Dan. 6:4 - Ebaibul

⁴ Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo kiwara ŋirotin ŋulukitoroniyaret epite ŋolo epukator Daniel. Nai apotu ikes nyeryamut idiobore ŋinikitoroniyaret Daniel, kori atuna adio aneni keŋ, anerae arae Daniel ituŋanan ŋini ekinyoma, ŋini pa alejeono, kori ŋini pa aryamununuyo itunae.

Dan. 6:4 Iomraidhean Croise

Akisy. 41:38

Tema Parao neni a ŋiketiyak keŋ, “Ikipedori kire iwon aryamun ituŋanan ice ŋini ikoni ekile lo a? Ituŋanan ŋini eyai Etau ka Akuj tooma keŋ a?”

Akisy. 43:18

Tokuryaketa ŋikilyok ŋul, anerae aponi yaarae ikes kai a Yosepu temasi, “Erae ŋakiro a ŋisiliŋa a ŋulu enyakakinitae locweei yok kuwar ekiŋaren, iŋes ikiyaunere iwon tooma ne, ikotere ekapolon eryamuni apaki ŋinakitoroniyaret iwon, ikituruwo ŋipi, ido ya ŋisigirya yok.”

Ŋakit. 29:27

Erae ŋituŋa ŋulu nyiyookino asiilyo aneni a ŋulu iyookino, ido erae ŋulu iyookino asiilyo aneni a ŋulu aronok.

Ekal. 4:4

Abu nai ayoŋ oyenu atemar itiyaete ŋituŋa eŋirikinito nooi ŋolotic daadaŋ ka ŋinapiiryanut daadaŋ, anerae erakaana ŋinituŋanan aŋuna a ŋinice. Erae ŋun daŋ ŋakoŋinae, erae akirisit ekuwuam.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 18:23

Okoe Ekapolon, iyeni iyoŋ atemar atukut ikes akiar ayoŋ. Nyisyon ikes anasecit kec, nyiesik akisican ikes aŋuna ka asecit kec. Kimyek kilounae ikes alokiŋaren kon; kisican ikes apaki ŋina iŋoitor iyoŋ.”

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Yer. 29:7

Nai kitiyata ŋuna itopoloorete etaun ŋolo adau ayoŋ akiyakiyar iyes irae ŋirikon ka kilipete neni ke Ekapolon aŋuna ke etaun a ŋol, anerae anakitopoloorit kus etaun ŋol, ikitopolooryo iyes daŋ.”

Dan. 3:8

Apaki ŋin, apotu Ŋibabiloniyae ŋice potu kiŋaren, kisitakis Ŋiyudayan.

Dan. 5:12

Ayakar ekile ŋol etau ŋolo ajokan nooi, ayakar ayenut ŋinakisileereunet ŋakirujaeta, ŋatedyeta ka apedori alimokin epite ŋolo elemarere ŋatyokisyo. Arae ekiro a ekile a ŋol Daniel ŋolo abu erwosit tolimok ekiro ece Belitesasar. Kimyek tokona tonyaraunae Daniel, ikisileerekini iŋes iyoŋ apolou a ŋakiro a ŋun a daadaŋ.”

Dan. 6:22

Abu Akuj kaŋ kiyaku emalaika keŋ ŋolo abu togol ŋakituka a ŋiŋatunyo, ikotere nyakanyama ikes ayoŋ, anerae abu Akuj kaŋ toryamu atemar mam asecit etiyat ayoŋ aneni keŋ ka aneni kon daŋ, okoe erwosit, mam aronis etiyat ayoŋ.”

Mat. 26:4

tocamunos ikes daadaŋ amodiun Yesu, kikamuniata toara.

Mat. 27:18

Anerae ayeni iŋes atemar arikunito ikes Yesu neni keŋ aŋuna ka arakaanut kec.

Luk. 20:20

Kiwara ikes erot ŋolo kikamunet iŋes, ikotere torikosi iŋes lokapolok ŋulu a Ŋiromanin. Kiluŋuluŋa ikes ŋibekae, inakis ŋisiliŋa kiyakiyasi nai alokun Yesu alorwor keŋ. Toloto ŋibekae neni a Yesu esubito ŋituŋa ŋulu ajokak.

Luk. 20:26

Toŋopikis ikes ŋakiro ŋuna lokunet iŋes a nen alokiŋaren ŋituŋa. Toumokis ikes nooi a ŋakiro a ŋuna aboŋokini Yesu, kililiŋa cek.

Luk. 22:2

Ewarito ŋisacaradotin ŋulu apolok ka ŋiketatamak a Ŋikisila atukun epite ŋoloaret Yesu, nai akuryanito ikes aŋuna a ŋituŋa.

Yoa. 19:4

Toloma nabo Pilato kiŋa, tolimok ŋituŋa tema, “Topupokisi, alosi ayoŋ arikun iŋes neni kus, ikotere toanyuniata iyes atemar nyeryamuna ayoŋ asecit ŋina tubokinet iŋes.”

2 Ŋikor. 11:12

Arubakini ayoŋ etiyae ŋuna tokona etiyae, ikotere etoŋopikinia “Ŋikiyakia ŋul” ibore ŋini iturotor ebasi itiyaete ikes daŋ lopite ŋolo itiyaere isua.

Ŋipil. 2:15

ikotere toruworos ŋulu nyisecito ka tosegak alotai ikwapei iraakatar ŋidwe ŋulu ka Akuj ŋulu emam aronis, ŋulu iboiyete alokidiŋ ŋituŋa ŋulu a ŋinyas ŋulu asecak. Itemokino iyes tocayete alokidiŋ kec ikwa ŋikacer ŋulu ecayete alokidiama,

1 Tim. 5:14

Aŋun, atami ayoŋ atemar emaikina ŋapuseru ŋuna eriŋa esorokaka kiitae, toryamut ŋidwe ka kidara ŋirerya kec, ikotere nai nyeryamut ŋimoi yok adiopaki ŋina ikitoroniyaryata iwon.

Tito 2:8

Kirwor ŋakiro ŋuna ileereete ŋuna nyitepegio, ikotere ŋiketepegak yok isurumyo ŋileec, anerae eŋopete ŋakiro ŋuna aronok ŋuna ikitoroniyaryata ikes iwon.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.

Ŋikat. 14:4

Pa ayenete papa ka toto a Samuson atemar arae Ekapolon ayeunit ŋakiro ŋun, anerae ewarit Ekapolon epite ŋolo apedorya akitijikin Ŋipilistin. Apaki ŋin, epukato Ŋipilistin Ŋisirael.

1 Sam. 12:4

Toboŋokis ŋituŋa temasi, “Mam nyemodiyara iyoŋ ibore aneni kosi, kori nyetiŋa iyoŋ isua a aronis, nyijaara aneni a ituŋanan a idio akaluŋuluŋut.”

1 Sam. 18:14

Eloununui Daudi ŋimoe kec, anerae ayai Ekapolon kaapei ka iŋes.

1 Sam. 22:14

Toboŋok Aimelek erwosit iŋita tema, “Ŋae aloketiyak kon a daadaŋ ikinyoma ikwa Daudi? Erae iŋes ekamuran kon erwosit, epolokinit daŋ iŋes ŋasigarya kon ka itopoloorito iŋes ŋituŋa a ekal kon.