Dan. 5:2 - Ebaibul

² Abu Belisasar tomat epiini nooi ka tomerakin, tosodi alomeret keŋ abu kicik ŋituŋa atemar yaunae neni keŋ ŋiboro daadaŋ ŋulu itiyaunitae a egolid ka esilipa ŋulu koloŋ keyauni papa keŋ Nebukadinesar alo Kai ka Akuj alo Yerusalem, ikotere kisitiyata erwosit kaapei ka ŋikapolok, ŋaberu keŋ ka ŋaberu keŋ ŋuna nyiisitae, amasya ŋimaten.

Dan. 5:2 Iomraidhean Croise

2 Sam. 9:7

Tema Daudi neni keŋ, “Nyikuryaniar, anerae akarimaanikini ayoŋ iyoŋ aŋuna a Yonasan a papa kon ekenyakakini ayoŋ iyoŋ akwap a papaa kon a Saul daadaŋ, ido ikimuji iwon kaapei alomesa ke epei a ŋinakoloŋit.”

2 Ŋirw. 24:13

Kiwok Nebukadinesar ebari daadaŋ ŋolo ayai Kai ka Akuj ka ŋolo alokai ke erwosit. Tobwaŋabwaŋa iŋes ŋiboro ŋulu etiyatae a egolid ŋulu aya Kai ka Akuj, ŋulu koloŋ kitiyauni erwosit Solomon ŋolo a Ŋisirael. Apotu ŋakiro ŋun kitiyakin kitiyakinotor ŋuna asir sek Ekapolon kirwor.

2 Ŋirw. 25:15

Abu ekapolokiniton ŋasigarya ŋuna eyokiyete erwosit ya ŋasuwa ŋuna epuruyere ekinyate kaapei ka ŋabakulei ŋuna awatanakinere ŋituŋa ŋakipi; etiyaunitae ikes daadaŋ a egolid ka esilipa.

2 Ŋakiro a ŋirwa 11:20

Kiit Reoboam aberu ace ŋina anyaritae Maaka, nakoku ka Abusalom, abu Maaka touru ŋidwe lu: Abiya, Atai, Sisa ka Selomis.

2 Ŋakiro a ŋirwa 15:16

Abu erwosit Asa tolema tari toto keŋ Maaka anaraakau arwosit, anerae kebu toto ka Asa kitiya asiilyo, kitiyau etorube ka akuj a ŋina anyaritae Asera. Abu Asa totubutubok kwap etorube ŋol, kicakicak, ido kicuny ŋanyile anayonae a ŋina enyaritae Kidiron.

2 Ŋakiro a ŋirwa 36:10

Ani edoli ŋirwa ŋulu ka akicereet ekaru ŋol, abu erwosit Nebukadinesar kiyakiya ŋituŋa aomere Yeoiakin ka aponi yaarae iŋes Babilon kaapei ka ŋiboro ŋulu epol egyelit, ŋulu ayakasi Kai ke Ekapolon. Kilunyok Nebukadinesar Sedekia lokaato a Yeoiakin lokicoloŋ toruwor erwosit a Yudaya ka Yerusalem.

2 Ŋakiro a ŋirwa 36:18

Ya Nebukadinesar Babilon ŋiboro daadaŋ ŋulu ka Akai ka Akuj, ŋulu apolok ka ŋulucicik, ebari ŋolo ka Akai ka Akuj, ebari ŋolo ke erwosit ka ŋolo a ŋikapolok a ŋuluce.

Esir 5:14

Nabo daŋ, abu erwosit Kirus tolema alokai ka Akuj a ŋina alo Babilon ŋiboro ŋulu etiyaunitae a egolid ka esilipa ŋulu kebu Nebukadinesar tolema alo Kai ka Akuj a ŋina ayai Yerusalem ka abu yau kai ka akuj ŋina alo Babilon. Abu erwosit Kirus inak ŋiboro ŋul neni a ecekile a ŋolo anyaritae Sesabasar a ŋolo abu iŋes kiwuak toruwor ekapolokiton akwap a Yudaya.’

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Yer. 50:35

Alimu Ekapolon ebe, “Earyo a ekileŋ Ŋibabiloniyae ka ŋituŋa ŋulu iboiyete alo Babilon, earyo a ekileŋ ŋikapolok ka ŋikaosok a Babilon.

Yer. 52:19

Abu ekapolokiniton a ŋasigarya a ŋuna eyokiyete erwosit a Babilon ya ŋabakulei ŋuna cicik daŋ, kaapei ka ŋasipiryae, ŋabapwa, ŋawoeta a ŋitaae, ŋakijikoi ŋuna apolok ka ŋabakulei ŋuna awuatanakinere ŋituŋa ŋakipi, ŋiboro daadaŋ ŋulu etiyaunitae a egolid ka a esilipa.

Dan. 1:2

Abu Ekapolon inak Jeoiakim erwosit a Yudaya napedor a erwosit a Babilon, inak tari ŋiboro ŋulu esitiyao alo Kai ka Akuj. Abu Nebukadinesar ya ikes nakwap ŋina a Sinar, kiwuak ŋiboro ŋul kai ŋina eŋadao abaru a ŋakujo keŋ.

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

Dan. 5:13

Aponi nai yaunae Daniel tooma, kiŋaren erwosit. Tema erwosit neni a Daniel, “Iyoŋ irae Daniel, epei a ŋirikuno alo Yudaya, ŋolo abu erwosit papa kaŋ yau alo Yudaya a?

Dan. 5:18

Okoe erwosit, abu Akuj ŋina alokidiama nooi inak papa kon Nebukadinesar aruwor erwosit, arwonu, apolou ka ailiil,

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 5:3

Aŋun, aponi yaunae ŋiboro ŋul ŋulu etiyaunitae a egolid ka esilipa ŋulu sek keyaunio alo Kai ka Akuj alo Yerusalem, ido apotu erwosit ka ŋikapolok keŋ ta ŋaberu keŋ ŋuna pa eisitae kisitiyata ŋiboro ŋul amasya.

Dan. 5:30

Akoloŋit ŋinapei ŋin nakwaare, aponi toarae Balisasar ŋolo arae erwosit a Ŋimedes,

Dan. 5:4

Apotu ikes tomata epiini kipuro ŋakujo ŋuna etiyaunitae a egolid, a esilipa, a eburonis, a asuwat, a akitoe ka amoru.

Ekim. 7:79

Ŋainakineta ka Aira ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ apei kilo, epimitae ŋiboro alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,