Dan. 8:13 - Ebaibul

¹³ Abu nai ayoŋ eira emalaika irworo, tema emalaika ece neni a emalaika a ŋolo erworo, “Apaki ŋina etya ai eayete ŋakiro ŋuna eŋolikin anakisileerekinet, ido kisiyookinoe? Ŋakiro ŋuna ka akisileerekinet a ŋainakineta a ŋuna epeyo a ŋinakoloŋit, ŋuna ayaut ekasile aŋuna ka aŋerit Akuj ka ŋuna epotorere akibois ŋina ka Akai ka Akuj ta ŋuna epudaere ŋimalaikan.”

Dan. 8:13 Iomraidhean Croise

Ŋikiru. 74:10

Okoe Akuj, apaki ŋina etya ai eayete ŋimoe kon ikijamuwarito iyoŋ? Erubakinete mono ŋimoe kon iyanyete ekiro kon ŋikaru ka ŋikaru a?

Ŋikiru. 74:9

Nyeriŋa isua ikiŋolyanakini ŋimacarin ŋulu a ŋitalyo kosi, emam ekadwaran idoŋit epei daŋ, emam ipei daŋ alokidiŋ kosi ŋini eyeni apaki ŋina edaunotor ŋakiro nu.

Ŋikiru. 79:5

Apaki ŋina etya ai okoe Ekapolon irubakinia iyoŋ ikiŋoikinit isua? Irubakini mono iyoŋ ikiŋoikinit isua ŋikaru ka ŋikaru a? Erubakini mono alilit kon enepi ikwa akim a?

Isa. 28:18

Elemaryo acamunet kus ka atwanare, ikisaryo acamuna kus ka akibois ŋina a ŋikatwak; ani epote neni kus ŋican ŋulu etubulok, ikimunaarete iyes.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Isa. 63:18

Apotu ŋituŋa kon ŋulu asegak kikamasi akibois ŋina asegan apaki adio cici bon; nai tokona enyasut ŋimoe kosi akibois kon ŋina asegan.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 12:10

Amunaasi ŋikeyokok ŋulu alalak emanikor kaŋ ŋolo a ŋikito a epiini, epudakis ikes emanikor kaŋ kwap, eturuwosi ikes akwap kaŋ ŋina amina ayoŋ aloŋisat ka ereŋorot.

Dan. 11:31

Epote ŋasigarya ŋuna iyakuunit iŋes, ido toloma nen, tomunaasi ŋaduketa ŋunajiet, itojoŋoete ikes ŋituŋa ayaunun ŋamuronisya ŋuna a ŋinakoloŋit ka eyaunete ikes nen asiilyo ŋina eyauni ekasile.

Dan. 12:11

Ameun anakoloŋit a ŋina ajoŋoere ayaunun ŋainakineta ŋuna epeyo, akoloŋit ŋina etiyaere asiilyo ŋina abu yau ekasile, eyakaun ŋirwa aliput ka ŋamiae ŋaarei ka ŋatomoniomwon.

Dan. 12:8

Abu ayoŋ eira, nai abu nyayenu apolou a ŋakiro a ŋun, aŋun abu ayoŋ eŋit otema, “Ekapolon kaŋ, anukiro epote ekaku a ŋakiro a nu?”

Dan. 4:10

“‘Ani aperi ayoŋ alokitaada kaŋ, ŋuna abu ayoŋ eŋolik anakiruja ikes nu: Abu ayoŋ eŋolik ekitoe eyai kidiŋ akwap, eoya ekitoe ŋol nooi.

Dan. 4:13

“‘Abu ayoŋ orubak ete ŋuna erujae aperi alokitaada kaŋ, abu ayoŋ eŋolik emalaika, esubuna ŋolo anakuj, ebunit anakuj.’

Dan. 4:23

Apaki ŋina iteo iyoŋ erwosit kaŋ emalaika ŋol ŋolo asegan ebunit anakuj ebala, “Toyepakisi ekitoe ŋol kwap ka tomunaasi iŋes, nai kimyekisi apuŋure ka ŋataagor edupakina kwap eenen ka asuwat ka eburonis, eyakasi lonya ŋulu ka ariet. Kimyekisi iŋes kitopalala ŋakopi ŋuna alokidiama kimyekisi iŋes kiboiyoto ka ŋityaŋ ŋulu ka ariet, emaikina iŋes torubak ikoni nen ŋikaru ŋikanikaarei.”

Dan. 7:16

Abu ayoŋ olot neni a epei a ŋolo awoi a nen ka eŋit iŋes apolou a ŋakiro a ŋun a daadaŋ. Aŋun, abu iŋes okolimok ayoŋ atemar eketeyenikini apolou a ŋakiro a ŋun, ido abu tema,

Dan. 7:23

Apolou a ŋakiro a ŋuna abu iŋes okolimok ayoŋ iŋes na, “Itoodiunit etyaŋ ŋolo a ŋiomwon atemar, eyakaun nakwap apukan ŋina a ŋaomwon, apukan ŋina egelaana anapukasinei a daadaŋ, emunyari iŋes akwap daadaŋ, ipudaari akwap daadaŋ ka ielielaari a ŋapeipei.

Dan. 9:27

Iwuakini nai ekarikon ŋol acamunet ŋina agogoŋon ka ŋituŋa ŋulu alalak, acamunet ŋina iboi ŋikaru ŋikanikaarei, ani elunyar atutubet apei ŋina a ŋikaru a ŋul, elemari iŋes ŋamuronisya ka ŋainakineta. Iwuakinio neni sek eayeneneo ikes etorube ŋolo aronon ŋolo asiilyanan ŋolo eyauni ekasile. Erubakini iŋes eyai nen akitodol ŋina emunaarya Akuj ŋini abu kiwuak etorube ŋolo nen, itiyakin ŋun lopite ŋolo etubunitor Akuj.”

Sakar 1:19

Abu ayoŋ eŋit emalaika ŋolo ikirworo ka ayoŋ otema, “Nyo ŋiboorei lu?” Abu iŋes okoboŋok ayoŋ tema, “Erae ikes ŋituŋa a ŋakwapin a ŋuna agogoŋok, ŋulu ealasi ŋituŋa a Yudaya, Isirael ka Yerusalem nariet.”

Sakar 14:5

Iemete iyes kitoro nakadipaalat ŋina ke emukura kaŋ, anerae itooyaaryo akadipaalat ŋin tari Asal. Iemete iyes lopite ŋolo aponiata atapapaa kus toemyata apaki ŋina amaranikinia akwap ŋirwa ŋulu araakar Usia erwosit ŋolo a Yudaya. Ebuni Ekapolon Akuj kaŋ, erukunete iŋes kaapei ka ŋimalaikan daadaŋ.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 24:15

“Iŋolikinete iyes ŋiboro ŋulu aronok eyakasi neni einakinitae Akuj, ikwaŋina koloŋ alimunitor ekadwaran Daniel, (toyenu ekasyoman apolou a ŋakiro a nu!)

Mar. 13:14

“Iŋolikinete iyes asiilyo etakanuni neni nyitemokino etakanunia. (Itemokino ŋini esyomi toyenu apolou a ŋakiro a ŋun!) Apaki ŋin, itemokino ŋulu eyakasi Yudeya, toema lomoru.

Luk. 10:22

“Akainaki ayoŋ Papa kaŋ ŋiboro daadaŋ. Emam ituŋanan ŋini eyeni atemar Lokoku iŋes iŋae, mati Papa; nabo emam ŋini eyeni atemar Papa iŋes iŋae, mati Lokoku ka ŋulu daadaŋ ecamit Lokoku akiteyenun Papa keŋ neni kec.”

Luk. 21:20

“Ani iŋolikinete iyes Yerusalem irikaunito ŋajorei a ŋimoi, toyenete atemar aapiki akinyasun iŋes.

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Ŋikis. 33:2

Abu iŋes kirwor ŋakiro nu: Abu Ekapolon bu alo Sinai, totakanu neni yok alo Seir, tocau alomoru Paran. Arukito iŋes ka ŋikasegak ŋalipyo ka ŋalipyo, ayakasi teten keŋ ŋajorei keŋ.

1 Ŋites. 3:13

Alopite a ŋol, ikitogogoŋi iŋes iyes ka iruworosi iyes ŋulu iyookino ka ŋulu asegak alokiŋaren Akuj Papa yok, apaki ŋina etakanuniata Ekapolon Yesu kaapei ka ŋulu erae ŋulu keŋ.

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.

Yud. 1:14

Arae ikotere ikes abunio Enok ŋolo a ŋikanikaarei alokidiŋ ŋipapae ŋulu ka Adam todwarya tema, “Topupokisi! Erukunete Ekapolon ka ŋimalaikan keŋ ŋulu nyimarun,

Akis. 11:2

Nai, nyipim ŋibarasanin, anerae einakinitae ikes lotuŋa ŋulu nyerae Ŋiyudayan ŋulu ipudaarete etaun ŋolo ka Akuj ŋilapyo ŋatomoniomwon ka ŋiarei.

Akis. 6:10

Apotu ŋitai ŋul kiworout a etoil a ŋolo apolon temasi, “Ekapolon ŋolo etiron, ŋolo Asegan ka ŋolo a kire! Apaki mono ŋina etya ai iyai iyoŋ eriŋa nyebuno atubokin ŋituŋa ŋulu ka akwap, ido kisican ikes aŋuna ikiaryata isua?”

Ŋikat. 13:18

Nai toboŋok emalaika ŋolo ke Ekapolon Manoa tema, “Kaanukiro iŋitar iyoŋ ekiro kaŋ? Erae ekiro kaŋ ŋolo eiliili nooi.”