Dan. 2:29 - Ebaibul

²⁹ Apaki ŋina ijotoo iyoŋ okoe erwosit, apotu ŋatameta kon totamatama, ŋakiro ŋuna eponito, ido abu Akuj ŋina isileereununui ŋakiro ŋuna imunono ikitoodik iyoŋ ŋakiro ŋuna epote atakanun.

Dan. 2:29 Iomraidhean Croise

Akisy. 41:25

Tema nai Yosepu neni a Parao, “Erae apolou a ŋakiro a ŋuna irujat Parao apei ka ikwaan, adau Akuj akitoodikin Parao ŋuna eapi Akuj akitiyakin.

Esek. 38:10

“Alimu Ekapolon Akuj atemar, akoloŋit ŋina ilosyoto iyes, epote ŋatameta nakyes kus, ido igeunete iyes akituk akitiya ŋuna aronok.

Dan. 2:22

isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.

Dan. 2:23

Neni kon okoe Akuj atapapaa kaŋ ainakini ayoŋ alakara ka akipuro, ikiinak iyoŋ ayoŋ aosou ka apedor, ikisileerek tokona iyoŋ ayoŋ ŋuna sek ikiŋisit isua iyoŋ, anerae ikisileerek iyoŋ isua ŋuna ecamit erwosit ayenun.”

Dan. 2:28

nai eyai Akuj ŋina eyai nakuj ŋina isileereuni ŋakiro ŋuna imunono ka adau iŋes akiteyenikin erwosit Nebukadinesar ŋakiro ŋuna itiyakinosi alorwa a ŋulu eponito. Ŋakiro ŋuna ibu iyoŋ kiruja ka ibu iyoŋ kiŋolik anakiruja apaki ŋina iperyo iyoŋ alokitaada kon ikes nu:

Dan. 2:45

Lopite ŋolo ibunio iyoŋ kiŋolik amoru ŋina pa ayororit ituŋanan ecakun alomoru, ido abu amoru ŋin tobwaŋabwaŋaa asuwat, eburonis, ecoto, esilipa ka egolid; adau Akuj ŋina etiron alimokin erwosit ŋakiro ŋuna itiyakin alorwa a ŋulu eponito. Erae ŋun ŋakiro kire ŋuna ibu iyoŋ kiruja, emaikina iyoŋ tonup atemar ŋuna ekesileerek ayoŋ iyoŋ ikes erae apolou kec.”

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Amos 4:13

“‘Kiirasi mono iyes iŋes ŋolo abu tosub ŋimoru ka ekuwuam, iŋes ŋolo isileerekini ŋituŋa ŋatameta keŋ ka iloconokini akuwar toruwor apaaran, iŋes ŋolo ipukat nakuj ka akwap, erae ekiro keŋ Ekapolon Akuj ŋina a ŋajoresyo.’”