Dan. 6:2 - Ebaibul

² abu daŋ toseu ŋikilyok ŋiuni ŋulu epolokinito ŋulucekapolok. Alokidiŋ ŋuluuni ŋul, ayai Daniel, arae neni a ŋuluuni a ŋul iŋes amaikina ŋikapolokinitok a ŋakiboisyo kikobakis ŋakiro ka akwap, ikotere isiyookinio ŋuna ecamit erwosit kitiyae, kori nyitiyae.

Dan. 6:2 Iomraidhean Croise

Esir 4:22

Nyijamakis jik ŋakiro ŋun, ikotere nyaryamu ayoŋ ajamuwaro adio.”

Esta 7:4

Anerae ikigyelar isua, ayoŋ ka ŋituŋa kaŋ, ikotere ikiaryo ikimunyaryo todaunetei. Kerae bo itogyelaritetei isua aruwor ŋipi kori ŋapi daŋ kejok! Keliliŋiyarit ayoŋ ŋun alotau kaŋ. Nai nyinyakakini emoit kosi ŋol erwosit idio ibore aŋuna ka amunyaryo kosi a na.”

Ŋakit. 26:6

Akiyakiyar ibaŋaanot akiya ŋakiro, ikwaan ka atubor akeju a ŋinice, kori ka akiwarit aryamun ŋican.

Ŋakit. 3:16

Ikiinakini aosou iyoŋ akiyar ŋina aoyan, erae ekisil bon eryamuni ituŋanan iwuapit ŋuna ka aosou.

Dan. 5:16

Nai adau ayoŋ akiirar atemar ipedori iyoŋ akisileereun ŋakiro ka ipedori alimun epite ŋolo elemarere ŋatyokisyo. Ani tokona kipedori iyoŋ asyomun ŋakiro ŋuna igiritae ŋun ka alimokin ayoŋ apolou a ŋakiro a ŋun, ikitanapikinio iyoŋ elou ŋolo kipurat areŋan ka ikienikinio iyoŋ lodokole erikot ŋolo erae egolid bon itiyaunitere, ikituruworyo iyoŋ ekapolon ŋolo a ŋiuni, ŋolo ekewuapit ayoŋ anapukan kaŋ.”

Dan. 5:29

Abu nai Belisasar tolimu ŋakiro, ido aponi kitanapikinae Daniel elou ŋolo kipurat areŋan, toenikinae erikot ŋolo itiyaunitae a egolid lodokole keŋ ka aponi tolimoroe ŋakiro nu aŋuna a Daniel atemar aruwor iŋes ekapolon ŋolo a ŋiuni ŋolo iwuapit erwosit anapukan keŋ.

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

Dan. 6:1

Abu erwosit Darius totub aseun ŋikapolok amiat ka ŋatomoniarei apolonokin ŋakiboisyo ŋuna egelegelya anakwap a ŋina epukat iŋes,

Mat. 18:23

Anerae ikoni Apukan ŋina anakuj ne, ayai erwosit ŋolo acamit aanyun ŋamicae keŋ ŋuna ayakatar ŋiketiyak keŋ.

Luk. 16:2

Tosodi ekapolon tonyarau iŋes kiŋit tema, ‘Anukiro nu ŋuna apupi ayoŋ atemar itiyae iyoŋ? Kitoodikinae cenite ekimar a ŋiboro kaŋ daadaŋ, anerae acepaki nyirubakini iyoŋ irae eketiyan kaŋ.’

1 Ŋikor. 4:2

Ibore ŋini iitana aloketiyan a ŋolo epolokinit etic, iŋes akikinyoma alokiŋaren ekapolon keŋ.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’