Dan. 4:34 - Ebaibul

³⁴ Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Dan. 4:34 Iomraidhean Croise

2 Sam. 22:31

Ani eruwor iyoŋ Akuj, iyookino ŋuna kon; iyoonokin akiikinet ŋina a Ekapolon; erae iŋes aupal aneni a ŋulu daadaŋ eŋopete aneni keŋ,

1 Ŋakiro a ŋirwa 29:10

Kipur nai Daudi Ekapolon iteete ŋituŋa daadaŋ ŋulu atukokina nen, tema, “Okoe Ekapolon, akipuro toyai neni kon, Akuj a papaa kosi Isirael, ikipuri iyoŋ ŋikaru ka ŋikaru.

1 Ŋakiro a ŋirwa 29:13

Akuj kosi, ikilakar tokona isua neni kon, ikipuri apolou ŋina ke ekiro kon.

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Ŋikiru. 10:16

Erae Ekapolon erwosit ŋolo a ŋikaru ka ŋikaru, isunyarosi ŋituŋa a ŋakwapin anakwap keŋ alo Isirael.

Ŋikiru. 102:24

Aŋun, abu ayoŋ otema, “Okoe Akuj kaŋ, nyikilema ayoŋ tokona eriŋa nyemojoŋa; okoe Ekapolon, iyoŋ erubakinete ŋikaru kon ananyameta a daadaŋ.”

Ŋikiru. 107:15

Emaikina ikes tolakar neni ke Ekapolon aŋuna ka amina keŋ a ŋina nyiryaŋiryaŋa, aŋuna a ŋiticisyo keŋ a ŋulu ka aumokin neni a ŋituŋa;

Ŋikiru. 107:22

Emaikina ikes inakis Ekapolon ŋamuronisya ŋuna ka alakara ka tolimosi ŋiticisyo ŋulu ke Ekapolon alotooma ŋieosyo ŋulu ka alelyanu.

Ŋikiru. 107:31

Emaikina ikes tolakar neni ke Ekapolon aŋuna ka amina keŋ a ŋina nyiryaŋiryaŋa, aŋuna a ŋiticisyo keŋ a ŋulu ka aumokin neni a ŋituŋa.

Ŋikiru. 107:8

Emaikina ikes tolakar neni ke Ekapolon aŋuna ka amina keŋ a ŋina nyiryaŋiryaŋa, aŋuna a ŋiticisyo keŋ a ŋulu ka aumokin neni a ŋituŋa;

Ŋikiru. 111:7

Erimaana ka iyookino iŋes alotooma ŋiticisyo keŋ daadaŋ. Erae ŋakiciketa keŋ daadaŋ ŋuna ikinyoma.

Ŋikiru. 121:1

Erere ayoŋ alomukura, nai ai mono aryamunia ayoŋ akiŋarakino?

Ŋikiru. 123:1

Neni kon Ekapolon erereunit ayoŋ, neni kon a ŋolo ipukat anakuj.

Ŋikiru. 145:13

Erae apukan kon ŋina a ŋikaru ka ŋikaru, irae iyoŋ ekepukan ŋolo a jik, ŋolo a ŋanyameta a daadaŋ. Erae Ekapolon ŋolo ikinyoma anakiikineta keŋ a daadaŋ, emina iŋes ŋisubuna keŋ daadaŋ.

Ŋikiru. 146:10

Ipukae Ekapolon ŋikaru ka ŋikaru, okoe Ŋisirael, ipukae Akuj kus ananyameta a daadaŋ. Kipuroe Ekapolon!

Ŋikiru. 50:14

Inakisi Akuj ŋamuronisya ŋuna ka alakara neni keŋ, ido kisiyookisi ŋuna ipotu iyes kikoŋo neni ka Akuj a ŋina alokidiama nooi.

Ŋikiru. 66:7

Ipukat iŋes anapedor keŋ ŋikaru ka ŋikaru, ite iŋes ŋakwapin, nyemaikina ŋulu eŋerito iŋes kiturokinos.

Ŋikiru. 7:17

Alakar ayoŋ neni ke Ekapolon aŋuna ka akiyookino keŋ, ido aeikini ayoŋ ŋieosyo ŋulu ka akipuro neni ke Ekapolon a ŋolo alokidiama nooi.

Ŋikiru. 9:2

Alakar ayoŋ olelyan aŋuna kon; aeikini ayoŋ ŋieosyo ŋulu ka akipuro neni ke Ekapolon a ŋolo alokidiama nooi.

Ŋikiru. 92:1

Ejok alakar neni ke Ekapolon, ejok aeikin ŋieosyo neni kon, okoe Akuj ŋina alokidiama nooi;

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 24:15

Aŋun, emaikina ŋituŋa ŋulu alo Kide kitopoloosi Ekapolon, emaikina ŋituŋa ŋulu iboiyete alodiyete anam kitopoloosi ekiro a Ekapolon Akuj a Isirael.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Aum. 3:38

Meere mono neni a Ekapolon a ŋolo eyai kidiama nooi eponeniata ŋuna ajokak ka ŋuna aronok a?

Dan. 12:7

Abu nai ekile ŋolo anapit ŋilowi ŋulu amilimilak, ŋolo awoi alokidiama ŋakipi kikyaa ŋakan keŋ kidiama, ido abu ayoŋ eira iŋes ikoŋi alokiro a Akuj a ŋina eyari ŋikaru ka ŋikaru ebala, “Erae ŋakiro nu ŋuna a ŋikaru a ŋiuni ka atutubet. Ani edaun apedor a ŋituŋa a Akuj, itiyakinio ŋakiro nu daadaŋ.”

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Dan. 4:2

Erae alakara kaŋ alimokin iyes ŋakitoodyanakineta ka ŋaumonokineta ŋuna adau Akuj ŋina alokidiama nooi akitiya aŋuna kaŋ.

Dan. 4:26

Ikwapei alimunitere atemar kimyekinae apuŋure ka ŋataagor a ekitoe, apolou keŋ atemar iruwor iyoŋ erwosit nabo apaki ŋina icamunia iyoŋ atemar Akuj iŋes ipukat akwap daadaŋ.

Dan. 4:3

Epolok nooi ŋakitoodyanakineta ŋun, epolok nooi ŋaumonokineta ŋuna etiya iŋes. Erae apukan keŋ ŋina a ŋikaru ka ŋikaru ka erae apolou keŋ ŋina a ŋanyameta.

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 4:36

Apaki ŋin, apotu ŋatameta kaŋ toŋaaros, oyenu ŋakiro ejok, aponi ekenyakakin ayoŋ ailiil kaŋ ka apolou kaŋ aŋuna ka apolokin akwap kaŋ. Apotu ŋikonei kaŋ ŋulu ikiyania ayoŋ ŋakiro ŋuna ka apukan ka ŋikapolok ŋulu ikipukatotor ayoŋ akwap kaŋ, potu neni kaŋ. Aponi ekenyakakin ayoŋ apukan kaŋ ka kiyatakinae daŋ apolou kaŋ.

Dan. 5:18

Okoe erwosit, abu Akuj ŋina alokidiama nooi inak papa kon Nebukadinesar aruwor erwosit, arwonu, apolou ka ailiil,

Dan. 5:21

Aponi kiritarae iŋes alotuŋa a ŋuluce, aponi kisikwaanikinae ŋatameta keŋ ka ŋuna a etyaŋ. Abu iŋes kiboi aneni iboiyoto ŋityaŋ ŋulu ka ariet ŋulu ikwaan ka ŋisigirya, ido enyami ŋinya ikwa ŋaatuk, aponi akuwan keŋ kitopalalae a ŋakopi a ŋuna alokidiama, akitodol ŋina ayenunia iŋes atemar Akuj ŋina alokidiama iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 6:26

Atub ayoŋ ŋakiro atemar alotooma akwap ŋina epukat ayoŋ daadaŋ, itemokino ŋituŋa tomarana ka kitopoloosi Akuj a Daniel, anerae erae iŋes Akuj ŋina eyari, ŋina iboi ŋikaru ka ŋikaru. Mam ituŋanan inyasuni apukan keŋ, ka nyesaluni apukan keŋ.

Dan. 7:14

Aponi inakinae iŋes apukan ka apolou ta arwosiyo, ikotere itiyanakineta iŋes ŋituŋa daadaŋ, ŋakwapin ka ŋituŋa ŋulu irworosi ŋaŋajepa ŋuna egelegelya. Erae apukan keŋ ŋina a ŋikaru ka ŋikaru, ŋina nyedaun ka nyemunaaryo apukan keŋ.”

Dan. 7:27

Einakinio nakan a ŋituŋa a ŋulu ka Akuj a ŋina alokidiama nooi arwosiyo ka apukan ta apolou nooi a ŋakwapin a daadaŋ anakwap. Eruwor apukan kec ŋina a ŋikaru ka ŋikaru, tosodi itiyanakinete ka iwuapete ŋituŋa a ŋapukasinei a daadaŋ ŋakiro kec.”

Dan. 9:14

Aŋun, abu Ekapolon nyerubak ite ŋuna itiyao isua, abu yau neni kosi ŋican, anerae iyookino Ekapolon Akuj kosi alotooma daadaŋ ŋuna etiya iŋes, ido nyiwuapa isua ŋakiro ŋuna irworo iŋes.

Yona 1:14

Kiworout ikes neni ke Ekapolon temasi, “Ikilipit iyoŋ okoe Ekapolon, ikilipit iyoŋ nyikimyek isua ikitwaki aŋuna ka akiyar a ekile alo; nabo nyikimarak isua natwanare a ekile a lo a ŋolo nyesecit aneni kosi. Anerae acamit kon etiyakinotor nu.”

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Luk. 1:33

Ipukae iŋes ateker a Yakobo ŋikaru ka ŋikaru, nabo nyedaun Apukan keŋ!”

Luk. 18:13

“Towo ekeriran ocur aneni alwana, nyireo ŋakeekonyen tari nakuj, toram etau keŋ tema, ‘Akuj, kisyoni ayoŋ ekasecan!’

Yoa. 5:26

Ikwaŋinapei eyakar Papa akiyar tooma keŋ, ainaki iŋes Lokoku keŋ daŋ akiyar ikwaŋinapei.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Akis. 10:6

Abu iŋes kikoŋ alokiro ka Akuj a ŋina eyari ŋikaru ka ŋikaru, a ŋina asubuni nakuj, akwap, anam ka ibore daadaŋ ŋini eyai tooma kec; tema, “Emam nabo apaki ace ŋina idaryo.”

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 4:10

eramakinosi ŋikatukok ŋulutomoniarei ka ŋiomwon kwap kiŋaren iŋes ŋini iboi alokicoloŋ ka kilipa neni a ŋolo eyari ŋikaru ka ŋikaru. Imasakinete ikes ŋibokoi kec kiŋaren ekicoloŋ eosi ebasi,

Akis. 4:9

Apaki daadaŋ ŋina ipurioto, ŋina itopolooryata ka ŋina italakaryata ŋisubuna ŋul ŋini iboi alokicoloŋ ka ŋini eyari ŋikaru ka ŋikaru,