Dan. 4:19 - Ebaibul

¹⁹ Abu nai Daniel ŋolo arae ekiro keŋ ece Belitesasar tosiliyo adiouriyen ebulit nooi, apotu ŋatameta keŋ kitubulo iŋes. Tema nai erwosit neni keŋ, “Belitesasar, nyimyek ŋakiro ŋuna ka akiruja a ŋin, kori apolou kec ikitubulo iyoŋ.” Toboŋok Belitesasar tema, “Ekapolon kaŋ, kerae ca topedonor, keruwor ŋakiro ŋuna irujat iyoŋ ŋuna a ŋulu ikimanito iyoŋ ka keruwor apolou kec ŋina a ŋimoe kon.”

Dan. 4:19 Iomraidhean Croise

Akisy. 31:35

Tema Rakel neni a papa keŋ, “Kisyoni ayoŋ ekapolon kaŋ aŋuna pa awoya ayoŋ alokiŋaren kon, erae aŋuna ayakar ayoŋ lolap iŋes pa awoya.” Abu Laban kiwar ŋakujo ŋuna a ekal keŋ, nai nyeryamu.

Akisy. 32:18

Toboŋokisi iyes iŋes temasi, ‘Erae ŋulu a Yakob a eketiyan kon, erae ŋibaren lu ainakinet neni kon a ekapolon keŋ, ebunit iŋes alokaku.’ ”

Akisy. 40:12

Tema Yosepu neni a ŋol, “Apolou a ŋakiro a ŋun iŋes na: Erae ŋaten ŋunauni ŋun ŋirwa ŋiuni;

1 Ŋirw. 18:7

Ani eriŋa Obadia elosi alorot, kiryamunos ka Eliya. Toyen Obadia Eliya, toryedik alokwap kijuuru tema, “Iyoŋ bare ca lo Eliya ekapolon kaŋ!”

Awos. 32:32

Nai tokona, akadyekit ayoŋ iyoŋ kisyoni asecit kec ŋin, ani pa kisyon, kikisa ekiro kaŋ alokitaabo a ŋolo igirit iyoŋ ŋirorwa a ŋituŋa.”

Yer. 29:7

Nai kitiyata ŋuna itopoloorete etaun ŋolo adau ayoŋ akiyakiyar iyes irae ŋirikon ka kilipete neni ke Ekapolon aŋuna ke etaun a ŋol, anerae anakitopoloorit kus etaun ŋol, ikitopolooryo iyes daŋ.”

Yer. 4:19

Aryeba ayoŋ! Aryeba ayoŋ! Akanomo ayoŋ apipilu! Akanyamete ŋakiro etau! Idoŋae etau kaŋ nooi, nyapedori ayoŋ akililiŋ, anerae apupi ayoŋ eruye ŋolo amomwara a emesek, apupi ayoŋ eli ŋolo ke ejie.

Dan. 1:7

Abu nai Ekapolokiniton akai ŋina ka apukan tolimonok ikes ŋirorwa ŋice: Tolimok Daniel ekiro Belitesasar, tolimok Anania ekiro Sadirak, tolimok Misael, ekiro Mesak ka tolimok Asaria ekiro Abedinego.

Dan. 2:26

Kiŋit erwosit Daniel ŋolo arae ekiro keŋ Belitesasar tema, “Ipedori iyoŋ alimokin ayoŋ ŋuna abu eruja ka ipedori alimokin apolou kec a?”

Dan. 2:37

Okoe erwosit, iyoŋ irae erwosit a ŋirwosi ŋolo ikiinak Akuj ŋina anakuj apukan, apedor, agogoŋu ka apolou,

Dan. 4:24

Apolou a ŋakiro a ŋun iŋes na, okoe erwosit: Erae atubokinet a Akuj a ŋina alokidiama nooi iŋes abu neni a ekapolon kaŋ a erwosit.

Dan. 5:12

Ayakar ekile ŋol etau ŋolo ajokan nooi, ayakar ayenut ŋinakisileereunet ŋakirujaeta, ŋatedyeta ka apedori alimokin epite ŋolo elemarere ŋatyokisyo. Arae ekiro a ekile a ŋol Daniel ŋolo abu erwosit tolimok ekiro ece Belitesasar. Kimyek tokona tonyaraunae Daniel, ikisileerekini iŋes iyoŋ apolou a ŋakiro a ŋun a daadaŋ.”

Dan. 5:18

Okoe erwosit, abu Akuj ŋina alokidiama nooi inak papa kon Nebukadinesar aruwor erwosit, arwonu, apolou ka ailiil,

Dan. 5:19

aŋuna ka arwonu a ŋina ainit Akuj iŋes, abu tobul ka apotu tokera iŋes ŋituŋa daadaŋ ŋulu irworosi ŋaŋajepa ŋuna egelegelya. Abu iŋes toar ŋulu acamit akiar, kimyek eyarete ŋulu acamit iŋes akimyekin eyarete, kitopoloo ŋulu acamit iŋes akitopoloor ka tolema apolou aneni a ŋulu acamit iŋes alemar apolou.

Dan. 7:15

Tolimu Daniel tema, “Ani eruwor ayoŋ, eryaŋakina etau kaŋ, eketubulito ayoŋ ŋakiro ŋuna abu ayoŋ eŋolik anakiruja.

Dan. 7:28

Ŋakiro daadaŋ ikes ŋun ŋuna aponi okolimokin ayoŋ apolou kec. Ani eruwor ayoŋ Daniel, apotu ŋatameta kaŋ eketubulo ayoŋ nooi, ido abu ereet kaŋ kilocokin, nai abu ayoŋ eric ŋakiro daadaŋ alotau kaŋ.

Dan. 8:27

Aŋun, abu ayoŋ Daniel eyaloloŋ nooi, odyakakin oper ŋirwa ŋulu alalak; ekaku abu ayoŋ onyou, olot akitiya ŋiticisyo a erwosit. Nai abu akisileerekinet anakiruja a ŋin okoinak ayoŋ akitakadakinet, ido pa apedorit ayoŋ ayenun apolou keŋ.

Abak. 3:10

Apotu ŋimoru tomaranikis ikiŋolikinete iyoŋ; apotu ŋakipi todout alo kidiama, apotu ŋakalele anauwata kisyakis arwore. Abu akoloŋ tojoŋo akica.

1 Sam. 1:15

Nai abu Ana toboŋok iŋes tema, “Nyamera ayoŋ, ekapolon kaŋ; arae ayoŋ aberu ŋina aryamunit ŋican ŋulu apipilak nooi; nyemata ayoŋ epiini, kori ŋagwe ŋadi ŋuna adwarak, nai igworonokini etau kaŋ Ekapolon.

1 Sam. 24:8

Ani keaka Saul iwadio, tonyou Daudi daŋ a nen, toloma anaturukan, tonyara Saul tema, “Ekapolon kaŋ erwosit!” Ani iŋoliyari Saul kaku, toryedik Daudi kijuuru, todol ereet kwap. Etiyae Daudi ŋun itoodiunit akitopoloorit keŋ Saul.

1 Sam. 26:15

Toboŋok Daudi Abiner kiŋit tema, “Meere iyoŋ ekile a? Ŋae ikwaanatar iyoŋ alo Isirael? Kaanukiro nai pa ibunio iyoŋ topedorya akiyok ekapolon kon erwosit? Anerae abunit nen ituŋanan ice akiar ekapolon kon erwosit.

1 Sam. 3:17

Kiŋit Eli iŋes tema, “ Anukiro abu Ekapolon ikilimok iyoŋ? Nyimunon ŋakiro ŋun aneni kaŋ. Elipi ayoŋ kitiya Akuj ŋuna aronok neni kon kitiya ŋun erono nooi, erae kikimunon iyoŋ ayoŋ ŋuna abu iŋes itolimok iyoŋ.”