Dan. 2:47 - Ebaibul

⁴⁷ Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 2:47 Iomraidhean Croise

Akisy. 41:39

Aŋun, tema Parao neni a Yosepu, “Ikwapei ikitoodikinia Akuj iyoŋ ŋakiro nu daadaŋ, mam ituŋanan ice ŋini epatana ayenun ŋakiro, ŋini eos ikwa iyoŋ.

2 Ŋirw. 5:15

Toboŋosi nai Naaman ka ŋisigarya keŋ neni ke Elisa. Towo Naaman alokiŋaren Elisa tema, “Ayenu tokona ayoŋ atemar mam anakwap a daadaŋ neni eyai Akuj mati Isirael bon; tocamu tokona ainakinet aneni kaŋ a eketiyan kon.”

Yob 12:19

Elemanari iŋes ŋisacaradotin anapolou a ŋina erikitotor ŋituŋa anakilip, elemanari iŋes ŋikagogoŋok tojoŋoto araakau ŋikepukak.

Ŋikiru. 136:2

Okoe tolakaros neni ka Akuj a ŋakujo, anerae, erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 136:3

Tolakaros neni ke Ekapolon a ŋikapolok, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 72:11

Emaikina kilounae ŋirwosi daadaŋ alokiŋaren keŋ, emaikina kitiyata ŋituŋa a ŋakwapin a daadaŋ neni keŋ.

Ŋikiru. 82:1

Eboikin Akuj nakibois keŋ kaapei ka atukot ŋina a ŋisubuna a ŋulu anakuj ikwapei ekatubon ŋakiro, etubonokini iŋes anatukot a ŋisubuna a ŋulu eya nakuj.

Ŋikiru. 96:4

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

Esek. 26:7

“Alimu Ekapolon Akuj atemar, ainakini ayoŋ erwosit ŋolo eyai lowae ŋolo alo Kuju kiman Tiro, erae erwosit ŋol Nebukadinesar, erwosit a Babilon, ŋolo epukat ŋirwosi ŋuluce. Ebuni erwosit ŋol eyakar ŋaŋolei, ŋagaari ŋuna iritae aŋaŋolei, ŋasigarya ŋuna elosete a ŋaŋolei ka ŋasigarya ŋace ŋuna alalak nooi ŋuna agogoŋok nooi.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 2:19

Aponi nai kisileerekinoe Daniel anakiruja nakwaare ŋakiro ka abu Daniel kipur Akuj ŋina anakuj.

Dan. 2:22

isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.

Dan. 2:28

nai eyai Akuj ŋina eyai nakuj ŋina isileereuni ŋakiro ŋuna imunono ka adau iŋes akiteyenikin erwosit Nebukadinesar ŋakiro ŋuna itiyakinosi alorwa a ŋulu eponito. Ŋakiro ŋuna ibu iyoŋ kiruja ka ibu iyoŋ kiŋolik anakiruja apaki ŋina iperyo iyoŋ alokitaada kon ikes nu:

Dan. 2:29

Apaki ŋina ijotoo iyoŋ okoe erwosit, apotu ŋatameta kon totamatama, ŋakiro ŋuna eponito, ido abu Akuj ŋina isileereununui ŋakiro ŋuna imunono ikitoodik iyoŋ ŋakiro ŋuna epote atakanun.

Dan. 2:30

Nai ani eruwor ayoŋ, adaun akisileerekin ŋakiro ŋun, meere aŋuna aosyo ayoŋ akilo ŋituŋa daadaŋ anakwap, nai erae ikotere iyenunia iyoŋ okoe erwosit apolou a ŋakiro a ŋun ka ikotere iyenunia iyoŋ ŋuna apotu ŋatameta kon totamatamata.

Dan. 2:37

Okoe erwosit, iyoŋ irae erwosit a ŋirwosi ŋolo ikiinak Akuj ŋina anakuj apukan, apedor, agogoŋu ka apolou,

Dan. 3:15

Tokona, ani kitenito iyes aryedik ka akilip neni a etorube a ŋolo etiyaunit ayoŋ, emaikina kitiyata ŋun apaki ŋina eruunio amomwara a emesek, apilu, aujiwij, aduŋgu, ebur ka ŋolo a ŋiboro a daadaŋ a ŋulu eore, ejokyata ŋun, nai ani pa kilipa iyes neni a etorube a ŋol, ikimasakinio iyes atipei nakim ŋina a ekitet ŋina erirae, anikuj epedori aiun iyes anapedor kaŋ?”

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Dan. 3:29

Aŋun, alimu ayoŋ ŋakiro nu: Ituŋanan daadaŋ, kori ŋakwapin, kori ituŋanan a aŋajep adio, ŋulu iyanyete Akuj a Sadirak, Mesak ka Abedinego, etubutubooryo ŋakejen ka ŋakan ka ituworyo akai keŋ ŋamoru ŋuna etukosi koŋin, anerae emam akuj ace ŋina epedori alakun lopite lo.”

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:25

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ. Inyami iyoŋ ŋinya ikwa enyamyata ŋaatuk, ikitopalalete iyoŋ ŋakopi ŋuna alokidiama, irubakini iyoŋ ikoni nen ŋikaru ŋikanikaarei akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 5:11

Eyai nakwap ŋina ipukat iyoŋ, ituŋanan ŋini eyakar etau ŋolo a ŋakujo a ŋuna asegak. Alorwa a ŋulu epukator papa kon akwap na, aponi toryamunae aneni a ekile a ŋol apiiryanut, ayenut ka aosou ŋina ikwaan ka ŋina a ŋakujo. Abu papa kon Nebukadinesar kituruwo iŋes ekapolokiniton ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

1 Ŋikor. 14:25

Isileereuni ŋuna alotau keŋ ŋuna imunono, ido toryedik kilip neni ka Akuj, ebala, “Kire, eyai Akuj neni kus!”

Ŋikis. 10:17

anerae erae Ekapolon Akuj kus Akuj a ŋakujo, Ekapolon a ŋikapolok, Akuj ŋina apolon, ŋina etiron ka ŋina etubulon, ŋina etubi ŋakiro iyookino ka eŋerit akaluŋuluŋut,

1 Tim. 6:15

Eyauni Akuj atakanun ŋina a Yesu Kristo anapaki a ŋina itemokino, Akuj ŋina erereŋ ka ŋina erae iŋes bon erae Ekapolon, Erwosit ŋolo a ŋirwosi ka Ekapolon ŋolo a ŋikapolok.

Yos. 22:22

“Akuj ŋina Etiron, Ekapolon! Akuj ŋina Etiron, Ekapolon! Iŋes bon eyeni ŋuna ikiinakis isua akitiya nu ka emaikina Ŋisirael daŋ toyenut ŋunapei ŋun. Ani kikiŋerit isua Ekapolon, kimyekinitae akiwuap ŋakiro keŋ, tomunyarae isua nakoloŋit na!

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”