Dan. 6:18 - Ebaibul

¹⁸ Toboŋo nai erwosit lore keŋ ŋolo ka apukan, kiboi akuwar daadaŋ iredakinit akiron, mam akimuj aponi yaunae neni keŋ, abu kikoler iŋes nakwaare.

Dan. 6:18 Iomraidhean Croise

2 Sam. 19:24

Abu Mepiboses daŋ lopapait a Saul totiyaar tolot akisiryam erwosit. Nai ameun akoloŋit ŋina arotokinio erwosit alo Yerusalem, kebu Mepiboses nyiloŋa ŋakejen keŋ, kori nyebanyu epenek keŋ, kori nyilota ŋilowi keŋ. Abu iŋes kitiya ŋun ameun akoloŋit ŋina arotokinio erwosit alo Yerusalem akitodol akoloŋit ŋina aboŋunio erwosit ejok.

1 Ŋirw. 21:27

Ani iirari Aab ŋakiro ke Eliya, tocil Aab ŋilowi keŋ, tolaca, tonap ŋiguniyae; toŋer akimuj, ido toper loguniae, tolomak akilat esiliyorit itubulito ŋakiro etau.

Esta 6:1

Akoloŋit ŋin nakwaare, abu erwosit kikoler; aŋun, abu tolimu atemar yaunae ekitaabo ŋolo egiritae ŋakiro apukan ŋuna a ŋirwa a ŋulu epukator iŋes. Aponi nai yaunae ekitaabo ŋol tosyomae alokiŋaren a erwosit.

Yob 21:12

eosi ŋidwe kec eramete ŋiburin ka ŋagitae, elelyanete epupete aŋuna epupyoto apilu erwo.

Ŋikiru. 137:2

Aponi isua kinenekinoe ŋaduŋgui kosi lokwaŋae,

Ŋikiru. 77:4

Ibu iyoŋ Akuj nyikicamak ayoŋ ojotoor; aryamu ayoŋ ŋican nooi, nyapedori akirworikin.

Ekal. 2:8

Abu daŋ ayoŋ ocun aŋuna kaŋ esilipa, egolid ka ebari ŋolo a ŋirwosi a ŋice ta ŋolo a ŋakiboisyo a ŋace; abu ayoŋ oryamu ŋikilyok ka ŋaberu ŋulu arae ŋikaeok; abu ayoŋ oryamu ŋinibore daadaŋ ŋini etalakaran, abu ayoŋ oyakaunor ŋaberu ŋuna alalak ŋuna pa eiitit.

Aum. 3:53

Apotu ekemasakis ayoŋ nakipany ayari, ido togolo akipany a amoru.

Dan. 10:3

Alosabito a ŋul, nyimuja ayoŋ ŋamuja ŋuna ajokak, nyenyama ayoŋ akiriŋ, kori nyemata ayoŋ epiini, nyiwosakina ayoŋ akimyet adio nakuwan kaŋ.

Dan. 2:1

Alokaru a ŋolo a ŋiarei ipukat Nebukadinesar, abu Nebukadinesar kiruja, ido apotu ŋakirujaeta ŋun kisiyaloloŋo etau keŋ tojoŋo ajotoonor.

Dan. 6:19

Ani iwalari akwap, todilok erwosit, kiwonyak nadui a ŋiŋatunyo.

Akis. 18:22

“Nyiiraryo nabo aneni kon eruye ŋolo a ŋaduŋgui ka ŋitoilon a ŋituŋa, ŋolo a ŋikakutak ŋapilui ka ŋarupepe! Nyeryamun nabo ŋiketiyak kon ŋulu aosok jik. Nyiirar nabo eruye ŋolo ka amoru a ŋinakiryeet.