Dan. 7:6 - Ebaibul

⁶ Ekaku a ŋol eriŋa ayoŋ ete iŋes, abu ece totakanu ŋolo ekwaan ka eris, ayakar etyaŋ ŋol kaku keŋ ŋabebenuk ŋuna ikwaan ka ŋuna a ikyeny ka eyakar etyaŋ ŋol ŋakyes ŋaomwon, aponi inakinae iŋes apedor ŋinakipukaet.

Dan. 7:6 Iomraidhean Croise

Esek. 17:3

Tema iyoŋ neni kec, ‘Alimu Ekapolon Akuj atemar, ayai egole ŋolo apolon nooi ŋolo ayakar ŋabebenuk ŋuna apolok nooi, ayakar iŋes ŋakopir ŋuna aoyak, ŋuna agelegelya ŋiraŋgi. Abu egole ŋol toporo lomoru ŋulu a Lebanon, tobilibilaa ŋakyes a ŋikito a ŋulu enyaritae Cedar,

Dan. 10:20

Tema nai emalaika neni kaŋ, “Iyeni iyoŋ ŋakiro ŋuna abunitor ayoŋ neni kon a? Emaikina tokona ayoŋ oboŋo akitijiore emalaika ŋolo epolokinit apukan ŋina a Perisia, ani elouni ayoŋ iŋes, ebuni emalaika ŋolo epolokinit akwap ŋina ka Akaia.

Dan. 2:39

Ekaku kon, eyakaun ekepukan ece ŋolo epalag anapolou keŋ akilo iyoŋ, ekaku a ekepukan a ŋol eyakaun ece ŋolo epalag nooi akilo ŋolo a ŋiarei, ido iŋes ipukae akwap daadaŋ.

Dan. 7:4

Ekwaan ŋolo esyaunan ka eŋatuny nai ayakar ŋabebenuk ŋuna ekwaan ka ŋuna a egole, ani eriŋa ayoŋ etee iŋes, eŋolik ŋabebenuk keŋ edotoryo anakuwan keŋ, kitonyounoe etyaŋ alokwap ido kimyekinae towo a ŋakejen a ŋaarei esibit ituŋanan ka aponi inakinae iŋes ŋatameta ŋuna a ituŋanan.

Dan. 7:5

Totakanu nabo etyaŋ ece ŋolo a ŋiarei ŋolo ekwaan ka etyaŋ ŋolo adedeŋan, aponi etyaŋ kitonyounoe ke epeiwae, ayakar etyaŋ ŋol ŋikyal ŋiuni ŋulu apolok nakituk keŋ ŋina aya ŋikyal ŋuluce ka aponi tolimokinae ebe, ‘Tonyou tonyam ŋawat ŋuna alalak.’

Osea 13:7

Aŋun, alosi ayoŋ etijik ikes a adedeŋu ikwa eŋatuny, adapuni ayoŋ ikes alorot ikwa eris.

Akis. 13:2

Ekwaan etyaŋ ŋol ka eris, ayakar ŋakejen ŋuna ekwaan ka ŋuna ka etyaŋ a ece a ŋolo adedeŋan, ekwaan akituk keŋ ka ŋina ke eŋatuny. Abu epiu inak etyaŋ ŋol apedor, ekicoloŋ ka apolou keŋ ŋina alalan.