Dan. 5:7 - Ebaibul

⁷ Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

Dan. 5:7 Iomraidhean Croise

Akisy. 41:8

Nyeyakaun etau a Parao ejok taparacu; aŋun, abu iŋes kiyaki ŋituŋa anyarare ŋikekukujak ŋulu aya Ijipit ka ŋikaosok keŋ daadaŋ. Tolimok Parao ikes ŋakirujaeta keŋ, nai mam ipei daŋ ŋini abu topedo akisileerekin Parao apolou a ŋakiro a ŋuna abu iŋes kiruja.

Esta 3:1

Kelunyar ŋun, abu erwosit Ausero kitopoloo Aman lokoku ka Amedasa a ŋolo arae Egagitait. Kitopoloo erwosit Aman akilo ŋikapolok ŋuluce daadaŋ ŋulu epukatotor iŋes.

Awos. 7:11

Ekaku a ŋun, abu Parao tonyarau ŋikaosok ka ŋikekukujak, ido apotu ŋikekukujak a Ijipit daŋ kitiyata ŋakujuwuanisya ŋuna pei ŋun aloticisyo kec a ŋulu pa apatana ayenun.

Ŋakit. 1:9

anerae ejokak ŋakiro ŋun aŋuna kon, ikwaan ka akopiya ŋina ikimukunit iyoŋ, kori ibore ŋini inapit iyoŋ alodokole ŋini ikisibusit iyoŋ.

Eete a Ŋie. 1:10

Ibusak nooi ŋikelyo kon ŋulu etapakina ŋikayeliyel a ŋaki, ibus nooi edokole kon ŋolo ileleba ŋinapen.

Isa. 47:13

Ikiup iyes akiŋitanar ŋakiro ŋuna emaikina kitiyata, emaikina ŋulu eyenete epite ŋolo eyakatar ŋisubuna ŋulu alokidiama towua aŋuna ka iun iyes, emaikina ŋulu eripiripiyete epite ŋolo eyakatar ŋikacer ka ŋolo eyakar ŋololap elomuni todwara aŋuna kus ŋuna itiyakin neni kus.

Yer. 50:35

Alimu Ekapolon ebe, “Earyo a ekileŋ Ŋibabiloniyae ka ŋituŋa ŋulu iboiyete alo Babilon, earyo a ekileŋ ŋikapolok ka ŋikaosok a Babilon.

Esek. 16:11

Abu ayoŋ ekesibus iyoŋ eketanapik ŋiboro nakuwan; etanapik ŋamaŋgili nakan, erikot lodokole,

Dan. 1:20

Anakiro a daadaŋ ka aosou ta anayenut daadaŋ ŋuna iŋisi erwosit ikes, abu erwosit toryamu atemar eloito ikes nooi ŋarwa ŋatomon ŋimurok ŋulu edwarete daadaŋ ka ŋimurok ŋulu a akwap keŋ.

Dan. 1:4

ŋikilyok ŋulusorok, ŋulu emam neni eŋwalit, ŋulu ebusak, ŋulu apiiryanak anaosou a daadaŋ, ŋulu epatana aryamun aosou ka ayenut itatamio ka ŋulu epedorito akitiya kai a erwosit, emaikina kitatamae ikes akigir ka akisyom ŋakiro ŋuna igiritae a ŋajep a Ŋibabiloniyae.

Dan. 2:2

Aŋun, abu erwosit tolimu atemar tonyaraunae ŋikekukujak, ŋimurok ka ŋimurok ŋulu enyaraeneneete ŋimuno tolimokis iŋes ŋakiro ŋuna erujat iŋes. Ani epote ŋituŋa ŋul, apotu towua alokiŋaren erwosit.

Dan. 2:27

Toboŋok Daniel erwosit tema, “Emam ŋikaosok, ŋimurok ŋulu enyaraeneneete ŋimuno, ŋikekukujak, kori ŋikadwarak ŋulu epedorete akisileerekin erwosit ŋakiro ŋuna imunono ŋuna iŋita iŋes,

Dan. 2:48

Abu nai erwosit kitopoloo Daniel, inak iŋes ŋainakineta ŋuna apolok ŋuna alalak ka kituruwo iŋes ŋolo iwuapit erwosit anapolokinit akwap ŋina a Babilon, kituruwo daŋ iŋes ekapolokiniton a ŋikaosok a daadaŋ alo Babilon.

Dan. 2:6

Nai ani kikilimokis iyes ayoŋ ŋuna erujat ka apolou kec, iryamunete iyes aneni kaŋ ŋainakineta, eropit ka apolou ŋina iloit. Aŋun, tolimokinae ayoŋ ŋuna erujat ka apolou kec.”

Dan. 4:14

Abu emalaika ŋol tocelu tema, ‘Toyepakisi ekitoe ŋol kwap, kilenya ŋaten keŋ, kigerasi ŋakwii keŋ ka kielielaasi ŋaraito keŋ. Emaikina ŋityaŋ daadaŋ kielaros alokwap keŋ, emaikina ŋikyeny toporosi anaten keŋ.

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

Dan. 5:15

Ayaunitae ŋikaosok ka ŋimurok ŋulu enyaraununeete ŋimuno kiŋaren kaŋ ikotere esyomunete ŋakiro ŋuna igiritae ŋun ka alimokin ayoŋ apolou kec, nai apotu nyepedosi alimun apolou a ŋakiro a ŋun.

Dan. 5:16

Nai adau ayoŋ akiirar atemar ipedori iyoŋ akisileereun ŋakiro ka ipedori alimun epite ŋolo elemarere ŋatyokisyo. Ani tokona kipedori iyoŋ asyomun ŋakiro ŋuna igiritae ŋun ka alimokin ayoŋ apolou a ŋakiro a ŋun, ikitanapikinio iyoŋ elou ŋolo kipurat areŋan ka ikienikinio iyoŋ lodokole erikot ŋolo erae egolid bon itiyaunitere, ikituruworyo iyoŋ ekapolon ŋolo a ŋiuni, ŋolo ekewuapit ayoŋ anapukan kaŋ.”

Dan. 5:29

Abu nai Belisasar tolimu ŋakiro, ido aponi kitanapikinae Daniel elou ŋolo kipurat areŋan, toenikinae erikot ŋolo itiyaunitae a egolid lodokole keŋ ka aponi tolimoroe ŋakiro nu aŋuna a Daniel atemar aruwor iŋes ekapolon ŋolo a ŋiuni ŋolo iwuapit erwosit anapukan keŋ.

Ekim. 22:17

anerae kire jik, eketopoloori ayoŋ iyoŋ nooi, ido ibore daadaŋ ŋini ilimuni iyoŋ etiyae ayoŋ, bua kareca kicen ŋituŋa lu aŋuna kaŋ.’”

Ekim. 22:7

Torotokis nai ŋikasikou a Moab ka ŋikasikou a Midian etiŋito ŋisiliŋa ŋulu etacere emuron Balaam, todolo ikes neni a Balaam, ido tolimokis iŋes ŋakiro a Balak.

Ekim. 24:11

tonyou. Tolot a ne atipei! Tolot lore kon! Akalimokinit sek ayoŋ iyoŋ atemar akataci ejok nooi, nai awou Ekapolon iyoŋ aryamun edioropit.”

1 Sam. 17:25

Tolimut Ŋisirael ŋakiro nu ebe, “Ŋituŋa! Iŋolikis iyes ekile ŋolo abu kiŋaren lo a? Kire jik ebunit ekile ŋol amunyar Ŋisirael. Itabari nooi erwosit ekile ŋolo eari ekile ŋol, ido einakini nakoku keŋ ka mam ibore itatacio ekal a ekile a ŋol alo Isirael.”