Dan. 8:15 - Ebaibul

¹⁵ Kadau ayoŋ Daniel akiŋolikin akisileerekinet ŋin, abu ayoŋ ekatak ayenun apolou keŋ. Abu nai ice ŋini ekwaan ka ituŋanan totakanu neni kaŋ, towo alodiyete kaŋ.

Dan. 8:15 Iomraidhean Croise

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Dan. 10:16

Tosodi a nen, abu emalaika ŋolo esibit ituŋanan okotap ayoŋ ŋipon, ido abu ayoŋ oŋaa akituk kaŋ ikotere erworikini, olimok nai ayoŋ ŋolo awoi alodiyete kaŋ otema, “Ekapolon kaŋ, ekeilosi ayoŋ ŋakiro ŋuna ka akisileerekinet a ŋina abu ayoŋ eŋolik, ido adaun agogoŋ aneni kaŋ.

Dan. 10:18

“Abu nabo emalaika ŋolo asibit ituŋanan okotap ayoŋ, tosodi eketogogoŋ ayoŋ.”

Dan. 10:5

abu ayoŋ ereo kidiama, eŋolik ekile ŋolo anapit ŋilowi ŋulu amilimilak, tonapite anacir akoroba ŋina etiyaunitae a egolid a ŋolo alo Upas.

Dan. 12:8

Abu ayoŋ eira, nai abu nyayenu apolou a ŋakiro a ŋun, aŋun abu ayoŋ eŋit otema, “Ekapolon kaŋ, anukiro epote ekaku a ŋakiro a nu?”

Dan. 7:13

Ani ete ayoŋ ŋakisileerekineta ŋun nakwaare, abu ayoŋ eŋolik ibore ŋini ekwaan ka ituŋanan ebunit eyai kidiŋ ŋidouwon. Abu iŋes tolot neni a ŋolo iboi ŋikaru ka ŋikaru ka aponi yaarae iŋes neni ayai ŋolo iboi ŋikaru ka ŋikaru.

Dan. 7:28

Ŋakiro daadaŋ ikes ŋun ŋuna aponi okolimokin ayoŋ apolou kec. Ani eruwor ayoŋ Daniel, apotu ŋatameta kaŋ eketubulo ayoŋ nooi, ido abu ereet kaŋ kilocokin, nai abu ayoŋ eric ŋakiro daadaŋ alotau kaŋ.

Dan. 8:1

Alokaru a ŋolo a ŋiuni ipukat erwosit Belisasar, abu akisileerekinet ŋina a ŋaarei anakiruja bu neni kaŋ.

Dan. 8:19

Okolimok nai iŋes ayoŋ tema, “Topupok, akalimokini ayoŋ iyoŋ ŋakiro ŋuna itiyakin moi anapakio a ŋuna ka anyunyura, anerae erae ŋakiro akisileerekinet ŋuna ka apaki a ŋina esalunia akwap.

Sakar 1:9

Abu ayoŋ eŋit otema, “Ekapolon kaŋ nyo ŋiboorei lu?” Abu emalaika ŋolo ikirworo ka ayoŋ okoboŋok ayoŋ tema, “Eketoodikini ayoŋ iyoŋ atemar nyo ikes.”

Mat. 13:36

Toesik nai Yesu ŋasepico a ŋituŋa, toloma kai. Potu ŋikeekasyomak neni keŋ temasi, “Kiteyenunae isua apolou ŋina ka akitadapet a ŋina ke etirwae alomanikor.”

Mat. 24:15

“Iŋolikinete iyes ŋiboro ŋulu aronok eyakasi neni einakinitae Akuj, ikwaŋina koloŋ alimunitor ekadwaran Daniel, (toyenu ekasyoman apolou a ŋakiro a nu!)

Mat. 24:30

Totakanu nai akitoodikinet a Lokoku a Ituŋanan anakuj. Ikalounete ŋibukui daadaŋ anakwap iŋolikinete Lokoku a Ituŋanan ebuni alodowuon eyakar apedor ka akica ŋina apolon nooi.

Mar. 13:14

“Iŋolikinete iyes asiilyo etakanuni neni nyitemokino etakanunia. (Itemokino ŋini esyomi toyenu apolou a ŋakiro a ŋun!) Apaki ŋin, itemokino ŋulu eyakasi Yudeya, toema lomoru.

Mar. 4:12

ikotere ‘Ani kiŋolikis daŋ, nyeanyuwasi; ani kepuput daŋ, nyiirasi. Anerae kerae toanyuwarito ka kiirarito, keboŋorito neni ka Akuj akisyonio.’ ”

Yos. 5:14

Toboŋok ekile ŋol iŋes tema, “Meere ayoŋ epei alokidiŋ kus, kori emoit, nai ayoŋ arikit ŋasigarya a Ekapolon Akuj, abu tokona ayoŋ.” Toryedik nai Yosua kijuuru todol ereet kwap, kilip neni a ekile a ŋol, kiŋit tema, “Arae ayoŋ eketiyan kon Ekapolon, nyo icamit iyoŋ ayoŋ etiya?”

Akis. 1:13

Alokidiŋ ŋawuoeta ŋun ayai ŋini ekoni ituŋanan, ŋini anapit elou ŋolo aoyan, ŋolo adolit kwap ŋakejen keŋ ka tonapite alokore keŋ arokoba ŋina etiyaunitae a egolid.

Akis. 13:18

Itemokino toyakatar aosou. Ituŋanan ŋini eos, epedori aripun enamba ŋolo ke etyaŋ, anerae erae enamba ŋol ŋolo ke ekiro a ituŋanan. Enamba keŋ erae ŋamiae ŋakanikapei ka ŋatomonikanikapei ka ŋikanikapei (666).