Dan. 2:4 - Ebaibul

⁴ Tolimokis nai ikes erwosit (a ŋaramaik) temasi, “Okoe erwosit kiboi ŋikaru ka ŋikaru! Tolimokinae isua ŋiketiyak kon ŋakiro ŋuna irujat iyoŋ, ikilimokinio isua iyoŋ apolou kec.”

Dan. 2:4 Iomraidhean Croise

Akisy. 31:47

Tonyara Laban atukot a ŋamoru a ŋun Yegar-Sudusa. Tonyara Yakob daŋ atukot a ŋamoru a ŋun Galeed.

Akisy. 41:8

Nyeyakaun etau a Parao ejok taparacu; aŋun, abu iŋes kiyaki ŋituŋa anyarare ŋikekukujak ŋulu aya Ijipit ka ŋikaosok keŋ daadaŋ. Tolimok Parao ikes ŋakirujaeta keŋ, nai mam ipei daŋ ŋini abu topedo akisileerekin Parao apolou a ŋakiro a ŋuna abu iŋes kiruja.

1 Ŋirw. 1:25

Eŋita ayoŋ nu, anerae akoloŋit na, atiyaar iŋes kwap ama, ido aar ikwapei ŋamuronisya ŋimoŋin, ŋitak ŋulu atumak ka ŋamesekin ŋuna alalak nooi. Anyaraiya iŋes ŋidwe a erwosit ŋulusapa daadaŋ ta Yoab ŋolo erae ekarikon ajore ka esacaradoti Abiasar. Imujete ka emasete tokona ikes aloŋaren Adoniya, ido ebasi, ‘Ikigasi isua torubak erwosit Adoniya eyari.’

1 Ŋirw. 1:31

Tosodi nai Basiseba toryedik aloŋaren erwosit kijuuru todol ereet kwap, ido tema, “Elipi torubak ekapolon kaŋ erwosit Daudi eyari ŋikaru ka ŋikaru.”

2 Ŋirw. 18:26

Apotu Eliakim lokoku a Ilikia ka Sebina ta Yoa todyeka ekapolokiniton ejie a ŋasigarya ka Asiriya temasi, “Iyoŋ ikipolokinit isua. Ikilipit iyoŋ ikisirwor isua anaŋajep a ŋina ka Aramaik, anerae ikiyeni isua aŋajep ka Aramaik. Nyikisirwor isua a Ŋaburaniyae, anerae iirarete ŋituŋa ŋulu edukito ŋakais kec narwatata alotooma.”

Esir 4:7

Tosodi alorwa a ŋulu epukator Aritaseses apotu Bisilam, Misiredas, Tabeel kaapei ka ŋirukitos kec ŋuluce, kigira abaruwa neni a erwosit Aritaseses a ŋolo a Perisia; egiritae abaruwa ŋin a Ŋaramaniae ka amaikina kibelekinoe naŋajep ŋina a ŋituŋa a Perisia apaki ŋina eswomere.

Neem. 2:3

Olimok ayoŋ erwosit otema, “Elipi torubak erwosit eyari ŋikaru ka ŋikaru! Ikokini ereet kaŋ pa enyorididi, tomunaara etaun ŋolo erae akibois ŋina enukitae atapapaa kaŋ ka tomunaaritetei ŋipukei ka akim ai?”

Isa. 36:11

Apotu nai Eliakim, Sebina ka Yoa tolimokis ekapolokiniton a ŋasigarya ka Asiriya temasi, “Ikilipit isua iyoŋ, kirwor a ŋaramaik neni kosi a ŋiketiyak kon, anerae ikiyeni isua aŋajep ŋin, nyirwor neni kosi a ŋajep a ŋituŋa a Yudaya epupete ŋituŋa ŋulu edokito arwatata.”

Isa. 44:25

Ayoŋ ŋolo nyemyekini kiyookin ŋakiro ŋuna edwarete ŋimodiyanotin, ayoŋ ŋolo eturuwori ŋikadwarak ŋuna aronok ŋibaŋaanotin ayoŋ alemari asyomit a ŋikaosok, eturuwo aosou kec abaŋao.

Dan. 1:4

ŋikilyok ŋulusorok, ŋulu emam neni eŋwalit, ŋulu ebusak, ŋulu apiiryanak anaosou a daadaŋ, ŋulu epatana aryamun aosou ka ayenut itatamio ka ŋulu epedorito akitiya kai a erwosit, emaikina kitatamae ikes akigir ka akisyom ŋakiro ŋuna igiritae a ŋajep a Ŋibabiloniyae.

Dan. 2:7

Tolimokis nabo ikes erwosit temasi, “Tolimokinae mono isua ŋiketiyak kon erwosit ŋuna ibu iyoŋ kiruja, ido isileereunio isua apolou kec.”

Dan. 3:9

Temasi neni a erwosit Nebukadinesar, “Okoe erwosit, kiboi ŋikaru ka ŋikaru!

Dan. 4:19

Abu nai Daniel ŋolo arae ekiro keŋ ece Belitesasar tosiliyo adiouriyen ebulit nooi, apotu ŋatameta keŋ kitubulo iŋes. Tema nai erwosit neni keŋ, “Belitesasar, nyimyek ŋakiro ŋuna ka akiruja a ŋin, kori apolou kec ikitubulo iyoŋ.” Toboŋok Belitesasar tema, “Ekapolon kaŋ, kerae ca topedonor, keruwor ŋakiro ŋuna irujat iyoŋ ŋuna a ŋulu ikimanito iyoŋ ka keruwor apolou kec ŋina a ŋimoe kon.”

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Dan. 4:9

‘Okoe Balitesasar, ekapolokiniton a ŋikekukujak, ayeni ayoŋ atemar eyai etau a ŋakujo a ŋuna asegak neni kon, ido mam ŋakiro ŋuna imunono ŋuna etyoko aneni kon. Kiira ŋakiro ŋuna abu ayoŋ eruja; tolimokinae ayoŋ apolou kec.

Dan. 5:10

Ani iirari arwosit ŋakiro ŋuna erworosi erwosit ka ŋikapolok ŋulu epukatotor iŋes, abu tolomu kai ŋina emujere ŋasuban, tema neni a erwosit, “Okoe erwosit, kiboi ŋikaru ka ŋikaru! nyicamak ŋatameta kon ikitubulo iyoŋ, kori nyitegelaan ereet kon.

Dan. 5:8

Apotu nai ŋikaosok a erwosit daadaŋ potu neni ayai iŋes, nai apotu nyepedosi asyomun ŋakiro ŋuna egiritae ŋun ka apotu nyepedosi alimokin erwosit apolou a ŋakiro a ŋun.

Dan. 6:21

Tema nai Daniel neni a erwosit, “Okoe erwosit, iboi iyoŋ ŋikaru ka ŋikaru!

Dan. 6:6

Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo tocamunos toloto kaapei neni a erwosit temasi, “Okoe erwosit Darius, kiboi ŋikaru ka ŋikaru!

Dan. 6:7

Adaut ŋikapolok daadaŋ ŋulu ikiŋarakinito iyoŋ akipuka akwap kon kaapei ka ŋikapolok a ŋikawoikinitok a ŋakwapin, ŋikepukak a ŋakiboisyo, ŋikeŋarakinitok ka ŋikawoikinitok a ŋakwapin acamun atemar kiwuak erwosit ekisil ka toreik ŋituŋa kiwuapa, tosodi ituŋanan daadaŋ ŋini ilipi alotooma ŋirwa ŋatomoniuni neni a ibore a idio a ŋini erae akuj keŋ, kori neni a ituŋanan a ice akilo iyoŋ, okoe erwosit, emaikina tocakakinae iŋes nadui a ŋiŋatunyo.

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”

1 Sam. 10:24

Kiŋit Samuel ŋituŋa daadaŋ tema, “Iŋolikis iyes ekile ŋolo aseu Ekapolon a? Mam ituŋanan ikwaanatar iŋes alotuŋa a daadaŋ.” Tocelut ŋituŋa daadaŋ temasi, “Ikigasi torubak erwosit eyari!”