Dan. 3:19 - Ebaibul

¹⁹ Abu nai erwosit Nebukadinesar tolili nooi tonyoridid ereet keŋ aŋuna a Sadirak, Mesak ka Abedinego. Tolimok erwosit ŋituŋa atemar kinokakinae akim a ekitet tomwanu nooi ŋarwa ŋakanikaarei akilo neni sek.

Dan. 3:19 Iomraidhean Croise

Akisy. 31:2

Toanyu daŋ Yakob atemar pa amina Laban iŋes apaki ŋin lopite ŋolo sek aminar ekiŋaren.

Esta 3:5

Ani eanyuni Aman atemar nyecamit Moridekai aryedik alokiŋaren keŋ akitopoloor iŋes, toŋo Aman nooi.

Esta 7:7

Tokadak erwosit nooi, tonyou anasuban eŋoit, tolot nenilapat kiŋa a akai ka apukan. Nai abu Aman kidoŋ kai imaimai arwosit Esta todyek erwosit kisyoni iŋes, anerae abu iŋes taanyu atemar acamaki erwosit akiar iŋes.

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Ŋakit. 16:14

Ani kenyunyur erwosit, eari ituŋanan ŋini irworo ŋakiro ŋuna aronok neni keŋ. nai ani keos ituŋanan, ikatakini akirworo ŋakiro ŋuna italakarito erwosit.

Ŋakit. 21:24

Ituŋanan ŋini eturon, ŋini isupana, ŋini enyaritae ebe, “Eketuron,” erae ŋini itiyae ituro ka isupa.

Isa. 51:23

Esicani ayoŋ ŋulu ikisicanito iyes, ŋulu adaut alimokin iyes ebe, ‘Topero alokwap, ikotere isua ikipudae iyes,’ ido ipotu iyes kituruwosi ŋakausinei kus neni ipudaete ikes ikwa akwap.”

Dan. 2:12

A ŋakiro a ŋun, abu erwosit tolili nooi tolimu atemar tomunyarae ŋikaosok daadaŋ anakwap a Babilon.

Dan. 3:13

Abu nai erwosit Nebukadinesar tolili nooi, ido tolimu atemar yaunae Sadirak, Mesak ka Abedinego tooma neni ayai iŋes. Aŋun, aponi yaunae ŋikilyok ŋul kiŋaren erwosit.

Dan. 3:20

Tolimok ŋikilyok ŋice alosigarya keŋ ŋulu agogoŋok nooi toena Sadirak, Mesak ka Abedinego, ido tocakakis ikes narira a ekitet.

Dan. 5:6

Anenipei togelaaniya ereet a erwosit, tokadak iŋes anatameta, kikelikelakis ŋakejen keŋ, tonaŋanakin ŋakuŋin keŋ.

Dan. 6:24

Abu erwosit tolimu atemar yaunae ŋikilyok daadaŋ ŋulu esitakinito Daniel ka aponi yaunae ŋikilyok ŋulu esitakinito Daniel, ido aponi kimasakinae ikes nadui a ŋiŋatunyo, ikes ka ŋaberu kec ka ŋidwe kec. Ani eriŋa ikes nyedo kwap neni aya ŋiŋatunyo, apotu ŋiŋatunyo kilout ikes tobilibiliyasi ŋakoyo kec.

Ŋilep. 26:18

Ani pa kipedorete iyes akiwuap ŋakiro kaŋ ŋuna iirasi ŋun, ekesicani ayoŋ iyes nooi ŋakisicanet ŋace ŋakanikaarei aŋuna a ŋasecisya kus.

Ŋilep. 26:21

“‘Ani kirubakis iyes ikiŋerito ayoŋ, ido towout akiwuap ŋakiro kaŋ, eatakini ayoŋ ŋican kus nooi ŋakiyatakinet ŋace ŋakanikaarei aŋuna a ŋasecisya kus.

Ŋilep. 26:24

akaŋeri ayoŋ iyes, ido ekesican nooi ŋakisicanet ŋace ŋakanikaarei aŋuna a ŋasecisya kus.

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Ŋitic. 5:33

Ani iirari Atukot ŋakiro ŋun, toŋo nooi, kiitan akiar ikes.

Ŋitic. 7:54

Ani iirarete ŋituŋa ŋulu ka Atukot ŋakiro a Stepano, toŋoa ikes nooi, tonyoridido ŋireetin kec aŋuna keŋ.