Dan. 3:26 - Ebaibul

²⁶ Toapiya nai Nebukadinesar lopuke ŋolo a ekitet a ŋolo arira akim, kirworik tema, “Sadirak, Mesak ka Abedinego iyes ŋiketiyak ŋulu ka Akuj a ŋina alokidiama nooi, tolomutu kiŋa!”

Dan. 3:26 Iomraidhean Croise

Akisy. 14:18

Yau Melekisedek ŋolo arae erwosit ŋolo a Salem ŋamugati ka epiini; arae daŋ Melekisedek esacaradoti ŋolo ka Akuj a ŋina alokidiama nooi.

1 Ŋirw. 8:51

(anerae erae ikes ŋituŋa kon a elope, ŋulu idau iyoŋ ayaun alo Ijipit, anakwap a ŋina atiŋitere ikes ka aryenyeo.)

Esir 5:11

Apotu ikes toboŋokis temasi, ‘Ikirae isua ŋiketiyak ŋulu ka Akuj a ŋina anakuj ka anakwap, ido edukio nabo isua Akai ŋina koloŋ adukio ŋikaru ŋulu alalak ŋulu alunyar, Akai ŋina abu erwosit a Isirael ŋolo arwon toduk kirikak.

Ŋikiru. 66:12

Ibu iyoŋ kimyek ŋituŋa ŋulu ameto ŋaŋolei ikipudaete isua; aponi isua toryamununae ŋican ikwa ŋituŋa ŋulu iteryamunito ŋakipi ka akim ŋican; nai ikiyau iyoŋ isua nakibois ŋina ka ajakao.

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 52:12

Nyilosete iyes ikirikirasi ka nyilosete iyes ikerete, anerae ikiŋarenikini Ekapolon iyes ka eruwor Akuj a Isirael ikiyokuunit iyes alokaku.

Yer. 11:4

a ŋina abu ayoŋ olimok atapapaa kus apaki ŋina ayaunia ayoŋ ikes anakwap a Ijipit, anakwap a ŋina aryamunitotor ikes ŋican. Abu ayoŋ olimok ikes atemar kiirasi ŋakiro kaŋ ka kitiyata daadaŋ ŋuna akalimokini ayoŋ iyes. Aŋuna nai aruworotor ikes ŋituŋa kaŋ ka aruwor ayoŋ Akuj kec,

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 3:17

Ani kepedori Akuj kosi ŋina ikitiyanakini isua aiun isua anakim a ŋina a ekitet a ŋina erirae ka alakun isua anapedor kon, okoe erwosit, ikilipi ikilaku iŋes isua.

Dan. 4:2

Erae alakara kaŋ alimokin iyes ŋakitoodyanakineta ka ŋaumonokineta ŋuna adau Akuj ŋina alokidiama nooi akitiya aŋuna kaŋ.

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Dan. 6:21

Tema nai Daniel neni a erwosit, “Okoe erwosit, iboi iyoŋ ŋikaru ka ŋikaru!

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Ŋitic. 16:17

Kiwuapu iŋes Paulo ka isua ecela ebala, “Erae ŋikilyok lu ŋiketiyak ŋulu ka Akuj a ŋina alokidiama nooi! Iseraete ikes epite ŋolo ipedoryata iyes aiuno!”

Ŋitic. 16:37

Nai tolimok Paulo ikes tema, “Aponi ikibuŋae isua alokiŋaren ŋituŋa pa ikitubokinitae--isua ŋituŋa ŋulu a Roma! Apotu ikes ikiwuakis isua mabus. Ecamito nai tokona ikes alacakin isua pa eyenete ŋituŋa a? Nyepedor jik! Itemokino potu ikes pei ŋilopeyek ikilacakis isua.”

Ŋitic. 27:23

Anerae bien nakwaare, abu emalaika ŋolo ka Akuj a ŋina arae ayoŋ ŋolo keŋ ka ŋina elipi ayoŋ, bu neni kaŋ,

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

Ŋikis. 4:20

Nai abu Ekapolon ikiyau iyes alo Ijipit aneni ikisicanitere iyes nooi, ikotere iruworosi ŋituŋa keŋ a elope, lopite ŋolo iraakatar ŋulu keŋ tokona.

Yos. 3:17

Apaki ŋina adokaryata Ŋisirael aneni atyaikinito ŋakipi, awoete ŋisacaradotin ŋulu adakito Asaduku ŋina ka Acamunet a Ekapolon Akuj alokidiŋ Yorodan aneni aonit, akitodol ŋina adokaryata Ŋisirael daadaŋ ekekwaye Yorodan.

Yos. 4:10

Apaki ŋina adokaryata Ŋisirael ekekwaye aŋolol Yorodan, arubakinito ŋisacaradotin ŋulu adakito Asaduku ŋina ka Acamunet ewuasi alokidiŋ aŋolol, akitodol ŋina erikakinotor ŋakiro daadaŋ ŋuna ecikit Ekapolon Akuj Yosua alimokin ŋituŋa kitiyata, lopite ŋolo keris Moses kicikia Yosua. Apotu ŋituŋa kiburuburakis akidok aŋolol ekekwaye.

Akis. 19:5

Bu etoil alokicoloŋ ebala, “Kipuro Akuj yok, iyes ŋiketiyak keŋ daadaŋ ka ŋituŋa daadaŋ ŋulu ikerito iŋes, ŋulu arwok ka ŋulu caryo!”