Dan. 3:28 - Ebaibul

²⁸ Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Dan. 3:28 Iomraidhean Croise

Akisy. 9:26

Tema nabo, “Erereŋ Ekapolon Akuj ŋina a Sem; emaikina Kanaan toruwor epito a Sem.

1 Ŋakiro a ŋirwa 5:20

Abu Akuj kiŋarak ikes akitijiore ŋituŋa ŋul, kimyek Akuj Ŋiagiri ka ŋulu ariitotor ereunio, anerae apotu ŋikajiok ŋulu adedeŋak ŋul kilipa neni ka Akuj alojie, ido abu Akuj inak ikes akiloun aŋuna ekinyomitotor ikes Akuj.

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Esir 1:3

Tokona nai, iyes daadaŋ ŋulu irae ŋituŋa ka Akuj, elipi toyai Akuj neni kec, acamakin ŋituŋa ŋul akitipeiyor Yerusalem nakwap a Yudaya, adukokin nabo Akai ŋina ke Ekapolon a ŋolo erae Akuj a Ŋisirael, erae iŋes Akuj ŋina eyai Yerusalem.

Esir 6:11

Ŋakiro ŋace nu, adau ayoŋ atubun atemar ani kiloc ituŋanan idio ŋakiro nu ŋuna adau ayoŋ atubun, editunio epir ŋolo ka akai keŋ tolemunae kiŋa alokai keŋ ekaku kinenekinoe iŋes lopir ŋol. Inyasuno akai ŋin toruwor neni etukor ekuron.

Ŋikiru. 103:20

Kipuro Ekapolon, iyes ŋimalaikan keŋ, iyes ŋikajiok ŋulu etirok, ŋulu iwuapito ŋakiciketa keŋ, iyes ŋulu iwuapito ŋakiro keŋ.

Ŋikiru. 147:11

Nai elakara Ekapolon aŋuna a ŋulu itopoloorito iŋes, a ŋulu iwuakinito akigeno kec namina keŋ ŋina nyiryaŋiryaŋa.

Ŋikiru. 33:18

Kire jik, ite Ekapolon ŋulu itopoloorito iŋes, ite Ekapolon ŋulu iwuakinito akigeno kec namina keŋ ŋina nyiryaŋiryaŋa.

Ŋikiru. 33:21

Elelyanete ŋitai kosi aŋuna keŋ, anerae ikikinyomit isua ekiro keŋ ŋolo asegan.

Ŋikiru. 34:22

Elakuni Ekapolon ŋiketiyak keŋ; mam epei daŋ aneni a ŋulu eiuna aneni ke Ekapolon ŋini nyeiunio.

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 3:25

Tolimu nabo erwosit tema, “Nai ete ayoŋ ŋikilyok ŋiomwon elosete alokidiŋ arira pa eenen, ido mam neni ewanan anawat kec ka etakakini ekile ŋolo a ŋiomwon esibit emalaika.”

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Dan. 6:16

Tolimok nai erwosit ŋituŋa atemar yaunae Daniel, tosodi aponi yaunae Daniel kimasakinae nadui a ŋiŋatunyo. Tema erwosit neni a Daniel, “Elipi itoiu iyoŋ Akuj kon ŋina itiyanakini anakikinyoma!”

Dan. 6:26

Atub ayoŋ ŋakiro atemar alotooma akwap ŋina epukat ayoŋ daadaŋ, itemokino ŋituŋa tomarana ka kitopoloosi Akuj a Daniel, anerae erae iŋes Akuj ŋina eyari, ŋina iboi ŋikaru ka ŋikaru. Mam ituŋanan inyasuni apukan keŋ, ka nyesaluni apukan keŋ.

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Ŋitic. 4:19

Nai toboŋokis Petero ka Yoana temasi, “Totubutu iyes ŋilopeyek ŋuna iyookino alokiŋaren Akuj--akiwuap ŋakiro kus kori ŋuna ka Akuj.

Ŋitic. 5:19

Nai ani nakwaare, toŋaa emalaika ŋolo ke Ekapolon ŋikekya ŋulu a mabus, ido yau ikes kiŋa, tolimok ikes tema,

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

1 Ŋikor. 13:3

Ani kakorak ayoŋ ŋiboro kaŋ lokulyak, ojalak daŋ ŋituŋa kicunya akuwan kaŋ, nai tomam amina aneni kaŋ, emam ibore aryamuni.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Ŋibur. 11:37

Aponi tocakae a ŋamoru, totubutuboe, toarae a ŋatumio. Apotu ikes kirimo akwap enapito ŋilowi ŋulu a ŋakinei--arae ikes ŋikaŋican, ŋulu aponi kisicanae ka tobolyanakinae.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.