Dan. 7:1 - Ebaibul

¹ Alokaru a ŋolo esyaunan ipukat Belisasar Babilon, abu Daniel kiruja ka abu kiŋolik ŋakisileerekineta apaki ŋina aperyo iŋes alokitaada. Abu nai iŋes kigir ŋakiro ŋuna erujae iŋes tema,

Dan. 7:1 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Akisy. 46:2

Kirworik Akuj neni a Isirael nakwaare anakiruja tema, “Yakob! Yakob!” Toboŋok iŋes tema, “Ayai.”

Yob 4:13

Etamatamaete ŋatameta ŋakiro ŋuna a ŋakisileerekineta aŋuna ka akuwar, aŋuna eyakaunun apaki ŋina ejotonorootor ŋituŋa nooi,

Isa. 30:8

Tolot tokona, kigir ŋakiro nu alokiŋaren kec namoru ŋinadapal, kigir ikes lokitaabo, ikotere eruwor ŋuna a ŋapakio a ŋuna eponito ka eruwor esuuda ŋolo a ŋikaru ka ŋikaru;

Isa. 8:1

Okolimok nai Ekapolon ayoŋ tema, “Tolemu akaratas ŋina ekatal kigir ŋakiro nu nen a ŋanyukutae a ŋuna eyenete ŋituŋa ‘Toŋatasi atipei! Toryetasi atipei!’

Yer. 23:28

Kimyekisi ekadwaran ŋolo irujat tolimu ŋuna irujat iŋes, nai kimyekisi ŋini eyakar akirot kaŋ tolimu akirot kaŋ emam akilocokin. Alipite ikwaanatar nooi ŋikinyom ŋulu ikote erau ka eot?

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Yer. 36:32

Abu nai Yeremia tolemu ekitaabo ece, inak nen a Baruk alokoku a Neria, a ŋolo arae ekegirigiran, a ŋolo abu kigir lokitaabo ŋol ŋakiro daadaŋ ŋuna alimonokini Yeremia iŋes, kigir Baruk nen ŋakiro daadaŋ ŋuna sek egiritae lokitaabo ŋolo abu erwosit Yeoiakim ŋolo a Yudaya kicunya a akim, aponi daŋ kiyatakinae ŋakiro ŋace ŋuna ekwaan ka ŋunapei a ekiŋaren.

Yer. 36:4

Tonyarau nai Yeremia Baruk lokoku a Neria, ido abu Baruk kigir lokitaabo ŋakiro ŋuna alimuni Yeremia, ŋakiro ke Ekapolon daadaŋ ŋuna abu iŋes tolimok Yeremia.

Esek. 1:1

Alokaru a ŋolo a ŋatomoniuni, elap ŋolo a ŋiomwon, ŋirwa ke elap ŋikan, eriŋa ayoŋ ikiya ka ŋirikon ŋuluce diyete aŋolol Kebar neni aponi itorikor, abu kidiama toŋaar, eŋolik ayoŋ ŋatakanikineta ŋuna aponito aneni ka Akuj.

Esek. 40:2

Anakitoodianakineta a ŋuna ka Akuj aŋuna abu ayoŋ eŋolik, abu Akuj okoya ayoŋ nakwap a Isirael, ekewuak ayoŋ lomoru ŋolo aoyan, ŋolo aya ŋaduketa ŋuna asibito ŋuna a etaun lowae keŋ ŋolo alo Kwap.

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 2:1

Alokaru a ŋolo a ŋiarei ipukat Nebukadinesar, abu Nebukadinesar kiruja, ido apotu ŋakirujaeta ŋun kisiyaloloŋo etau keŋ tojoŋo ajotoonor.

Dan. 2:26

Kiŋit erwosit Daniel ŋolo arae ekiro keŋ Belitesasar tema, “Ipedori iyoŋ alimokin ayoŋ ŋuna abu eruja ka ipedori alimokin apolou kec a?”

Dan. 4:13

“‘Abu ayoŋ orubak ete ŋuna erujae aperi alokitaada kaŋ, abu ayoŋ eŋolik emalaika, esubuna ŋolo anakuj, ebunit anakuj.’

Dan. 4:5

Abu ayoŋ eruja ŋakiro ŋuna apotu eketeryaŋakis ayoŋ. Ani aperi ayoŋ alokitaada kaŋ, abu ayoŋ eŋolik anakiruja ŋitorubei ka ŋakisileerekineta ŋuna apotu eketubulo ayoŋ.

Dan. 5:1

Abu erwosit Belisasar kitiya ŋasuban ŋuna apolok nooi aŋuna a ŋikapolok a ŋulu epukatotor iŋes a ŋulu arae aliput, apotu ikes tomata epiini kaapei.

Dan. 5:22

Tosodi iyoŋ Belisasar lokoku keŋ, nyitiditeuna iyoŋ bon alotau kon, tari kiyeni iyoŋ ŋakiro daadaŋ,

Dan. 5:30

Akoloŋit ŋinapei ŋin nakwaare, aponi toarae Balisasar ŋolo arae erwosit a Ŋimedes,

Dan. 7:13

Ani ete ayoŋ ŋakisileerekineta ŋun nakwaare, abu ayoŋ eŋolik ibore ŋini ekwaan ka ituŋanan ebunit eyai kidiŋ ŋidouwon. Abu iŋes tolot neni a ŋolo iboi ŋikaru ka ŋikaru ka aponi yaarae iŋes neni ayai ŋolo iboi ŋikaru ka ŋikaru.

Dan. 7:15

Tolimu Daniel tema, “Ani eruwor ayoŋ, eryaŋakina etau kaŋ, eketubulito ayoŋ ŋakiro ŋuna abu ayoŋ eŋolik anakiruja.

Dan. 7:7

Kedaun ŋun, abu nabo eŋolik anakisileerekinet a ŋina abu ayoŋ eŋolik nakwaare etyaŋ ŋolo a ŋiomwon, arae etyaŋ ŋol ŋolo ikiteryaŋakini ŋolo ikitubuli ka arae ŋolo agogoŋon nooi, ayakar etyaŋ ŋol ŋikyal ŋulu aburok ŋulu arae ŋasuwa, anyami iŋes ibore apaki ŋin ka anyilinyili icakit ŋanyile. Agelaana etyaŋ ŋol alotooma ŋityaŋ daadaŋ ŋulu a ekiŋaren ka ayakar ŋamomwar ŋatomon.

Dan. 8:1

Alokaru a ŋolo a ŋiuni ipukat erwosit Belisasar, abu akisileerekinet ŋina a ŋaarei anakiruja bu neni kaŋ.

Yoel 2:28

“Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Abak. 2:2

Abu nai Ekapolon okoboŋok ayoŋ a ŋakiro a nu, “Kigir ilereete ejok namoru ŋuna edapal ŋakiro ŋuna ekesileerekini ayoŋ iyoŋ, ikotere epedori ŋini iŋolikini akisyom.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Ŋirom. 15:4

Ŋakiro daadaŋ ŋuna igiritae Nakigireta, aponi kigirae aŋuna ka akitatamya iwon, ikotere ikiryamuni akigeno anatitinyu ka anakimukekin ŋuna ikiinakinete Ŋakigireta iwon.

2 Ŋikor. 12:1

Itemokino ayoŋ eturokin tari kemam epoida daŋ a? Nai erwori ayoŋ tokona ŋuna eketatakanik ka eketoodik Ekapolon ayoŋ.

Akis. 1:19

Aŋun, kigir tokona ŋuna daadaŋ iŋolik iyoŋ, ameun ŋuna itiyakin tokona ka ŋuna itiyakin tari rwanu.

Akis. 10:4

Ani keruut ŋagirokineta ŋunakanikaarei ŋun adikino ayoŋ egirakini, nai abu eira etoil anakuj ebala, “Kipuca ŋakiro ŋuna alimut ŋagirokineta ŋunakanikaarei, nyigirak ikes!”