Dan. 3:6 - Ebaibul

⁶ Ituŋanan daadaŋ ŋini nyeryediki kilip, imasakinio atipei nakim ŋina a ekitet ŋina erirae.”

Dan. 3:6 Iomraidhean Croise

Akisy. 19:28

kirereiyo a nen kwap lowae ŋolo a Sodoma ka Gomora ka lowae ŋolo a ŋadipoe a ŋimukura, kiŋolik apuru a akwap a ŋin eremit kidiama ikwa ŋina ka arira a ŋina ti apolon.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Isa. 44:17

Akitoe a ekitoe a ŋol nenice daadaŋ, ituruwori iŋes akuj, akuj keŋ, eryediki kijuuru alokiŋaren kilip neni keŋ, etemari iŋes ilipi neni keŋ ebe, “Toiunae ayoŋ, anerae irae iyoŋ akuj kaŋ.”

Yer. 29:22

Tosodi aŋuna kec, elimunete ŋituŋa ŋulu aponi torikoroe alo Yerusalem tari Babilon ŋilam lu ebe, ‘Elipi ikisican Ekapolon iyes lopite ŋolo esicania Sedekia ka Aab ŋulu abu erwosit a Babilon tope anakim eyarete,’

Dan. 2:5

Tolimok erwosit ikes tema, “Adau ayoŋ atubun ŋakiro nu: Ani pa kikilimokis iyes ayoŋ ŋuna abu eruja ka pa kikisileerekis apolou a ŋakiro a ŋuna erujat ayoŋ, etubutubuyo ŋakejen kus ka eritakinio ŋakais kus kwap.

Dan. 3:11

ido ituŋanan daadaŋ ŋini nyeryediki kilip, imasakinio nakim ŋina a ekitet ŋina erirae.

Dan. 3:15

Tokona, ani kitenito iyes aryedik ka akilip neni a etorube a ŋolo etiyaunit ayoŋ, emaikina kitiyata ŋun apaki ŋina eruunio amomwara a emesek, apilu, aujiwij, aduŋgu, ebur ka ŋolo a ŋiboro a daadaŋ a ŋulu eore, ejokyata ŋun, nai ani pa kilipa iyes neni a etorube a ŋol, ikimasakinio iyes atipei nakim ŋina a ekitet ŋina erirae, anikuj epedori aiun iyes anapedor kaŋ?”

Dan. 3:21

Aŋun, aponi ŋikilyok ŋul toenae enapito ŋisatyo kec, ŋitorosyo kec, ŋakopiyae kec ka ŋilowi kec ŋice, aponi tocakakinae ikes narira a ekitet.

Dan. 3:7

Aŋun, ani iirarete ŋituŋa daadaŋ eruye amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore, apotu ŋituŋa daadaŋ ka ŋakwapin daadaŋ ta ŋulu irworosi ŋaŋajepa ŋuna egelegelya toryediko ka kilipa neni a etorube a egolid a ŋolo kebu erwosit Nebukadinesar tosipok.

Dan. 5:19

aŋuna ka arwonu a ŋina ainit Akuj iŋes, abu tobul ka apotu tokera iŋes ŋituŋa daadaŋ ŋulu irworosi ŋaŋajepa ŋuna egelegelya. Abu iŋes toar ŋulu acamit akiar, kimyek eyarete ŋulu acamit iŋes akimyekin eyarete, kitopoloo ŋulu acamit iŋes akitopoloor ka tolema apolou aneni a ŋulu acamit iŋes alemar apolou.

Dan. 6:7

Adaut ŋikapolok daadaŋ ŋulu ikiŋarakinito iyoŋ akipuka akwap kon kaapei ka ŋikapolok a ŋikawoikinitok a ŋakwapin, ŋikepukak a ŋakiboisyo, ŋikeŋarakinitok ka ŋikawoikinitok a ŋakwapin acamun atemar kiwuak erwosit ekisil ka toreik ŋituŋa kiwuapa, tosodi ituŋanan daadaŋ ŋini ilipi alotooma ŋirwa ŋatomoniuni neni a ibore a idio a ŋini erae akuj keŋ, kori neni a ituŋanan a ice akilo iyoŋ, okoe erwosit, emaikina tocakakinae iŋes nadui a ŋiŋatunyo.

Mat. 13:42

tocakakinae nakim ŋina erirae. A nen, kigworo ka tokonyanakis ŋikyal.

Mat. 13:50

Ecakakinete ŋimalaikan ikes nakim ŋina erirae. Kigworo a nen ka tokonyanakis ŋikyal.”

Mat. 4:9

ido tolimok Satan iŋes tema, “Ani kiryedik iyoŋ alokiŋaren kaŋ ikitopoloo ayoŋ, akajalakini ayoŋ iyoŋ ŋiboro ki daadaŋ.”

Mar. 6:27

Ŋolopeikiro, kiyakiya erwosit esigarit ŋolo apolokinit ŋasigarya, tolimok iŋes ayaun akou a Yoana. Tolot nai iŋes mabus, totub akou a Yoana;

Akis. 14:11

Erubakini apuru ŋina ka akim a ŋina isicani ikes elosi kidiama ŋikaru ka ŋikaru. Emam apaaran kori akuwar ŋina ieŋuniata alocan kec. Ŋituŋa ŋulu ilipete neni ke etyaŋ a ŋol ka neni ke etorube keŋ, ikes ŋulu eyai emacar keŋ loreetin kec.”

Akis. 9:2

Abu etop toŋaa auwuat ŋina aoyan ŋin, tolomu apuru ŋina ekoni ŋina ka arira a ŋina apolon nooi, kisiryon apuru akoloŋ ka kidiama cuc.