Dan. 5:12 - Ebaibul

¹² Ayakar ekile ŋol etau ŋolo ajokan nooi, ayakar ayenut ŋinakisileereunet ŋakirujaeta, ŋatedyeta ka apedori alimokin epite ŋolo elemarere ŋatyokisyo. Arae ekiro a ekile a ŋol Daniel ŋolo abu erwosit tolimok ekiro ece Belitesasar. Kimyek tokona tonyaraunae Daniel, ikisileerekini iŋes iyoŋ apolou a ŋakiro a ŋun a daadaŋ.”

Dan. 5:12 Iomraidhean Croise

Ŋikiru. 16:3

Ejokak nooi ŋituŋa ŋulu ikinyomito Ekapolon, akajoikinit ayoŋ nooi arukit ka ikes.

Ŋakit. 12:26

Elimonokinete ŋituŋa ŋulu iyookino ŋikonei kec akitiya ŋuna ajokak, nai ikicakari akiwuapit ŋakiro a ŋulu aronok.

Ŋakit. 17:27

Eos ituŋanan ŋini nyirworo car, eyai ayenut neni a ituŋanan a ŋini iapara alotau keŋ.

Esek. 28:3

Kire jik, ioso iyoŋ akilo Daniel; mam ŋakiro ikimunonitae iyoŋ;

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 1:7

Abu nai Ekapolokiniton akai ŋina ka apukan tolimonok ikes ŋirorwa ŋice: Tolimok Daniel ekiro Belitesasar, tolimok Anania ekiro Sadirak, tolimok Misael, ekiro Mesak ka tolimok Asaria ekiro Abedinego.

Dan. 2:26

Kiŋit erwosit Daniel ŋolo arae ekiro keŋ Belitesasar tema, “Ipedori iyoŋ alimokin ayoŋ ŋuna abu eruja ka ipedori alimokin apolou kec a?”

Dan. 4:19

Abu nai Daniel ŋolo arae ekiro keŋ ece Belitesasar tosiliyo adiouriyen ebulit nooi, apotu ŋatameta keŋ kitubulo iŋes. Tema nai erwosit neni keŋ, “Belitesasar, nyimyek ŋakiro ŋuna ka akiruja a ŋin, kori apolou kec ikitubulo iyoŋ.” Toboŋok Belitesasar tema, “Ekapolon kaŋ, kerae ca topedonor, keruwor ŋakiro ŋuna irujat iyoŋ ŋuna a ŋulu ikimanito iyoŋ ka keruwor apolou kec ŋina a ŋimoe kon.”

Dan. 4:8

Ekaku, abu Daniel bu neni ayai ayoŋ (Daniel ŋolo arae ekiro keŋ ece Belitesasar, ekiro a akuj kaŋ, ayai etau a ŋakujo a ŋuna asegak neni a Daniel,) aŋun abu ayoŋ olimok iŋes ŋakiro ŋuna abu ayoŋ eruja. Abu ayoŋ olimok iŋes otema,

Dan. 5:14

Adau ayoŋ akiirar atemar eyai etau a ŋakujo neni kon ka atemar iyakar iyoŋ apiiryanut, ayenut ka aosou ŋina apolon nooi.

Dan. 5:16

Nai adau ayoŋ akiirar atemar ipedori iyoŋ akisileereun ŋakiro ka ipedori alimun epite ŋolo elemarere ŋatyokisyo. Ani tokona kipedori iyoŋ asyomun ŋakiro ŋuna igiritae ŋun ka alimokin ayoŋ apolou a ŋakiro a ŋun, ikitanapikinio iyoŋ elou ŋolo kipurat areŋan ka ikienikinio iyoŋ lodokole erikot ŋolo erae egolid bon itiyaunitere, ikituruworyo iyoŋ ekapolon ŋolo a ŋiuni, ŋolo ekewuapit ayoŋ anapukan kaŋ.”

Dan. 6:3

Abu Daniel atipei totakan erae ŋolo ajok etic keŋ akilo ŋirukitos keŋ ŋuluarei ka ŋikapolokinitok a ŋakiboisyo, anerae ayai etau ŋolo ajokan nooi neni a Daniel, abu erwosit toyeu akiwuakin iŋes topolok akwap daadaŋ ŋina epukat erwosit.

Dan. 6:4

Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo kiwara ŋirotin ŋulukitoroniyaret epite ŋolo epukator Daniel. Nai apotu ikes nyeryamut idiobore ŋinikitoroniyaret Daniel, kori atuna adio aneni keŋ, anerae arae Daniel ituŋanan ŋini ekinyoma, ŋini pa alejeono, kori ŋini pa aryamununuyo itunae.

Ŋikol. 1:29

Aŋakiro a ŋun, etiyae ayoŋ ka agogoŋu ka aŋirikinit alotooma apedor ŋina akainakinit Kristo ŋina eketepedorit ayoŋ akitiya ŋun.