Dan. 6:22 - Ebaibul

²² Abu Akuj kaŋ kiyaku emalaika keŋ ŋolo abu togol ŋakituka a ŋiŋatunyo, ikotere nyakanyama ikes ayoŋ, anerae abu Akuj kaŋ toryamu atemar mam asecit etiyat ayoŋ aneni keŋ ka aneni kon daŋ, okoe erwosit, mam aronis etiyat ayoŋ.”

Dan. 6:22 Iomraidhean Croise

Akisy. 40:15

Kire! Aponi okokokoun ayoŋ anakwap a Ŋiburaniyae; tokona daŋ a ne, mam ŋakiro ŋuna etiyat ayoŋ, ŋuna ekewuakinitotor ikes ayoŋ lojera.”

2 Sam. 22:7

“Abu ayoŋ alocan kaŋ onyara Ekapolon; abu onyara Akuj kaŋ. Abu Akuj alo Kai keŋ kiira etoil kaŋ, abu iŋes kiira akigworo kaŋ.

1 Ŋirw. 13:28

Torotok nai iŋes toryamu akuwan a ekile a ŋol imasakinitae lorot, ewuasi esigirya ka eŋatuŋ alodiyete akuwan. Ariŋa eŋatuŋ nyenyama akuwan ŋin, kori nyisiiryakina esigirya.

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Ŋikiru. 118:28

Irae iyoŋ Akuj kaŋ, alakar ayoŋ neni kon; irae iyoŋ Akuj kaŋ, eketopoloori ayoŋ iyoŋ.

Ŋikiru. 26:6

Ekapolon, elotari ayoŋ ŋakan kaŋ etoodiunit atemar nyasecit;

Ŋikiru. 31:14

Nai ekekinyomit ayoŋ iyoŋ okoe Ekapolon; abala ayoŋ, “Irae iyoŋ Akuj kaŋ.”

Ŋikiru. 34:7

Ewuaunit emalaika ke Ekapolon ŋulu itopoloorito Ekapolon. ido elakununui ikes.

Ŋikiru. 38:21

Okoe Ekapolon nyikiesik ayoŋ; Okoe Akuj kaŋ, nyieka aneni kaŋ;

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Yer. 37:18

Tolimok Yeremia daŋ erwosit Sedekia tema, “Anukiro ŋuna aronok ŋuna etiyat ayoŋ neni kon, kori neni a ŋiketiyak kon, kori neni a ŋituŋa a lu ŋuna ikiwuakinitor iyoŋ ayoŋ lojera?

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Dan. 6:23

Tolakar nai erwosit nooi, tolimok ŋituŋa atemar tolemunae Daniel anadui a ŋiŋatunyo. Aŋun aponi tolemunae Daniel anadui, mam nyeryamuna aneni keŋ tari iwadio daŋ ewanan, anerae abu iŋes kikinyom Akuj keŋ.

Dan. 6:4

Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo kiwara ŋirotin ŋulukitoroniyaret epite ŋolo epukator Daniel. Nai apotu ikes nyeryamut idiobore ŋinikitoroniyaret Daniel, kori atuna adio aneni keŋ, anerae arae Daniel ituŋanan ŋini ekinyoma, ŋini pa alejeono, kori ŋini pa aryamununuyo itunae.

Dan. 6:7

Adaut ŋikapolok daadaŋ ŋulu ikiŋarakinito iyoŋ akipuka akwap kon kaapei ka ŋikapolok a ŋikawoikinitok a ŋakwapin, ŋikepukak a ŋakiboisyo, ŋikeŋarakinitok ka ŋikawoikinitok a ŋakwapin acamun atemar kiwuak erwosit ekisil ka toreik ŋituŋa kiwuapa, tosodi ituŋanan daadaŋ ŋini ilipi alotooma ŋirwa ŋatomoniuni neni a ibore a idio a ŋini erae akuj keŋ, kori neni a ituŋanan a ice akilo iyoŋ, okoe erwosit, emaikina tocakakinae iŋes nadui a ŋiŋatunyo.

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

Ekim. 20:16

ido ani ikaloikinio isua Ekapolon, abu kiira akigworo kosi, tosodi kiyaku emalaika keŋ, ŋolo abu ikiyau isua anakwap a Ijipit, ikiya tokona isua ne Kades, lotaun ŋolo eyai lokukoru a akwap kon.

Mat. 27:46

Ani edoli ŋisaae ŋikanikaomwon, kikalou Yesu nooi tema, “Eli, Eli, lema sabakasani?” Apolou keŋ atemar, “Akuj kaŋ, Akuj kaŋ, kaanukiro ikiesikinia iyoŋ ayoŋ?”

Ŋitic. 12:11

Toyenu nai Petero ŋuna kepotu kitiyakinos neni keŋ tema, “Ayenu ayoŋ kire tokona atemar Ekapolon iyakuunit emalaika keŋ aiun ayoŋ anapedor a ŋina ke Erode ka anakiro a daadaŋ a ŋuna acamito Ŋiyudayan akitiya.”

Ŋitic. 24:16

Aŋun, emukekinit ayoŋ jwi jwi akitacaunit ŋatameta kaŋ alokiŋaren Akuj ka alokiŋaren ŋituŋa.

Ŋitic. 27:23

Anerae bien nakwaare, abu emalaika ŋolo ka Akuj a ŋina arae ayoŋ ŋolo keŋ ka ŋina elipi ayoŋ, bu neni kaŋ,

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Ŋibur. 11:33

Anupit iŋes etijiyoto ikes ŋakwapin ŋuna gelae kilout. Apotu ikes towua aŋuna ka akiyookino, ido toryamut ŋuna eikinit Akuj. Apotu ikes kitubutasi ŋiŋatunyo ŋakituka.

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”

1 Sam. 26:18

Torubak Daudi irworo, kiŋit iŋes tema, “Kaanukiro iwaritor iyoŋ ekapolon kaŋ eketiyan kon? Anukiro etiyat ayoŋ? Anironis etiyat ayoŋ ekemanitere?