Dan. 5:8 - Ebaibul

⁸ Apotu nai ŋikaosok a erwosit daadaŋ potu neni ayai iŋes, nai apotu nyepedosi asyomun ŋakiro ŋuna egiritae ŋun ka apotu nyepedosi alimokin erwosit apolou a ŋakiro a ŋun.

Dan. 5:8 Iomraidhean Croise

Akisy. 41:8

Nyeyakaun etau a Parao ejok taparacu; aŋun, abu iŋes kiyaki ŋituŋa anyarare ŋikekukujak ŋulu aya Ijipit ka ŋikaosok keŋ daadaŋ. Tolimok Parao ikes ŋakirujaeta keŋ, nai mam ipei daŋ ŋini abu topedo akisileerekin Parao apolou a ŋakiro a ŋuna abu iŋes kiruja.

Isa. 47:9

Itiyakin ŋakiro ŋun ŋaarei neni kon alotooma apaki ŋina nyiyeni iyoŋ ka alotooma akoloŋit apei bon. Icakari iyoŋ ŋidwe kon ka iruwor apuserut, epote ŋun neni kon ka itiyakin jik, epote ŋun neni kon tari kiyakatar iyoŋ ŋikekukujak ŋulu alalak ka ŋimurok ŋulu ka apedor a ŋina apolon ŋulu enyaraununeete ŋimuno.

Yer. 50:35

Alimu Ekapolon ebe, “Earyo a ekileŋ Ŋibabiloniyae ka ŋituŋa ŋulu iboiyete alo Babilon, earyo a ekileŋ ŋikapolok ka ŋikaosok a Babilon.

Dan. 2:27

Toboŋok Daniel erwosit tema, “Emam ŋikaosok, ŋimurok ŋulu enyaraeneneete ŋimuno, ŋikekukujak, kori ŋikadwarak ŋulu epedorete akisileerekin erwosit ŋakiro ŋuna imunono ŋuna iŋita iŋes,

Dan. 4:18

Tolimu erwosit Nebukadinesar tema, “Ŋakiro ŋuna abu ayoŋ oanyu anakiruja ikes ŋun. Tokona Belitesasar, tolimokinae ayoŋ apolou kec, anerae mam ipei daŋ alokidiŋ ŋikaosok a apukan kaŋ ŋini abu topedo alimokin ayoŋ, nai ipedori iyoŋ alimokin ayoŋ apolou a akiruja a ŋin, anerae eyai etau a ŋakujo a ŋuna asegak neni kon.”

Dan. 4:4

“Eboi ayoŋ emam ŋace alore kaŋ ka aryamunit ibore daadaŋ alokai kaŋ a ŋina ka apukan.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Dan. 5:15

Ayaunitae ŋikaosok ka ŋimurok ŋulu enyaraununeete ŋimuno kiŋaren kaŋ ikotere esyomunete ŋakiro ŋuna igiritae ŋun ka alimokin ayoŋ apolou kec, nai apotu nyepedosi alimun apolou a ŋakiro a ŋun.