Dan. 2:7 - Ebaibul

⁷ Tolimokis nabo ikes erwosit temasi, “Tolimokinae mono isua ŋiketiyak kon erwosit ŋuna ibu iyoŋ kiruja, ido isileereunio isua apolou kec.”

Dan. 2:7 Iomraidhean Croise

Ekal. 10:4

Ani kikitoŋo iyoŋ ekapolon kon, nyiesik etic ŋolo ikipolokinitor iŋes iyoŋ, anerae isyonio ŋinadyakaret daadaŋ erae pa kededeŋiar ituŋanan.

Dan. 2:4

Tolimokis nai ikes erwosit (a ŋaramaik) temasi, “Okoe erwosit kiboi ŋikaru ka ŋikaru! Tolimokinae isua ŋiketiyak kon ŋakiro ŋuna irujat iyoŋ, ikilimokinio isua iyoŋ apolou kec.”

Dan. 2:8

Tolimu erwosit tema, “Ileere aneni kaŋ atemar icamito iyes akitooya apaki, anerae iyenete iyes atemar adau ayoŋ atubun ŋakiro,

Dan. 2:9

ani pa kikilimokis iyes ayoŋ ŋuna erujat, ikitubokinio iyes daadaŋ akisicanet apei. Icamut iyes daadaŋ alimokin ayoŋ alyokonu ka ŋakiro ŋuna acakarak, itamete atemar acepaki ebelekini ayoŋ ŋatameta kaŋ. Aŋun, tolimokinae ayoŋ ŋuna erujat, ikotere ayoŋ ayenuni atemar ipedorete iyes alimokin ayoŋ apolou kec.”

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.