Dan. 5:29 - Ebaibul

²⁹ Abu nai Belisasar tolimu ŋakiro, ido aponi kitanapikinae Daniel elou ŋolo kipurat areŋan, toenikinae erikot ŋolo itiyaunitae a egolid lodokole keŋ ka aponi tolimoroe ŋakiro nu aŋuna a Daniel atemar aruwor iŋes ekapolon ŋolo a ŋiuni ŋolo iwuapit erwosit anapukan keŋ.

Dan. 5:29 Iomraidhean Croise

Akisy. 41:42

Tosodi nai Parao tolacu ekaboboot keŋ ŋolo a etal alokimoin keŋ, kitanapik lokimoin a Yosepu. Kitanap ŋilowi ŋulu aoyak ŋulu amilimilak, kitanapik lodokole a Yosepu erikot ŋolo a egolid.

Esta 10:3

Arae Moridekai Eyudayat ŋolo ewuapit erwosit Ausero anapolou. Iŋes apol aneni a Ŋiyudayan, ayenen iŋes nooi aneni a ŋiyeneta keŋ a ŋulu alalak, anerae abu iŋes kitiya ŋuna ajokak aŋuna a ŋituŋa keŋ ka abu kirwor ŋuna kiuryaret akiyar a ŋiletok keŋ daadaŋ.

Ŋakit. 1:9

anerae ejokak ŋakiro ŋun aŋuna kon, ikwaan ka akopiya ŋina ikimukunit iyoŋ, kori ibore ŋini inapit iyoŋ alodokole ŋini ikisibusit iyoŋ.

Dan. 2:48

Abu nai erwosit kitopoloo Daniel, inak iŋes ŋainakineta ŋuna apolok ŋuna alalak ka kituruwo iŋes ŋolo iwuapit erwosit anapolokinit akwap ŋina a Babilon, kituruwo daŋ iŋes ekapolokiniton a ŋikaosok a daadaŋ alo Babilon.

Dan. 5:16

Nai adau ayoŋ akiirar atemar ipedori iyoŋ akisileereun ŋakiro ka ipedori alimun epite ŋolo elemarere ŋatyokisyo. Ani tokona kipedori iyoŋ asyomun ŋakiro ŋuna igiritae ŋun ka alimokin ayoŋ apolou a ŋakiro a ŋun, ikitanapikinio iyoŋ elou ŋolo kipurat areŋan ka ikienikinio iyoŋ lodokole erikot ŋolo erae egolid bon itiyaunitere, ikituruworyo iyoŋ ekapolon ŋolo a ŋiuni, ŋolo ekewuapit ayoŋ anapukan kaŋ.”

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

Dan. 6:2

abu daŋ toseu ŋikilyok ŋiuni ŋulu epolokinito ŋulucekapolok. Alokidiŋ ŋuluuni ŋul, ayai Daniel, arae neni a ŋuluuni a ŋul iŋes amaikina ŋikapolokinitok a ŋakiboisyo kikobakis ŋakiro ka akwap, ikotere isiyookinio ŋuna ecamit erwosit kitiyae, kori nyitiyae.