Dan. 4:22 - Ebaibul

²² Okoe erwosit, iyoŋ ekitoe ŋol! Ipoloor iyoŋ ka igogoŋior, eyatakin apolou kon adol kidiama ka abu apukan kon kiryam akwap daadaŋ.

Dan. 4:22 Iomraidhean Croise

Akisy. 11:4

Temasi, “Potu, odukutu etaun yok, odukokisi aduketait ŋina aoyan ŋina edoli aita keŋ nakuj, ikotere ikiruwor iwon ŋulu ikiyenen alotuŋa, ido nyikielar iwon nakwapin daadaŋ.”

Akisy. 28:12

Ani ejotoe iŋes, kiruja, kiŋolik adoket ewoi anyoun alokwap tari nakuj; kiŋolik ŋimalaikan ŋulu ka Akuj elosete kidiama ka eponito kwap anadoket a ŋin.

2 Sam. 12:7

Tema Nasan neni a Daudi, “Erae ekile ŋol iyoŋ pei! Abala Ekapolon Akuj a Isirael ebe, ‘Abu ayoŋ okoseu iyoŋ aruwor erwosit ŋolo ipukae Isirael, ido abu ayoŋ okoiu iyoŋ aneni a Saul.

2 Ŋakiro a ŋirwa 28:9

Nai ayai Samaria ekadwaran ŋolo ke Ekapolon ŋolo anyaritae Oded. Abu iŋes toloma kiŋa etaun akisiryam ŋasigarya ŋuna aboŋunete alojie. Tema neni kec, “Aŋuna aŋoikinitor Ekapolon ŋolo erae Akuj atapapaa kus ŋituŋa a Yudaya, abu itojalak iyes ŋituŋa a Yudaya, nai iara iyes ikes nooi ka anyunyura, ido eira Akuj ŋakiro ŋun.

Ŋikiru. 108:4

anerae epol nooi amina kon ŋina nyiryaŋiryaŋa eyai tari kidiama; edolit akikinyoma kon tari lodouwon.

Ŋikiru. 36:5

Okoe Ekapolon, eyai amina kon ŋina nyiryaŋiryaŋa, eyai akikinyoma kon kidiama.

Yer. 27:5

Erae ayoŋ asubuni akwap a apedor kaŋ a ŋina apolon ka a agogoŋu kaŋ, ayoŋ asubuni ŋituŋa ka ŋityaŋ ŋulu eya nakwap, ido ainakini ayoŋ neni a ŋini acamit ainakin.

Esek. 17:3

Tema iyoŋ neni kec, ‘Alimu Ekapolon Akuj atemar, ayai egole ŋolo apolon nooi ŋolo ayakar ŋabebenuk ŋuna apolok nooi, ayakar iŋes ŋakopir ŋuna aoyak, ŋuna agelegelya ŋiraŋgi. Abu egole ŋol toporo lomoru ŋulu a Lebanon, tobilibilaa ŋakyes a ŋikito a ŋulu enyaritae Cedar,

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 4:11

Abu ekitoe ŋol topolou ka togogoŋior abu akou keŋ todol kidiama ka eteo ekitoe ŋol anakwap a daadaŋ.

Dan. 4:21

ekitoe ŋolo ebusak ŋakwii keŋ ka alalak ŋaraito keŋ nooi, ekitoe ŋolo abu kiteryamu daadaŋ akimuj, ekitoe ŋolo apotu ŋityaŋ ŋulu ka ariet kiboiyoto, ŋolo apotu ŋikyeny toduko ŋakais kec naten keŋ.

Dan. 4:29

Kelunyarosi ŋilapyo ŋitomon ka ŋiarei, apaki ŋina alosyo erwosit alokidiama akai ŋina ka apukan alo Babilon,

Dan. 4:36

Apaki ŋin, apotu ŋatameta kaŋ toŋaaros, oyenu ŋakiro ejok, aponi ekenyakakin ayoŋ ailiil kaŋ ka apolou kaŋ aŋuna ka apolokin akwap kaŋ. Apotu ŋikonei kaŋ ŋulu ikiyania ayoŋ ŋakiro ŋuna ka apukan ka ŋikapolok ŋulu ikipukatotor ayoŋ akwap kaŋ, potu neni kaŋ. Aponi ekenyakakin ayoŋ apukan kaŋ ka kiyatakinae daŋ apolou kaŋ.

Mat. 14:4

Alimokinit sek Yoana Ekebatisan Erode atemar, “Italeo iyoŋ akituruwor aberu a lokaato kon ŋina kon!”

Akis. 18:5

Anerae alalata ŋasecisya keŋ, edyatakin adol tari nakuj, etamunit daŋ Akuj ŋiticisyo keŋ ŋulu aronok.