Dan. 7:20 - Ebaibul

²⁰ abu daŋ ayoŋ eitan ŋuna a ayenun a ŋamomwar a ŋunatomon a ŋuna aya nakou keŋ ka amomwara ŋinace ŋina arupuni ekaku, ido toditarae ŋamomwar ŋunauni, amomwara ŋina ayakar ŋakonyen ka akituk ŋina erworo ŋakiro ŋuna ka akituro, ŋina asibit iŋes apol akilo ŋunace.

Dan. 7:20 Iomraidhean Croise

Dan. 7:11

Abu ayoŋ orubak ete ŋun, anerae apupi ayoŋ ŋakiro ŋuna ka akituro ŋuna erworo amomwara. Ani ete ayoŋ ŋun, aponi toarae etyaŋ ŋol ka aponi kinyasunae akuwan keŋ, ido tocakakinae nakim ŋina arirae.

Dan. 7:19

“Abu ayoŋ eitan ayenun ŋuna a kire ŋuna a etyaŋ a ŋolo a ŋiomwon, a ŋolo agelaana aneni a ŋityaŋ a ŋuluce a daadaŋ, arae etyaŋ ŋol ŋolo ikitubuli nooi ite, ayakar etyaŋ ŋol ŋikyal ŋulu arae ŋasuwa ka ŋimeeger ŋulu arae eburonis ŋulu anyamya iŋes ibore enyilinyili icakit ŋanyile;

Dan. 7:21

Ani eriŋa ayoŋ ete, abu eŋolik amomwara ŋin itijikini ŋituŋa ŋulu ka Akuj, tosodi eloununui ikes,

Dan. 7:23

Apolou a ŋakiro a ŋuna abu iŋes okolimok ayoŋ iŋes na, “Itoodiunit etyaŋ ŋolo a ŋiomwon atemar, eyakaun nakwap apukan ŋina a ŋaomwon, apukan ŋina egelaana anapukasinei a daadaŋ, emunyari iŋes akwap daadaŋ, ipudaari akwap daadaŋ ka ielielaari a ŋapeipei.

Dan. 7:7

Kedaun ŋun, abu nabo eŋolik anakisileerekinet a ŋina abu ayoŋ eŋolik nakwaare etyaŋ ŋolo a ŋiomwon, arae etyaŋ ŋol ŋolo ikiteryaŋakini ŋolo ikitubuli ka arae ŋolo agogoŋon nooi, ayakar etyaŋ ŋol ŋikyal ŋulu aburok ŋulu arae ŋasuwa, anyami iŋes ibore apaki ŋin ka anyilinyili icakit ŋanyile. Agelaana etyaŋ ŋol alotooma ŋityaŋ daadaŋ ŋulu a ekiŋaren ka ayakar ŋamomwar ŋatomon.

Dan. 7:8

Ani eriŋa ayoŋ ete ŋamomwar a etyaŋ a ŋol, abu ayoŋ eŋolik amomwara ace ŋina adit alokidiŋ ŋamomwar ŋunatomon. Abu amomwara ŋin kilunyokin neni a ŋamomwar a ŋauni a ŋuna aponi toditarae anakou a etyaŋ. Aya daŋ namomwara ŋin ŋakonyen ŋuna ekwaan ka ŋuna a ituŋanan, ayakar daŋ etyaŋ ŋol akituk ŋina erworo ŋakiro ŋuna ka akituro.”

Akis. 12:3

Totakanu aanyunet ace ŋina apolon ŋina ka aumokin anakuj. Ayai epiu ŋolo apolon nooi ŋolo areŋan ŋolo ayakar ŋakyes ŋakanikaarei ka ŋamomwar ŋatomon ta ŋatoriet ŋakanikaarei ŋuna aya nakyes keŋ.