Dan. 6:26 - Ebaibul

²⁶ Atub ayoŋ ŋakiro atemar alotooma akwap ŋina epukat ayoŋ daadaŋ, itemokino ŋituŋa tomarana ka kitopoloosi Akuj a Daniel, anerae erae iŋes Akuj ŋina eyari, ŋina iboi ŋikaru ka ŋikaru. Mam ituŋanan inyasuni apukan keŋ, ka nyesaluni apukan keŋ.

Dan. 6:26 Iomraidhean Croise

Esir 1:3

Tokona nai, iyes daadaŋ ŋulu irae ŋituŋa ka Akuj, elipi toyai Akuj neni kec, acamakin ŋituŋa ŋul akitipeiyor Yerusalem nakwap a Yudaya, adukokin nabo Akai ŋina ke Ekapolon a ŋolo erae Akuj a Ŋisirael, erae iŋes Akuj ŋina eyai Yerusalem.

Esir 7:21

“Ayoŋ erwosit Aritaseses, adau atubun ŋakiro nu neni a daadaŋ a ŋikeŋadak ŋisiliŋa anakwap a ŋina alokekwaye aŋolol Eupurate atemar, ŋinibore daadaŋ iitanit aneni kus esacaradoti Esira ekigiran ka eketataman ŋikisila ka Akuj a ŋina anakuj, emaikina inakinae daadaŋ,

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 146:10

Ipukae Ekapolon ŋikaru ka ŋikaru, okoe Ŋisirael, ipukae Akuj kus ananyameta a daadaŋ. Kipuroe Ekapolon!

Ŋikiru. 2:11

Kitiyanakisi Ekapolon itopoloorito, kitiditeunos make alokiŋaren keŋ.

Ŋikiru. 29:10

Ekapolon iŋes ipukat akalele; Ekapolon iŋes ipukat ikwapei Erwosit ŋikaru ka ŋikaru.

Ŋikiru. 42:2

Ekeitanit ayoŋ iyoŋ Akuj, ekeitanit ayoŋ iyoŋ nooi Akuj ŋina iyari; ori alosyo ayoŋ akilip neni kon aneni iyai iyoŋ Akuj.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Dan. 3:29

Aŋun, alimu ayoŋ ŋakiro nu: Ituŋanan daadaŋ, kori ŋakwapin, kori ituŋanan a aŋajep adio, ŋulu iyanyete Akuj a Sadirak, Mesak ka Abedinego, etubutubooryo ŋakejen ka ŋakan ka ituworyo akai keŋ ŋamoru ŋuna etukosi koŋin, anerae emam akuj ace ŋina epedori alakun lopite lo.”

Dan. 4:3

Epolok nooi ŋakitoodyanakineta ŋun, epolok nooi ŋaumonokineta ŋuna etiya iŋes. Erae apukan keŋ ŋina a ŋikaru ka ŋikaru ka erae apolou keŋ ŋina a ŋanyameta.

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Dan. 7:14

Aponi inakinae iŋes apukan ka apolou ta arwosiyo, ikotere itiyanakineta iŋes ŋituŋa daadaŋ, ŋakwapin ka ŋituŋa ŋulu irworosi ŋaŋajepa ŋuna egelegelya. Erae apukan keŋ ŋina a ŋikaru ka ŋikaru, ŋina nyedaun ka nyemunaaryo apukan keŋ.”

Dan. 7:27

Einakinio nakan a ŋituŋa a ŋulu ka Akuj a ŋina alokidiama nooi arwosiyo ka apukan ta apolou nooi a ŋakwapin a daadaŋ anakwap. Eruwor apukan kec ŋina a ŋikaru ka ŋikaru, tosodi itiyanakinete ka iwuapete ŋituŋa a ŋapukasinei a daadaŋ ŋakiro kec.”

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Mal. 3:6

Arae ayoŋ Ekapolon ŋolo nyeloconokin; a ŋun, iyes ŋiletok a Yakob, eriŋa iyes nyemunyara.

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Luk. 1:33

Ipukae iŋes ateker a Yakobo ŋikaru ka ŋikaru, nabo nyedaun Apukan keŋ!”

Luk. 12:5

Eketoodikini ayoŋ iyes ŋini itemokino tokerito; tokerito Akuj ŋina epedori akiar, nabo eyakar iŋes apedor ŋina cakakinet tooma nakim ŋina nyeduŋe. Akalimokini ayoŋ iyes kire atemar, tokerito iŋes!

Ŋitic. 17:25

Nabo daŋ nyiitanit iŋes akiŋarakinet a ŋituŋa esibit icana iŋes idiobore, torae bo iŋes einanakini akiyar ka ekieŋanu ta ŋiboro daadaŋ neni kec.

Ŋirom. 9:26

Anakibois a ŋinapei alimokinere ikes atemar ‘Meere iyes ŋituŋa kaŋ’; enyarao ikes ŋidwe ŋulu ka Akuj a ŋina eyari.”

Ŋikis. 5:26

anerae ituŋanan ani ŋinapei koloŋ abu kiira etoil ŋolo ka Akuj a ŋina eyari torubak eyari, lopite ŋolo eirarere isua?

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

Ŋibur. 12:29

anerae ikwaan Akuj yok ka akim ŋina ikinyamuwari.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 4:10

eramakinosi ŋikatukok ŋulutomoniarei ka ŋiomwon kwap kiŋaren iŋes ŋini iboi alokicoloŋ ka kilipa neni a ŋolo eyari ŋikaru ka ŋikaru. Imasakinete ikes ŋibokoi kec kiŋaren ekicoloŋ eosi ebasi,

Akis. 5:14

Apotu ŋisubuna ŋulu eyarete ŋuluomwon toboŋokis temasi, “Amen!” Ido toramakinos ŋikatukok kwap, kilipa.

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”