Dan. 2:5 - Ebaibul

⁵ Tolimok erwosit ikes tema, “Adau ayoŋ atubun ŋakiro nu: Ani pa kikilimokis iyes ayoŋ ŋuna abu eruja ka pa kikisileerekis apolou a ŋakiro a ŋuna erujat ayoŋ, etubutubuyo ŋakejen kus ka eritakinio ŋakais kus kwap.

Dan. 2:5 Iomraidhean Croise

2 Ŋirw. 10:27

Tobwaŋabwaŋata nai ikes epir ŋol ka kinyasut akai a Baal, kituruwosi ecoron kec tari tokona.

Esir 6:11

Ŋakiro ŋace nu, adau ayoŋ atubun atemar ani kiloc ituŋanan idio ŋakiro nu ŋuna adau ayoŋ atubun, editunio epir ŋolo ka akai keŋ tolemunae kiŋa alokai keŋ ekaku kinenekinoe iŋes lopir ŋol. Inyasuno akai ŋin toruwor neni etukor ekuron.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Ŋikiru. 58:7

Kimyek ikes todaunos ikwa ŋakipi ŋuna elelearete nariet; kimyek ikes kikwaanikinos ka ŋinya ŋulu ipudaaryo a lorot tookiyosi.

Dan. 2:12

A ŋakiro a ŋun, abu erwosit tolili nooi tolimu atemar tomunyarae ŋikaosok daadaŋ anakwap a Babilon.

Dan. 3:29

Aŋun, alimu ayoŋ ŋakiro nu: Ituŋanan daadaŋ, kori ŋakwapin, kori ituŋanan a aŋajep adio, ŋulu iyanyete Akuj a Sadirak, Mesak ka Abedinego, etubutubooryo ŋakejen ka ŋakan ka ituworyo akai keŋ ŋamoru ŋuna etukosi koŋin, anerae emam akuj ace ŋina epedori alakun lopite lo.”

Dan. 4:9

‘Okoe Balitesasar, ekapolokiniton a ŋikekukujak, ayeni ayoŋ atemar eyai etau a ŋakujo a ŋuna asegak neni kon, ido mam ŋakiro ŋuna imunono ŋuna etyoko aneni kon. Kiira ŋakiro ŋuna abu ayoŋ eruja; tolimokinae ayoŋ apolou kec.

Ŋikis. 13:16

Ŋiboro keŋ daadaŋ ŋulu iŋatunete iyes, emaikina tocunakis nalapatu ŋina alokidiŋ etaun ŋol, tosodi kicunyakis etaun kaapei ka ŋiboro daadaŋ ŋulu iŋatunete iyes nen, ikwapei ainakinet ŋina epeyo neni ke Ekapolon Akuj kus. Eruwor nen ereŋorot ŋoloruba ŋolo nyedukokinio nabo.

Yos. 6:26

Apaki ŋin, abu Yosua kikoŋ tema, “Icenen alokiŋaren Akuj ituŋanan ŋini ikatakini akiduk etaun lo ŋolo a Yeriko. Ani kedukoki akisyakinet, etaci a ikiyae keŋ; ani kedukoki ŋikekya, etaci a iŋoorit keŋ.”

1 Sam. 15:33

Nai tema Samuel, “Ikwapei eturuworya ekileŋ kon ŋaberu ŋuna emam ŋidwe, toto kon daŋ emamukaunor ŋidwe.” Abu Samuel toar Agag alokiŋaren Ekapolon alo Giligal.