Dan. 6:10 - Ebaibul

¹⁰ Ani tari keyenu Daniel atemar ewuak erwosit akan keŋ akitogogoŋio ekisil ŋolo aponi totubunoe, abu torubak elosenene lore keŋ ŋolo aya ŋidirisae nagule ŋina alokidiama, eŋoliyarito ŋidirisae ŋul lowae ŋolo ayai Yerusalem. Abu iŋes torubak elosenene nen toryedik kilip ka kipur Akuj keŋ ŋarwa ŋauni a ŋinakoloŋit, lopite ŋolopei sek etiyaa iŋes.

Dan. 6:10 Iomraidhean Croise

1 Ŋirw. 8:30

Kiira adyekitoi a eketiyan kon ka ŋina a ŋituŋa kon a Ŋisirael apaki ŋina ilipyata iŋoliunito nakibois na. Okoe kiirarae isua anakuj aneni iboiyo iyoŋ topupok, ido ikisyon.

1 Ŋirw. 8:38

kiira akilip kec. Ani kilip idio a ŋituŋa kon a ŋisirael, toyenete ca ikes alotai kec ŋican ŋulu eyakatar, kikyaa ŋakan keŋ iŋoliyarit lowae ŋolo eyai Akai na;

1 Ŋirw. 8:44

“Ani kelomasi ŋituŋa kon kiŋa akitijiore ŋimoe kec, a lopite a daadaŋ a ŋolo iyakiyarya iyoŋ ikes, ido kilipa ikes neni ke Ekapolon iŋoliunito lotaun ŋolo idau iyoŋ aseun ka Kai na ŋina adau ayoŋ akiduk aŋuna ka akilipya neni kon,

1 Ŋirw. 8:54

Ani irikakini Solomon akilip keŋ daadaŋ ka adyekitoi keŋ neni ke Ekapolon, tonyou aneni eŋoliyaritor Namuroet ŋina ke Ekapolon, aneni sek aryedikio iŋes ikyaarit ŋakan kidiama nakuj.

2 Ŋakiro a ŋirwa 6:13

Apaki ŋin, keris iŋes keduku a eburonis imukure ka arae aoyau ka alapatu a ŋin ŋimitae ŋulu aapiyarito ŋiarei, torae anakou ka neni iteotor ŋimitae ŋulu aapiyarito ŋiarei ka aoyau alokwap tari kidiama aapiyarit emita, kedukokinitae imukure ŋin nalapatu ŋina alokiŋa Akai ka Akuj, towo iŋes a nimukure a ŋin. Toryedik nai Solomon a nen alokiŋaren atukot a Ŋisirael, kikyaa ŋakan keŋ topeta.

2 Ŋakiro a ŋirwa 6:38

ani kekiwa ikes alotai kec a daadaŋ ka anakiyar kec a daadaŋ anakwap a ŋina a ŋimoe kec a ŋulu arikorete ikes erae ŋikikamara alojie, ido kilipa ikes neni kon iŋoliunito nakwap kec, ŋina ibu iyoŋ inak atapapaa kec ka lotaun ŋolo idau iyoŋ aseun ta Kai ŋina adau ayoŋ akiduk aŋuna ka akilipya neni kon;

Esir 9:5

Apaki ŋina ka amuronot a ŋina ke eboŋ, abu ayoŋ anakiredakin akiron ka ecilicilaara ekaaso ka akaulat kaŋ oryedik, ekyaa ŋakan kaŋ apetarit neni ke Ekapolon Akuj kaŋ,

Neem. 6:11

Nai abu ayoŋ otema, “Emaikina mono ekile ŋolo ikoni ayoŋ toem a? Epedori mono ekile ŋolo ikoni ayoŋ akiem Kai ka Akuj aiun akiyar keŋ a? Nyalosi ayoŋ inaa!”

Ŋikiru. 34:1

Epuri ayoŋ Ekapolon ŋapakio daadaŋ; arubakini ayoŋ epuro iŋes jwi jwi.

Ŋikiru. 5:7

Nai ayoŋ, aŋuna ka amina kon a ŋina nyiryaŋiryaŋa, abuni ayoŋ Kai kon anakitopoloorit iyoŋ, aryediki ayoŋ elip neni kon eŋoliyarit Kai kon ŋina asegan.

Ŋikiru. 55:17

Egworo ayoŋ anaryeba eboŋ ka taparacu ta kidiŋ apaaran, ido iirari Akuj ŋakiro kaŋ.

Ŋikiru. 86:3

okoe Ekapolon, kisyoni ayoŋ, anerae akanyarit ayoŋ iyoŋ apaaran jwii.

Ŋikiru. 95:6

Potu, oryediko elipa iŋes; oryediko alokiŋaren Ekapolon, Ekasuban yok!

Dan. 6:13

Kinyakakis ŋikapolok ŋul erwosit temasi, “Daniel ŋol, epei a ŋirikuno alo Yudaya, nyepupi ŋakiro kon, okoe erwosit, kori ŋakiro ŋuna ibu iyoŋ totub, nai ilipi iŋes neni a Akuj keŋ ŋirwa ŋiuni a ŋinakoloŋit.”

Dan. 9:4

Abu ayoŋ elip neni a Ekapolon Akuj kaŋ ka abu olimo ŋasecisya kaŋ otema, “Okoe Ekapolon, ipol iyoŋ nooi ka irae Akuj ŋina etubulon, ŋina iricit acamunet kon ka ŋituŋa ka ŋina iyakar amina ŋina nyiryaŋiryaŋa neni a ŋulu ikiminasi iyoŋ ka iwuapito ŋakiciketa kon,

Yona 2:4

Abu ayoŋ otema, “Ekeritar ayoŋ aneni kon; alipite nabo apedorya ayoŋ akiŋoliunia eŋolik Akai kon ŋina Asegan?

Mar. 3:3

Tonyara Yesu ekile ŋolo amitarit akan tema, “Bua kiŋaren nege.”

Luk. 14:26

“Ŋinituŋanan ebuni neni kaŋ, nyeruwor ekaakewuapan, mati kakaminaki iŋes ayoŋ nooi akilo papa keŋ, toto keŋ, aberu keŋ, ŋidwe keŋ, atalokaato keŋ, atanakaato keŋ ta akiyar keŋ a ilope.

Luk. 22:41

Torotok iŋes aneni kec tari neni ebai neni edoe amoru imasaryo, ido toryedik kilip.

Ŋitic. 10:9

Akoloŋit ŋina atupakini eriŋa ikes eya lorot toapiyarete Yoppa, tolot Petero akilip nagule ŋina alokidiama. Aapikinit ŋisaae ŋikanikapei ŋulu ka apaaran.

Ŋitic. 2:15

Nyemerasi ŋituŋa lu ikwaŋina itamakinitotor iyes; eriŋa erae ŋisaae ŋiuni ŋulu ka ataparacu.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 20:36

Ani irikakini Paulo erwori, toryediko kaapei ka ikes daadaŋ, kilipa.

Ŋitic. 21:5

Tari ŋina alimunitere ŋun, ani edaun ŋarwa ŋuna arukitere isua ka ikes, kitemokinetei isua arotokin. Ikitenakis isua ŋikanupak daadaŋ ka ŋaberu kec ta ŋidwe daŋ, tolotoi kiŋa etaun nacukut ŋina ka anam, toryedikoe kilipae, ido totyakatei.

Ŋitic. 3:1

Apeikoloŋit, toloto Petero ka Yoana Kai ka Akuj ŋisaae ŋikanikaomwon ŋulu ka apaaran ŋulu elipeneneere.

Ŋitic. 4:29

Tokona Ekapolon, kiŋolik epite ŋolo ikitukuryaniata ikes isua. Kitepedoroe isua ŋiketiyak kon akirwor ŋakiro kon ka atitinyu a daadaŋ.

Ŋitic. 5:20

“Toloto Kai ka Akuj, tolimokis ŋituŋa ŋakiro daadaŋ ŋuna ka akiyar a ŋina kitete a na, a ŋina ayau Yesu.”

Ŋitic. 5:29

Nai toboŋokis Petero ka Ŋikiyakia temasi, “Itemokino isua opupete Akuj akilo ŋituŋa.

Ŋitic. 7:60

Toryedik nai tocelu a etoil a ŋolo apolon tema, “Ekapolon! Nyimarak asecit na neni kec!” Ani kedau iŋes alimun ŋun, kiridak.

Ŋitic. 9:40

Kitoloma Petero ikes daadaŋ kiŋa. Toryedik kilip, toboboŋ neni aperyo akuwan tema, “Tabisa, tonyou!” Toŋaa iŋes ŋakonyen keŋ, ani iŋolikini iŋes Petero, tonyou, kiboikin.

Ŋiep. 3:14

Aŋakiro a ŋun, aryediki ayoŋ alokiŋaren Akuj Papa,

Ŋipil. 1:14

Nabo eyatak ayakau kaŋ mabus lokaitotoi ŋulu alalak alotooma Kristo akikinyom Ekapolon, ido elimonokinete Ŋakiro ŋuna Ajokak etitiny ka emam akuryanu.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.