Dan. 3:14 - Ebaibul

¹⁴ Tolimok Nebukadinesar ikes tema, “Erae kire atemar, iyes Sadirak, Mesak ka Abedinego nyitiyanakinete ŋakujo kaŋ, kori nyilipete neni a etorube a egolid a ŋolo asipok ayoŋ a?

Dan. 3:14 Iomraidhean Croise

Isa. 46:1

Erae na adaunet a ŋakujo a Babilon! Arae sek Bel ka Nebo ŋakujo ŋuna elipeneneo neni kec, nai tokona idokokinitoe ikes losigirya, aruworosi akiwokitoi ŋina apotyon aneni a ŋityaŋ a ŋulu sek eupit.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Dan. 3:1

Abu erwosit Nebukadinesar kitiyau etorube a egolid. Arae aoyau keŋ alokwap tari kidiama ŋimitae ŋatomoniarei ka ŋikanikaarei ka arae alowae ke epei tari ŋoloce ŋimitae ŋiuni. Abu iŋes tosipok etorube ŋol nadipo a Dura a akibois a ŋina ayai nakwap a Babilon.

Dan. 4:8

Ekaku, abu Daniel bu neni ayai ayoŋ (Daniel ŋolo arae ekiro keŋ ece Belitesasar, ekiro a akuj kaŋ, ayai etau a ŋakujo a ŋuna asegak neni a Daniel,) aŋun abu ayoŋ olimok iŋes ŋakiro ŋuna abu ayoŋ eruja. Abu ayoŋ olimok iŋes otema,