Dan. 4:37 - Ebaibul

³⁷ Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Dan. 4:37 Iomraidhean Croise

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

Esta 6:10

Tolimok nai erwosit Aman tema, “Ape atipei! Tolemu ŋilowi ka aŋole, kitiya ŋuna ilimu iyoŋ neni a Moridekai a Eyudayat a ŋolo iboi alopuke a erwosit. Nyimyek akitiyakin akirot adio alotooma ŋuna ilimu iyoŋ.”

Ŋikiru. 119:75

Okoe Ekapolon, ayeni ayoŋ atemar itubi iyoŋ ŋakiro anakiyookino, ido anakikinyoma kon, ikisican iyoŋ ayoŋ.

Ŋikiru. 99:4

Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Awos. 8:4

Ikidokakinete iyoŋ ŋakidodoka ka edokakinete tari neni a ŋituŋa kon ka neni a ŋikapolok a ŋulu ipukatotor iyoŋ.”

Isa. 23:9

Ayeu Ekapolon ŋolo a ŋajoresyo ŋakiro nu, alemar akituro aneni a ŋikapolok a daadaŋ, akisurum ŋileec daadaŋ ŋulu itopolooritae anakwap.

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Esek. 16:56

Pa mono imina iyoŋ akirworor nakaato kon Sodoma apaki ŋina ituror iyoŋ

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Dan. 4:26

Ikwapei alimunitere atemar kimyekinae apuŋure ka ŋataagor a ekitoe, apolou keŋ atemar iruwor iyoŋ erwosit nabo apaki ŋina icamunia iyoŋ atemar Akuj iŋes ipukat akwap daadaŋ.

Dan. 4:3

Epolok nooi ŋakitoodyanakineta ŋun, epolok nooi ŋaumonokineta ŋuna etiya iŋes. Erae apukan keŋ ŋina a ŋikaru ka ŋikaru ka erae apolou keŋ ŋina a ŋanyameta.

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Dan. 5:4

Apotu ikes tomata epiini kipuro ŋakujo ŋuna etiyaunitae a egolid, a esilipa, a eburonis, a asuwat, a akitoe ka amoru.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Ŋitic. 17:24

Akuj na ŋina asubuni akwap ka ibore daadaŋ ŋini eyai tooma keŋ, ŋina erae Ekapolon ŋolo anakuj ka akwap; nyiboi iŋes anakais a ŋuna edukito ŋituŋa akilipya ŋakujo.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

Akis. 16:7

Abu eira etoil a Namuroet ebala, “Ekapolon Akuj ŋina etiron! Iyookino kire ŋuna itubi iyoŋ!”

1 Sam. 2:3

Tojoŋoto akirworo nooi iturosi; tojoŋo akirworo ŋakiro ŋuna ka akituro. anerae erae Ekapolon Akuj ŋina eyeni ŋakiro, etubonokini iŋes ŋituŋa anakiro a daadaŋ a ŋuna itiyaete.