Dan. 3:1 - Ebaibul

¹ Abu erwosit Nebukadinesar kitiyau etorube a egolid. Arae aoyau keŋ alokwap tari kidiama ŋimitae ŋatomoniarei ka ŋikanikaarei ka arae alowae ke epei tari ŋoloce ŋimitae ŋiuni. Abu iŋes tosipok etorube ŋol nadipo a Dura a akibois a ŋina ayai nakwap a Babilon.

Dan. 3:1 Iomraidhean Croise

1 Ŋirw. 12:28

Aŋun, kedau erwosit akiŋitiŋit ŋituŋa ŋuna kitiya, abu totub akitiyaun ŋitak ŋiarei a egolid. Tolimok ŋituŋa tema, “Idaut iyes akitipeiyonor Yerusalem apaki ŋina aoyan. Ŋakujo kus ikes nu iyes Ŋisirael, ŋuna apotu ikiyaut iyes anakwap a ŋina a Ijipit.”

Esta 1:1

Apotu ŋakiro nu kitiyakinos alorwa a ŋulu araakar Ausero. erwosit ŋolo epukat ŋakwapin amiat ka ŋatomoniarei ka ŋakanikaarei; akisyakin alo India tari Esiopia (Iŋes Kus).

Ŋikiru. 135:15

Erae ŋakujo a ŋakwapin esilipa ke egolid, erae ŋuna itiyaunito ŋituŋa.

Awos. 20:23

Nyitiyaut aŋuna kus ŋakujo kilipete neni kec, ido kilipete neni kaŋ daŋ, nyemaikina iyes kitiyaut aŋuna kus ŋakujo tari alosilipa, kori alogolid.

Awos. 32:31

Aŋun, abu Moses toboŋo neni ke Ekapolon tema, “Okoe, Ekapolon, aseca ŋituŋa kon nooi; etiyaut aŋuna kec akuj alogolid.

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 46:6

Eyakasi ŋituŋa ŋulu ebukununuyete egolid alocweei kec, ido kipima esilipa anakiloi kec; kipaŋgata eketyakan egolid kitiyau akuj, tosodo toryediko alokiŋaren akuj ŋin kilipa neni keŋ.

Yer. 10:9

Erae ŋakujo ŋun esilipa ŋolo ityekunitae alo Tarisis, erae egolid ŋolo alo Upas. Erae ŋikaramak ŋitorubei eramunito, erae ikes etic a ŋulu ityekete ŋiboro a egolid; erae ŋilowi kec ŋulupusiyek ka ŋulu kipura-areŋak ŋituŋa ŋulu eyenete akitiya ŋiboro ikes etiyaunete ŋilowi ŋul.

Yer. 16:20

Epedorete mono ŋituŋa akitiyaun ŋakujo aŋuna kec a? Meere ibore ŋini itiyaunete ikes Akuj.

Dan. 2:48

Abu nai erwosit kitopoloo Daniel, inak iŋes ŋainakineta ŋuna apolok ŋuna alalak ka kituruwo iŋes ŋolo iwuapit erwosit anapolokinit akwap ŋina a Babilon, kituruwo daŋ iŋes ekapolokiniton a ŋikaosok a daadaŋ alo Babilon.

Dan. 2:49

Abu Daniel kiŋitak erwosit aŋuna a ŋikonei keŋ a ŋuluuni, abu nai erwosit kituruwo Sadirak, Mesak ka Abedinego ŋikapolok ŋulu ewuapito Daniel ka towoikinito ŋakiro ŋuna ka akwap a Babilon, nai abu Daniel torubak iboi alokai a erwosit.

Dan. 3:14

Tolimok Nebukadinesar ikes tema, “Erae kire atemar, iyes Sadirak, Mesak ka Abedinego nyitiyanakinete ŋakujo kaŋ, kori nyilipete neni a etorube a egolid a ŋolo asipok ayoŋ a?

Dan. 3:30

Abu nai erwosit kitopoloo Sadirak, Mesak ka Abedinego anakwap a ŋina a Babilon.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 5:4

Apotu ikes tomata epiini kipuro ŋakujo ŋuna etiyaunitae a egolid, a esilipa, a eburonis, a asuwat, a akitoe ka amoru.

Osea 2:8

Abu aberu ŋin nyeyenu atemar ayoŋ abu oinak iŋes ŋikinyom, epiini ka akimyet ka arae ayoŋ abu etepetu esilipa ka egolid ŋolo ayaanarete ikes neni a Baal.

Osea 8:4

Apotu Ŋisirael toseununut ŋirwosi, nai pa acamakinit ayoŋ, apotu ikes kiwuanakis ŋikepukak, nai pa ayeni ayoŋ. Apotu ikes kitiyaununut ŋitorubei a ŋakujo a esilipa ka egolid, ŋakujo ŋuna apotu yaut amunyaro neni kec.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.

Ŋitic. 17:29

Ikwaŋinapei ikiraakar iwon ŋiletok ŋulu ka Akuj, nyitemokino iwon ikitami atemar ikwaan eyakae keŋ ka etorube ŋolo eyeunitae ke egolid kori ke esilipa kori ka amoru--etorube ŋolo eyeuni ituŋanan ka aosou keŋ.

Ŋitic. 19:26

Iteete ka iirasi iyes ŋilopeyek Paulo lo. Ebala iŋes ebe nyerae ŋakujo ŋuna itiyaunito ŋituŋa ŋakujo tari iwadio ka etunup ŋituŋa daadaŋ a ne alo Epeso ka akwap ŋina ka Asia daadaŋ.

Ŋikis. 7:25

Icunyarete iyes ŋitorubei a ŋakujo kec. Nyikinira iyes esilipa, kori egolid ŋolo idelesikinitae lotorubei ŋul, ido iyaasi aŋuna kus, anerae anakiwuapit ŋakiro ka Akuj; epedorete ŋiboro ŋul akitooliyor iyes anerae eŋerit Ekapolon Akuj kus iyes akitiya ŋun.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.