Dan. 3:17 - Ebaibul

¹⁷ Ani kepedori Akuj kosi ŋina ikitiyanakini isua aiun isua anakim a ŋina a ekitet a ŋina erirae ka alakun isua anapedor kon, okoe erwosit, ikilipi ikilaku iŋes isua.

Dan. 3:17 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 18:14

Eyai mono ibore ŋini etyono aneni ke Ekapolon a? Aboŋuni ayoŋ neni kon apaki ŋina itemokinitoe, apaki ŋina ejokunia ekaru ŋina ieteunio, apaki ŋin, eyakaunor Sara ikoku ŋinisapat.”

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Yob 5:19

Ikilakuni Akuj anatyokisyo a ŋakanikapei; ani edoli ŋina a ŋakanikaarei emam awana iryamuni.

Ŋikiru. 115:3

Eyai Akuj yok nakuj; itiyae daadaŋ ŋuna italakarito iŋes.

Ŋikiru. 37:39

Eiuni Ekapolon ŋulu iyookino ka iyoki ikes anapakio a ŋuna a ŋican.

Ŋikiru. 37:40

Iŋarakini Ekapolon ka elakununui ŋulu iyookino; elakununui ikes aneni a ŋulu aronok, ido eiununui ikes, anerae erae neni ke Ekapolon eloseneneete ikes aiunor.

Ŋikiru. 73:20

Ikwaan tokona ikes ka akiruja ŋina eŋopiyari ekyenyuni ituŋanan; ŋinibore inyounio iyoŋ Ekapolon, eŋopiyarete ikes.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 54:14

Iyakaun iyoŋ irae ŋolo ijok aŋuna ka akiyookino, nyikisicanio nabo iyoŋ, anerae emam ŋini ikitukuryani iyoŋ; Elemaryo ekabule aneni kon, anerae nyeapuuni neni kon.

Yer. 1:8

Nyikuryaniar aŋuna kec, anerae ikirukit ayoŋ ka iyoŋ aŋuna ka aiun iyoŋ.”

Yer. 15:20

Eketogogoŋi ayoŋ iyoŋ alokiŋaren ŋituŋa lu, lopite ŋolo egogoŋio arwatata ŋinajiet ŋina edukitoe a eburonis; ikitijiete ikes iyoŋ, nai nyikilounete ikes iyoŋ, anerae ikirukit ayoŋ ka iyoŋ aŋuna ka aiun ka alakun iyoŋ.

Yer. 15:21

Akalakuni ayoŋ iyoŋ anapedor a ŋulu aronok, akalakuni ayoŋ iyoŋ anagogoŋ a ŋulu aryenyaanak.”

Dan. 3:26

Toapiya nai Nebukadinesar lopuke ŋolo a ekitet a ŋolo arira akim, kirworik tema, “Sadirak, Mesak ka Abedinego iyes ŋiketiyak ŋulu ka Akuj a ŋina alokidiama nooi, tolomutu kiŋa!”

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Dan. 6:16

Tolimok nai erwosit ŋituŋa atemar yaunae Daniel, tosodi aponi yaunae Daniel kimasakinae nadui a ŋiŋatunyo. Tema erwosit neni a Daniel, “Elipi itoiu iyoŋ Akuj kon ŋina itiyanakini anakikinyoma!”

Dan. 6:23

Tolakar nai erwosit nooi, tolimok ŋituŋa atemar tolemunae Daniel anadui a ŋiŋatunyo. Aŋun aponi tolemunae Daniel anadui, mam nyeryamuna aneni keŋ tari iwadio daŋ ewanan, anerae abu iŋes kikinyom Akuj keŋ.

Dan. 6:27

Ikilakuni iŋes ka ikiuni, itiyae iŋes ŋakujuwuanisya ka ŋaumonokineta anakuj ka anakwap; anerae aiu iŋes Daniel anapedor a ŋiŋatunyo.”

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

Luk. 1:37

Anerae emam ibore ŋini ipiyori Akuj.”

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 21:13

Tema nai Paulo, “Nyo itiyaete iyes igworotor ikona ka ikiteryebiata ayoŋ etau kaŋ? Atenit ayoŋ aeno alo Yerusalem; meere ŋun bon, nai atenit atwanare daŋ aina aŋuna ke ekiro ke Ekapolon Yesu.”

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

2 Ŋikor. 1:10

Erae iŋes abu itoiu isua anatwanare a ŋina ikoni ŋin ka ikiuni iŋes isua nabo; ikiwuakinit isua akigeno kosi neni keŋ: ikiuni iŋes isua nabo.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

1 Sam. 17:37

Tema Daudi, “Akaiuni ayoŋ Ekapolon anakan a Epilistait a ŋol lopite ŋolo abunio okoiunia ayoŋ alomoyo a eŋatuny ka alomoyo a etyaŋ ece a ŋolo adedeŋan.” Aŋun, tema Saul neni a Daudi, “Ape, toyai Ekapolon kaapei ka iyoŋ.”

1 Sam. 17:46

Ikipotokini iyoŋ Ekapolon nakoloŋit na napedor kaŋ, ido akaari ayoŋ iyoŋ ekemasak kwap, otubo akou kon. Aarakini ayoŋ ŋataruk ka ŋityaŋ a akwap ŋajorei a Ŋipilistin nakoloŋit na, ikotere nai akwap daadaŋ eyenuni atemar eyai Akuj Isirael.