Dan. 2:30 - Ebaibul

³⁰ Nai ani eruwor ayoŋ, adaun akisileerekin ŋakiro ŋun, meere aŋuna aosyo ayoŋ akilo ŋituŋa daadaŋ anakwap, nai erae ikotere iyenunia iyoŋ okoe erwosit apolou a ŋakiro a ŋun ka ikotere iyenunia iyoŋ ŋuna apotu ŋatameta kon totamatamata.

Dan. 2:30 Iomraidhean Croise

Akisy. 41:16

Tema Yosepu neni a Parao, “Meere ayoŋ; Akuj iŋes elimokini Parao aboŋokinet ŋina ajokan.”

Ŋikiru. 139:2

Iyeni iyoŋ ŋuna etiyae ayoŋ daadaŋ iyeni iyoŋ ŋatameta kaŋ tari daŋ kilwana iyoŋ.

Isa. 45:4

Aŋuna a ŋiletok a eketiyan kaŋ a Yakob ka aŋuna a ŋiseuna kaŋ a Ŋisirael, akanyar ayoŋ iyoŋ a ekiro kon, akanyar ayoŋ iyoŋ a ekiro a ŋolo ka akapul tari pa kikiyeni iyoŋ ayoŋ.

Dan. 1:17

Abu Akuj inak ŋisorok ŋuluomwon ŋul aosou ka apiiryanut ayenun ŋakiro ŋuna egiritae lokitaaboi ka ayenun anaosou; abu daŋ Daniel toryamu ayenut ŋina kisileereununeet ŋakitoodyanakineta daadaŋ ka ŋakirujaeta.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 2:49

Abu Daniel kiŋitak erwosit aŋuna a ŋikonei keŋ a ŋuluuni, abu nai erwosit kituruwo Sadirak, Mesak ka Abedinego ŋikapolok ŋulu ewuapito Daniel ka towoikinito ŋakiro ŋuna ka akwap a Babilon, nai abu Daniel torubak iboi alokai a erwosit.

Amos 4:13

“‘Kiirasi mono iyes iŋes ŋolo abu tosub ŋimoru ka ekuwuam, iŋes ŋolo isileerekini ŋituŋa ŋatameta keŋ ka iloconokini akuwar toruwor apaaran, iŋes ŋolo ipukat nakuj ka akwap, erae ekiro keŋ Ekapolon Akuj ŋina a ŋajoresyo.’”

Mat. 24:22

Nai etuuruwuan Akuj ŋirwa ŋul. Kerae nyituuruwuanit, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Mar. 13:20

Kerae nyituuruwuanit Akuj ŋirwa ŋul, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Ŋitic. 3:12

Ani iŋolikini Petero ŋun, tolimok ikes tema, “A ŋituŋa a Isirael, nyo ikituumokinitotor iyes ŋun? Nyo ikiteoto iyes isua esibit erae apedor na ŋina kosi, kori esibit erae aŋuna ekeritere isua Akuj iŋes ikitorotokinio isua ekile lo?

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

2 Ŋikor. 4:15

Ŋun daadaŋ itiyasi aŋuna kus, ikotere ajokis ŋina iyata alokimar a ŋikanupak iyatakini akipuro ŋina ka alakara neni ka Akuj.