Dan. 5:23 - Ebaibul

²³ idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 5:23 Iomraidhean Croise

Akisy. 14:19

Ikiterereŋ Melekisedek Aburam tema, “Ikiterereŋ iyoŋ Aburam Akuj ŋina alokidiama nooi, ŋina asubi nakuj ka akwap;

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

2 Ŋirw. 14:10

Idau kire iyoŋ akiloun ŋituŋa a Edom, ido iturokin. Kimomwor aŋuna ilounia iyoŋ, nai kiboikin lore kon! Kaanukiro iwaritor iyoŋ egurigur ŋolo ikicakari iyoŋ kaapei ka ŋituŋa kon alo Yudaya?”

Yob 12:10

Napedor ŋina ka Akuj iŋes eyai akiyar a ŋinibore a daadaŋ a ŋini eyari ka ekieŋanu ŋolo eyaryata ŋituŋa daadaŋ, erae neni ka Akuj ebunitor.

Yob 31:4

Nyite mono Akuj ŋakiro daadaŋ ŋuna etiyae ayoŋ a? Nyimarit mono Akuj ŋikilames kaŋ daadaŋ a?

Ŋikiru. 104:29

Ani iŋeri iyoŋ ikes, ebuli; ani ilemari iyoŋ ekieŋanu kec, etwakete, toruworos ŋalup.

Ŋikiru. 115:16

Erae kidiama nooi neni ke Ekapolon, nai ainaki iŋes ŋituŋa akwap.

Ŋikiru. 139:3

Iyeni ŋuna etiyae ayoŋ aneni alosi daadaŋ, iyeni iyoŋ tari ŋuna etiyae ayoŋ eeŋuni iyeni iyoŋ ŋakiro kaŋ daadaŋ.

Ŋikiru. 146:4

Ani etwakete ikes, eboŋorete ikes nalup, todaun akoloŋit ŋinapei ŋin ŋuna ayeto ikes akitiya.

Ŋakit. 20:24

Ekapolon iŋes iyokit ituŋanan aneni itori, alipite nai epedorya ituŋanan ayenun erot keŋ a ilope?

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 14:13

Itami sek iyoŋ alotau kon ebe, ‘Alosi ayoŋ kidiama, etopoloor ayoŋ bon, ewuak neni epukator kidiama ŋikacer a Akuj, eboikin ayoŋ kidiama emoru ŋolo ecunanakin ŋituŋa, eboikin ayoŋ naitae ŋuna a Sapon.

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Isa. 33:10

Irworo Ekapolon ebala, “Anyouni tokona ayoŋ, eketuruworyo tokona ayoŋ Ekapolon, eketopolooryo tokona ayoŋ.

Isa. 37:19

ka emasanakis ŋakujo a ŋituŋa nakim tari ŋina pa araakatar ŋakujo ŋun ŋuna a kire, nai ŋitorubei ŋulu etiyaunete ŋituŋa a ŋakan kec anakito ka anamoru, aŋun, aponi kinyasunae ŋakujo ŋun.

Isa. 37:23

“Ŋae mono ijamuwa ka iyany iyoŋ? Ŋae mono icelanakini iyoŋ iremokino? Ŋae mono ite iyoŋ irae ŋolo itopolooro bon nooi? Itiya iyoŋ ŋun iremokino Akuj ŋina asegan ŋina a Ŋisirael.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Yer. 10:23

Okoe Ekapolon, ayeni ayoŋ atemar, nyepedorito ŋituŋa akiyokuun akiyar kec, nyepedorete ikes akiten akiyar kec.

Yer. 48:26

“Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Yer. 50:28

“Kiirasi! Eponito ŋikerimitok ka ŋikadokinok anakwap a Babilon, alimor alo Sion epite ŋolo enyaŋarya Ekapolon Akuj yok ŋakiro a Ŋibabiloniyae, inyaŋi iŋes ŋuna apotu ikes kitiyata Kai ka Akuj.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Esek. 28:17

Ibu iyoŋ kiturokin nooi alotau kon aŋuna ka akibuses kon; ibu iyoŋ tomunaa aosou kon, aŋuna ka ailiil kon anapolou. Aŋun, eketolomari ayoŋ iyoŋ kwap; ekesileerekini ayoŋ iyoŋ neni a ŋirwosi, ikotere ikes ikiteete iyoŋ irae ecaryoit.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 28:5

Anaosou kon a ŋina apolon a ŋina ka amucuruso, idau iyoŋ akiyatakin ebari kon, iturokin iyoŋ alotau kon aŋuna a ebari kon.

Esek. 31:10

“Aŋun, ŋakiro ŋuna alimu Ekapolon Akuj ikes nu ebe, ‘Aŋuna abunio ekitoe ŋol tooyaar nooi todol aoyau keŋ lodouwon ka aŋuna abunio ekitoe ŋol kiturokinor aoyau keŋ,

Dan. 11:12

Kedau iŋes akikamar ŋasigarya ŋuna alalak ŋun, iturokin erwosit ŋolo alowae a ŋolo alo Kwap nooi, tosodi toar ŋasigarya ŋalipyo ŋuna alalak, nai nyerubakini iŋes erae ŋolo elounan.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Dan. 8:11

Abu amomwara ŋin kitiya ŋuna ka akituro neni a Ekapolon a ŋolo a ŋimalaikan, abu tojoŋo ainanakin ŋainakineta ŋuna epeyo a ŋinakoloŋit aŋuna a Ekapolon ka abu kikama akibois ŋina ayai Akai ŋina ka Akuj.

Abak. 2:4

Ŋakiro ŋun ikes nu, ‘Nyeyarete ŋulu itiyaete aronis, nai eyarete ŋulu iyookino, anerae ikinyomito Akuj.’ ”

Ŋitic. 17:25

Nabo daŋ nyiitanit iŋes akiŋarakinet a ŋituŋa esibit icana iŋes idiobore, torae bo iŋes einanakini akiyar ka ekieŋanu ta ŋiboro daadaŋ neni kec.

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

1 Tim. 3:6

Nyitemokino iŋes erae ituŋanan ŋini ariŋa enupi ŋakiro ŋuna ka Akuj, anerae acepaki iturokin, tosodi toloma natubokino ŋina ka Akuj ŋina etubokinitere Satan.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.

Ŋikat. 16:23

Tocunakinos nai ŋikapolok a Ŋipilistin ainakin amuronot neni a akuj kec a ŋina anyaritae Dagon ka ikotere elelyanete, anerae abasi ikes, “Adau akuj yok akipotokin emoit yok Samuson napedor yok.”

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”