Dan. 7:5 - Ebaibul

⁵ Totakanu nabo etyaŋ ece ŋolo a ŋiarei ŋolo ekwaan ka etyaŋ ŋolo adedeŋan, aponi etyaŋ kitonyounoe ke epeiwae, ayakar etyaŋ ŋol ŋikyal ŋiuni ŋulu apolok nakituk keŋ ŋina aya ŋikyal ŋuluce ka aponi tolimokinae ebe, ‘Tonyou tonyam ŋawat ŋuna alalak.’

Dan. 7:5 Iomraidhean Croise

2 Ŋirw. 2:24

Toboboŋ iŋes kitek ikes, tosodi kilamakin elimit ekiro ke Ekapolon. Tolomut anamoni ŋityaŋ ŋuluberu ŋiarei ŋulu adedeŋak; toara ŋityaŋ ŋul ŋidyain ŋul daadaŋ ŋatomoniomwon ka ŋiarei.

Ŋakit. 17:12

Ejok ajiore ka ityaŋ ŋini adedeŋan ŋini ikibenyuni aŋuna edemaritere iŋes ŋitak keŋ, akilo ajiore ka ibaŋaanot aŋuna ka abaŋao keŋ.

Isa. 56:9

“Potu iyes daadaŋ ŋityaŋ ŋulu ka ariet, potu tomunyasi ŋituŋa lu iyes ŋityaŋ ŋulu ka amoni daadaŋ.

Dan. 11:2

“Akalimokini tokona ayoŋ iyoŋ ŋakiro ŋuna a kire. Eyakaunosi ŋirwosi ŋice ŋiuni Perisia, ebuni ŋolo a ŋiomwon ŋolo ebarit akilo ŋirwosi ŋulu esyaunak ŋuluuni daadaŋ. Kedau iŋes agogoŋior aŋuna ka abaru keŋ, ecunakini iŋes ŋituŋa daadaŋ akitijikin ekepukan ka Akaia.

Dan. 2:39

Ekaku kon, eyakaun ekepukan ece ŋolo epalag anapolou keŋ akilo iyoŋ, ekaku a ekepukan a ŋol eyakaun ece ŋolo epalag nooi akilo ŋolo a ŋiarei, ido iŋes ipukae akwap daadaŋ.

Dan. 5:28

PERES iŋes atemar atyakatyakae akwap ŋina ipukat iyoŋ, ainakin epeiwae neni a Ŋimedes ka epeiwae neni a ‘Niperisian;’ ”

Dan. 7:4

Ekwaan ŋolo esyaunan ka eŋatuny nai ayakar ŋabebenuk ŋuna ekwaan ka ŋuna a egole, ani eriŋa ayoŋ etee iŋes, eŋolik ŋabebenuk keŋ edotoryo anakuwan keŋ, kitonyounoe etyaŋ alokwap ido kimyekinae towo a ŋakejen a ŋaarei esibit ituŋanan ka aponi inakinae iŋes ŋatameta ŋuna a ituŋanan.

Dan. 7:6

Ekaku a ŋol eriŋa ayoŋ ete iŋes, abu ece totakanu ŋolo ekwaan ka eris, ayakar etyaŋ ŋol kaku keŋ ŋabebenuk ŋuna ikwaan ka ŋuna a ikyeny ka eyakar etyaŋ ŋol ŋakyes ŋaomwon, aponi inakinae iŋes apedor ŋinakipukaet.

Osea 13:8

Agirakin ayoŋ ikes lopite ŋolo egirakinor etyaŋ ŋolo adedeŋan ituŋanan, kori etyaŋ ece ŋolo ecamit ademar iŋes ŋitak keŋ ka apunori ayoŋ ŋakookyes kec, erikari ayoŋ ikes lopite ŋolo irikarya eŋatuny etyaŋ ŋolo eari, kori lopite ŋolo enyilinyiliyarya etyaŋ ŋolo adedeŋan ityaŋ ŋini earit.

Akis. 13:2

Ekwaan etyaŋ ŋol ka eris, ayakar ŋakejen ŋuna ekwaan ka ŋuna ka etyaŋ a ece a ŋolo adedeŋan, ekwaan akituk keŋ ka ŋina ke eŋatuny. Abu epiu inak etyaŋ ŋol apedor, ekicoloŋ ka apolou keŋ ŋina alalan.