Dan. 3:7 - Ebaibul

⁷ Aŋun, ani iirarete ŋituŋa daadaŋ eruye amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore, apotu ŋituŋa daadaŋ ka ŋakwapin daadaŋ ta ŋulu irworosi ŋaŋajepa ŋuna egelegelya toryediko ka kilipa neni a etorube a egolid a ŋolo kebu erwosit Nebukadinesar tosipok.

Dan. 3:7 Iomraidhean Croise

Yer. 51:7

Ekwaan sek Babilon aneni kaŋ ka ekopo ŋolo eyai nakan kaŋ, ekopo ŋolo itiyaunitae a egolid, abu iŋes kitemerak ŋituŋa a akwap a daadaŋ apotu ŋituŋa a ŋakwapin tomata epiini keŋ aŋun, abu kimatimataa ŋituŋa a ŋakwapin nooi.

Dan. 2:46

Abu nai erwosit Nebukadinesar toramakin kwap toper a akook, todol ereet kwap, kilip neni a Daniel, ido tolimu atemar tolemunae ainakinet ŋina a ŋikinyom ka ekinyate kicunyakinae alokiŋaren Daniel.

Dan. 3:10

Okoe erwosit, idau iyoŋ atubun atemar emaikina ŋituŋa daadaŋ toryediko ka kilipa neni a etorube a ŋolo itiyaunitae a egolid, apaki ŋina iiraryata ikes eruye a amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore,

Dan. 3:4

abu ekeseran ŋolo a erwosit kiserau ikeunit tema, “Okoe ŋituŋa, ŋakwapin ka iyes ŋulu irworosi ŋaŋajepa ŋuna egelegelya ikilimokin atemar,

Dan. 3:5

ani iirarete iyes eruye a amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore, emaikina iyes toryediko ka kilipa etorube a egolid ŋolo adau erwosit Nebukadinesar asipokin.

Dan. 3:6

Ituŋanan daadaŋ ŋini nyeryediki kilip, imasakinio atipei nakim ŋina a ekitet ŋina erirae.”

Dan. 3:8

Apaki ŋin, apotu Ŋibabiloniyae ŋice potu kiŋaren, kisitakis Ŋiyudayan.

Ŋitic. 14:16

Ananyameta a ŋuna amunyarosi, abu Akuj tocamak ŋakwapin akitiya ŋuna acamito.

1 Yoa. 5:19

Ikiyeni iwon atemar ikirae iwon ŋulu ka Akuj, tari kipukat ŋolo Aronon akwap daadaŋ.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:14

Abu tomodik ŋituŋa daadaŋ ŋulu iboiyete anakwap a ŋakujuwuanisya a ŋuna acamakinitae iŋes akitiya alokiŋaren etyaŋ ŋolo ke ekiŋaren. Tolimok etyaŋ ikes adukokin etorube ŋolo ke etyaŋ a ŋolo awanitae ka atum, nai ayari.

Akis. 13:3

Atakani akou ŋina ke etyaŋ apei ewanan nooi, nai keris keiyo. Abu akwap daadaŋ toumok, kiwuap etyaŋ ŋol.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 17:8

Ayari koloŋ etyaŋ ŋol, nai tokona nyeriŋa eyari; eapi iŋes alomun anakipany a ŋina aoyan a ŋina nyesalunit alokwap, tolot nai toarae. Eumokinete ŋituŋa ŋulu koloŋ pa keponi kigirae ŋirorwa kec lokitaabo ŋolo ka akiyar ameun anasubunet akwap, apaki ŋina iŋolikiniata etyaŋ. Anerae ayari koloŋ, tokona nyeriŋa eyari, nai etakanuni nabo.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.