Dan. 7:9 - Ebaibul

⁹ “Ani eriŋa ayoŋ ete, aponi kiwuakinae nen ŋikicoloŋo ŋulukipukaet, ido abu ŋolo iboit ŋikaru ka ŋikaru kiboikin lokicoloŋ keŋ, akwaŋak ŋilowi keŋ ekwaan ka ŋalepan, akwaŋak ŋitim a akou keŋ ekwaan ka ŋajul a ŋamesekin a ŋuna ekwaŋak kya. Acai ekicoloŋ keŋ ekwaan ka arira a akim ka acai neni irimi anakejen a ekicoloŋ keŋ ekwaan ka akim ŋina enepi.

Dan. 7:9 Iomraidhean Croise

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

2 Ŋakiro a ŋirwa 18:18

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ aloteten ka alokedyeny keŋ.

Ŋikiru. 45:8

Eyai lokaasoi kon daadaŋ eure ŋolo akukunyon, eure ŋolo a eminae a ŋolo akukunyon ka ŋolo ka akimyet a ŋina akukunyon ta ŋolo a ekitoe a ŋolo enyaritae Kasia. Ilakara iyoŋ aŋuna a ŋieosyo a ŋulu eeoi eramyo ŋiboro ŋulu a ŋiunoi anakais ka apukan a ŋuna isibusitae a ŋikyal a ŋitome.

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Ŋikiru. 93:2

Iberakin koloŋ sek iyoŋ akiwuakin apukan kon; iyai iyoŋ ŋinapei koloŋ sek.

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 49:38

Tosodi ewuakini ayoŋ ekicoloŋ kaŋ ŋolo ka apukan Elam, oar erwosit kec ka ŋikapolok ŋulu ipukatotor iŋes.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Dan. 7:13

Ani ete ayoŋ ŋakisileerekineta ŋun nakwaare, abu ayoŋ eŋolik ibore ŋini ekwaan ka ituŋanan ebunit eyai kidiŋ ŋidouwon. Abu iŋes tolot neni a ŋolo iboi ŋikaru ka ŋikaru ka aponi yaarae iŋes neni ayai ŋolo iboi ŋikaru ka ŋikaru.

Dan. 7:22

apotu ŋun kitiyas akitodol ŋina abunio ŋolo iboi ŋikaru ka ŋikaru, ŋolo abu totub ŋakiro eikinit ŋituŋa ŋulu ka Akuj a ŋina alokidiama nooi, tosodi abu todol apaki ŋina aponiata ŋituŋa ŋulu ka Akuj toruworos ŋikepukak.”

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Abak. 1:12

Ekapolon, ŋina pei anakisyakinet irae iyoŋ Akuj, irae iyoŋ Akuj kaŋ ŋina asegan ka ŋina a ŋikaru ka ŋikaru. Okoe Ekapolon Akuj kaŋ ka ekeuryaran kaŋ, idau iyoŋ aseun ŋituŋa a Babilon ka itogogoŋ iyoŋ ikes, ikotere ikisicanete isua.

Mat. 17:2

Kilocokin akuwan keŋ alokiŋaren kec, tocau ereet keŋ ikwa akoloŋ ka tokwaŋiata ŋilowi keŋ ikwa akica.

Mat. 28:3

Anoki iŋes ikwa akimilyaunet ka akwaŋ elou keŋ kya ikwa ŋalepan.

Mar. 9:3

Tomilimiliata ŋikeelowi, tokwaŋiata kya, lopite ŋolo nyitokwaŋia idiotuŋanan anakwap.

Ŋitic. 2:30

Ayeni Daudi atemar, aris Akuj kikoŋ atemar eturuwori lopapait keŋ epei erwosit, kilunyokin lokicoloŋ keŋ.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

1 Yoa. 1:5

Erae ŋakiro nu ŋuna ikiira isua aneni a Kristo ka erae nu ikiserae isua neni kus: Akuj iŋes erae akica ka alotooma keŋ emam akiryonut jik.

Akis. 1:14

Akwaŋ akou ka ŋitim keŋ ikwa ŋajul ŋuna ka amesek a ŋina akwaŋan kya kori ikwa ŋakako; ekote ŋakeekonyen arira ŋina ka akim.

Akis. 19:18

Potu, tonyama ŋawat a ŋirwosi, a ŋikapolok a ŋasigarya ka ŋasigarya, akiriŋ a ŋaŋolei ka ŋawat a ŋikametok kec, ŋawat a ŋituŋa daadaŋ, ŋuna a ŋipi ka ŋuna a ŋulu nyerae ŋipi, ŋuna a ŋulu arwok ka ŋuna a ŋulu caryo!”

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.

Akis. 4:2

Ŋinapeipaki abu apedor ŋina ke Etau a ŋolo Asegan min neni kaŋ. Ayai nakuj ekicoloŋ ŋolo eboiyo ituŋanan ice.