Dan. 6:16 - Ebaibul

¹⁶ Tolimok nai erwosit ŋituŋa atemar yaunae Daniel, tosodi aponi yaunae Daniel kimasakinae nadui a ŋiŋatunyo. Tema erwosit neni a Daniel, “Elipi itoiu iyoŋ Akuj kon ŋina itiyanakini anakikinyoma!”

Dan. 6:16 Iomraidhean Croise

2 Sam. 3:39

Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

Yob 5:19

Ikilakuni Akuj anatyokisyo a ŋakanikapei; ani edoli ŋina a ŋakanikaarei emam awana iryamuni.

Ŋakit. 29:25

Erae akuryanu emoit a ituŋanan, nai ituŋanan ŋini ikinyomit neni a Ekapolon, iuryaryo erae ŋini eiuna.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Yer. 26:14

Nai ani eruwor ayoŋ, ayoŋ lo ayai napedor kus, kitiyata neni kaŋ ŋuna itamete iyes atemar ejok ka iyookino aneni kus.

Yer. 38:5

Tema erwosit Sedekia, “Iŋes lo, eyai napedor kus, anerae emamukar erwosit apedor ŋina ikiŋeryo iyes.”

Yer. 38:6

Aŋun, apotu ikes torikosi Yeremia kimasakis tooma akare a Milikia alokoku a erwosit, ŋina ayai nalapatu ŋina a ŋasigarya a ŋuna eyokiyete akai a erwosit, kiyoolikis ikes Yeremia tooma akare a ŋaunoi. Amam ŋakipi alokare, nai arae ecoto bon ayai, toloma Yeremia locoto.

Yer. 39:17

Nai akaiuni ayoŋ iyoŋ akoloŋit ŋin, ido nyikiinakinio iyoŋ napedor a ŋulu ikitubulito iyoŋ,

Dan. 3:15

Tokona, ani kitenito iyes aryedik ka akilip neni a etorube a ŋolo etiyaunit ayoŋ, emaikina kitiyata ŋun apaki ŋina eruunio amomwara a emesek, apilu, aujiwij, aduŋgu, ebur ka ŋolo a ŋiboro a daadaŋ a ŋulu eore, ejokyata ŋun, nai ani pa kilipa iyes neni a etorube a ŋol, ikimasakinio iyes atipei nakim ŋina a ekitet ŋina erirae, anikuj epedori aiun iyes anapedor kaŋ?”

Dan. 3:17

Ani kepedori Akuj kosi ŋina ikitiyanakini isua aiun isua anakim a ŋina a ekitet a ŋina erirae ka alakun isua anapedor kon, okoe erwosit, ikilipi ikilaku iŋes isua.

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Dan. 6:7

Adaut ŋikapolok daadaŋ ŋulu ikiŋarakinito iyoŋ akipuka akwap kon kaapei ka ŋikapolok a ŋikawoikinitok a ŋakwapin, ŋikepukak a ŋakiboisyo, ŋikeŋarakinitok ka ŋikawoikinitok a ŋakwapin acamun atemar kiwuak erwosit ekisil ka toreik ŋituŋa kiwuapa, tosodi ituŋanan daadaŋ ŋini ilipi alotooma ŋirwa ŋatomoniuni neni a ibore a idio a ŋini erae akuj keŋ, kori neni a ituŋanan a ice akilo iyoŋ, okoe erwosit, emaikina tocakakinae iŋes nadui a ŋiŋatunyo.

Ŋitic. 24:27

Nai ani elunyarosi ŋikaru ŋiarei, kilunyokin ekepukan ece ŋolo anyaritae Porkias Pesto lorot a Pelekis. Aŋuna acamitor Pelekis akitiya ŋuna etalakarito Ŋiyudayan, abu kimyek Paulo alomabus.

Ŋitic. 25:11

Ani nai ketiyat ayoŋ ŋuna aronok, ŋuna itemokino otwania, nyewarit ayoŋ abucar anatwanare. Nai ani pa kiyookino ŋakiro ŋuna ekesitakinitotor ikes ayoŋ, emam ituŋanan epedori akipotokin ayoŋ neni kec. Eŋita ayoŋ ayaaro neni ke ekepukan a Roma.”

Ŋitic. 25:9

Nai aŋuna acamitor Pesto akitiya ŋuna etalakarito Ŋiyudayan, kiŋit iŋes Paulo tema, “Icamit iyoŋ alosit Yerusalem ikitowuoi aina alokiŋaren kaŋ aŋuna a ŋakisitakineta a nu a?”

Ŋirom. 13:3

Anerae nyeyaunete ŋikapolok akuryanu neni a ŋulu itiyaete ŋuna ajokak, nai eyaunete akuryanu neni a ŋulu itiyaete ŋuna aronok. Aŋun, ani kicamit iyoŋ akiboi emam akuryanit anituŋanan a ŋini ipukat, kitiya ŋuna ajokak ikotere ikituruwori iŋes iyoŋ ŋolo ijok aneni keŋ.

2 Ŋikor. 1:10

Erae iŋes abu itoiu isua anatwanare a ŋina ikoni ŋin ka ikiuni iŋes isua nabo; ikiwuakinit isua akigeno kosi neni keŋ: ikiuni iŋes isua nabo.