Dan. 2:39 - Ebaibul

³⁹ Ekaku kon, eyakaun ekepukan ece ŋolo epalag anapolou keŋ akilo iyoŋ, ekaku a ekepukan a ŋol eyakaun ece ŋolo epalag nooi akilo ŋolo a ŋiarei, ido iŋes ipukae akwap daadaŋ.

Dan. 2:39 Iomraidhean Croise

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Dan. 10:20

Tema nai emalaika neni kaŋ, “Iyeni iyoŋ ŋakiro ŋuna abunitor ayoŋ neni kon a? Emaikina tokona ayoŋ oboŋo akitijiore emalaika ŋolo epolokinit apukan ŋina a Perisia, ani elouni ayoŋ iŋes, ebuni emalaika ŋolo epolokinit akwap ŋina ka Akaia.

Dan. 2:32

Etiyaunitae akou a etorube a ŋol a egolid a ŋolo aliitae ejok, etiyaunitae atorobu ka ŋakan keŋ a esilipa, etiyaunitae ekore ka ŋamuroi keŋ a eburonis,

Dan. 2:38

napedor kon adau Akuj ainakin ŋituŋa ka neni daadaŋ iboiyoto ikes, ŋityaŋ ŋulu ka ariet ka ŋikeny, iyoŋ ikituruwor ekepukan kec daadaŋ, iyoŋ irae egolid ŋolo itiyaunitae akou a etorube a ŋol.

Dan. 2:40

Eyakaun nabo apukan ŋina a ŋaomwon, ŋina egogoŋ lopite ŋolo egogoŋio asuwat, ŋina epedori abwaŋabwaŋaar ka akinyaadiyar ibore daadaŋ, lopite ŋolo ebwaŋabwaŋaarya asuwat ibore, itiyae apukan ŋina a ŋaomwon daŋ ŋun, ebwaŋabwaŋaari ka inyaadiyari ŋapukasinei ŋun daadaŋ.

Dan. 7:23

Apolou a ŋakiro a ŋuna abu iŋes okolimok ayoŋ iŋes na, “Itoodiunit etyaŋ ŋolo a ŋiomwon atemar, eyakaun nakwap apukan ŋina a ŋaomwon, apukan ŋina egelaana anapukasinei a daadaŋ, emunyari iŋes akwap daadaŋ, ipudaari akwap daadaŋ ka ielielaari a ŋapeipei.

Dan. 8:20

Ani eruwor emesek ŋolo ibu iyoŋ kiŋolik eyakar ŋamomwar ŋaarei, itoodiunito ŋamomwar keŋ ŋirwosi ŋiarei, ŋolo a Media ka ŋolo a Perisia.

Dan. 8:21

Tosodi etoodiunit ekoroe erwosit a Yapan, erae amomwara ŋina alokidiŋ ŋakonyen a ekoroe, erwosit ŋolo a ekiŋaren.

Sakar 6:3

ŋina a ŋauni, arikitoe a ŋaŋolei a ŋuna akwaŋak ka ŋina a ŋaomwon, arikitoe a ŋaŋolei a ŋunameriyek-pusiyek.

Sakar 6:6

Ŋolo eyakar ŋaŋolei ŋunakiryonok, elosi nakwap ŋina alo Kuju, ŋolo eyakar ŋaŋolei ŋuna akwaŋak, elosi nakwap ŋina alo To, ido ŋolo eyakar ŋaŋolei ŋunameriyek-pusiyek, elosi nakwap ŋina alokwap.”