Dan. 4:31 - Ebaibul

³¹ Ani eriŋa erwosit irworo, bu etoil alokidiama ebala, “Okoe erwosit Nebukadinesar alimun nu aŋuna kon: Alemar apukan aneni kon.

Dan. 4:31 Iomraidhean Croise

Akisy. 14:18

Yau Melekisedek ŋolo arae erwosit ŋolo a Salem ŋamugati ka epiini; arae daŋ Melekisedek esacaradoti ŋolo ka Akuj a ŋina alokidiama nooi.

Yob 20:23

Iakuuni Akuj neni kec ŋiman ŋulu ka anyunyura keŋ, ido tobuku neni kec ŋakisicaneta ŋuna adedeŋak.

Ŋikiru. 145:13

Erae apukan kon ŋina a ŋikaru ka ŋikaru, irae iyoŋ ekepukan ŋolo a jik, ŋolo a ŋanyameta a daadaŋ. Erae Ekapolon ŋolo ikinyoma anakiikineta keŋ a daadaŋ, emina iŋes ŋisubuna keŋ daadaŋ.

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Isa. 14:27

Ayeu Ekapolon ŋolo a ŋajoresyo akitiya ŋun Ŋae epedori akiretakin iŋes? Isicani tokona iŋes ŋituŋa ka Asiriya. Ŋae epedori akisimyekin iŋes ŋun?”

Dan. 12:7

Abu nai ekile ŋolo anapit ŋilowi ŋulu amilimilak, ŋolo awoi alokidiama ŋakipi kikyaa ŋakan keŋ kidiama, ido abu ayoŋ eira iŋes ikoŋi alokiro a Akuj a ŋina eyari ŋikaru ka ŋikaru ebala, “Erae ŋakiro nu ŋuna a ŋikaru a ŋiuni ka atutubet. Ani edaun apedor a ŋituŋa a Akuj, itiyakinio ŋakiro nu daadaŋ.”

Dan. 4:24

Apolou a ŋakiro a ŋun iŋes na, okoe erwosit: Erae atubokinet a Akuj a ŋina alokidiama nooi iŋes abu neni a ekapolon kaŋ a erwosit.

Dan. 4:26

Ikwapei alimunitere atemar kimyekinae apuŋure ka ŋataagor a ekitoe, apolou keŋ atemar iruwor iyoŋ erwosit nabo apaki ŋina icamunia iyoŋ atemar Akuj iŋes ipukat akwap daadaŋ.

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Dan. 5:20

Nai aŋuna abunio iŋes kiturokin, kitogogoŋ akou keŋ, kitiya ŋakiro anakituro, aponi tolemarae iŋes alokicoloŋ keŋ a ŋolo ka apukan ka aponi tolemarae apolou keŋ.

Dan. 5:28

PERES iŋes atemar atyakatyakae akwap ŋina ipukat iyoŋ, ainakin epeiwae neni a Ŋimedes ka epeiwae neni a ‘Niperisian;’ ”

Dan. 6:27

Ikilakuni iŋes ka ikiuni, itiyae iŋes ŋakujuwuanisya ka ŋaumonokineta anakuj ka anakwap; anerae aiu iŋes Daniel anapedor a ŋiŋatunyo.”

Mat. 3:17

Kiirarae etoil anakuj ebala, “Erae lo Lokoku kaŋ ŋolo minat, alelyani ayoŋ nooi aŋuna keŋ.”

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

Yoa. 12:28

Papa, kitopoloo ekiro kon!” Kirworik nai etoil anakuj ebala, “Etopoloo ayoŋ iŋes ka etopoloori iŋes nabo.”

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

Akis. 16:7

Abu eira etoil a Namuroet ebala, “Ekapolon Akuj ŋina etiron! Iyookino kire ŋuna itubi iyoŋ!”

1 Sam. 13:14

Nai tokona nyeruwor apukan kon ŋinaruba, adau Ekapolon akiwarun ekile ece ŋolo emina etau keŋ, ido aseu Ekapolon iŋes aruwor ekepukan a ŋituŋa keŋ, anerae nyiwuapa iyoŋ ŋakiciketa a Ekapolon.”

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”