Dan. 4:32 - Ebaibul

³² Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 4:32 Iomraidhean Croise

2 Ŋakiro a ŋirwa 33:13

Kilip Manase neni ka Akuj, ido abu Akuj inak iŋes ŋuna ewarit, topupok adyekitoi keŋ, kinyaku iŋes Yerusalem ka napukan keŋ. Toyenu nai Manase atemar erae kire Ekapolon Akuj.

Yob 42:2

“Ekapolon ayeni ayoŋ atemar ipedori iyoŋ akitiya ŋiboro daadaŋ ka emam ibore ikitukuruwori iyoŋ akitiyakin.

Yob 9:12

Elemanari iŋes, ŋae epedori akiretakin iŋes tojoŋo alemanar? Ŋae elimokini iŋes ebe, ‘Nyo itiyae iyoŋ?’

Ŋikiru. 115:3

Eyai Akuj yok nakuj; itiyae daadaŋ ŋuna italakarito iŋes.

Ŋikiru. 135:6

Itiyae Ekapolon ŋuna daadaŋ italakarito iŋes, anakuj ka alokwap, ananamyo ka aloburin kec a daadaŋ.

Awos. 8:10

Tema Parao, “Moi taparacu.” Tema Moses, “Etiyae ayoŋ ikwapei ilimunio iyoŋ! Aŋuna ka akitaanyun iyoŋ atemar, mam ituŋanan epedoryo akisikwaanikin ka Ekapolon Akuj kosi.

Awos. 9:14

Ani pa kimyek, eyakuuni ayoŋ ŋakisicaneta kaŋ neni kon, neni a ŋikapolok a ŋulu ipukatotor iyoŋ ka neni a ŋituŋa kon, ikotere iyoŋ iyenuni atemar mam ice ikikwaan ka ayoŋ anakwap a daadaŋ.

Awos. 9:29

Tema Moses neni keŋ, “Alomar a ne alotaun bon, ekyaari ayoŋ ŋakan kaŋ neni ke Ekapolon; ido todaun agiro ka mam nabo ŋakako eyakaun. Aŋun, iyenuni iyoŋ atemar erae akwap daadaŋ ŋina ke Ekapolon.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 40:15

Aneni ke Ekapolon, ikote ŋakwapin akilimasit a akiru apei; iteo ikes ikwaan ka apuwa ŋina nyinuwari akilo; kiirasi, ikwaan aneni keŋ ŋiculeta ka apuwa.

Isa. 40:17

Erae ŋakwapin daadaŋ ŋakoŋinae alokiŋaren Ekapolon, aneni keŋ erae ikes daadaŋ ŋakoŋinae, mam ibore eyai tooma kec.

Isa. 45:3

akainakini ayoŋ iyoŋ ebari ŋolo iwuaitae anakiryonut ka ebari ŋolo iwuaitae anakiboisyo a ŋuna emam ituŋanan eyeni, ikotere iyoŋ iyenuni atemar ayoŋ Ekapolon, Akuj a Isirael iŋes ikinyar iyoŋ a ekiro kon.

Yer. 27:5

Erae ayoŋ asubuni akwap a apedor kaŋ a ŋina apolon ka a agogoŋu kaŋ, ayoŋ asubuni ŋituŋa ka ŋityaŋ ŋulu eya nakwap, ido ainakini ayoŋ neni a ŋini acamit ainakin.

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 4:31

Ani eriŋa erwosit irworo, bu etoil alokidiama ebala, “Okoe erwosit Nebukadinesar alimun nu aŋuna kon: Alemar apukan aneni kon.

Dan. 5:21

Aponi kiritarae iŋes alotuŋa a ŋuluce, aponi kisikwaanikinae ŋatameta keŋ ka ŋuna a etyaŋ. Abu iŋes kiboi aneni iboiyoto ŋityaŋ ŋulu ka ariet ŋulu ikwaan ka ŋisigirya, ido enyami ŋinya ikwa ŋaatuk, aponi akuwan keŋ kitopalalae a ŋakopi a ŋuna alokidiama, akitodol ŋina ayenunia iŋes atemar Akuj ŋina alokidiama iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Yos. 4:24

Erae ŋun ikotere akiteyenunia ŋituŋa daadaŋ anakwap atemar egogoŋ Ekapolon Akuj ka erae ikotere iyes itopoloorete Ekapolon Akuj kus ŋikaru ka ŋikaru.”