyura, anerae adolu apaki ŋina ka anyunyura kon, apaki ŋina etubokinere ŋikatwak. Adolu apaki ŋina eropere ŋiketiyak, ŋikadwarak ka ŋituŋa kon daadaŋ ŋulu ikikerito iyoŋ, ŋulu arwok ka ŋulu caryo kaapei. Adolu apaki ŋinamunyaret ŋulu enyasak akwap!”

Akis. 15:1

Abu nai oanyuwa alokidiama atakanunet ace ŋina ka aumokin ŋina apolon nooi. Ayakasi ŋimalaikan ŋikanikaarei ŋulu ayakatar ŋakisicaneta ŋakanikaarei ŋuna esidyok, anerae ikes eŋetakinere anyunyura ŋina ka Akuj.

Akis. 17:17

Anerae adau Akuj akiwuakin lotai kec akitiya acamit keŋ, ŋina erae akimorikina kaapei, inakis etyaŋ apedor kec akipukaa akitodol ŋina iyookinotor ŋakiro ŋuna ka Akuj.